ലോകത്ത് ഏറ്റവും വിലകൂടിയ ആഡംബര വസ്തുക്കള് ലഭിക്കുന്ന, അതിസമ്പന്നര് വിവാഹം കഴിക്കാന് തിരഞ്ഞെടുക്കുന്ന പ്രശസ്തമായ നഗരങ്ങൾ ...
ലോകത്ത് ഏറ്റവും വിലകൂടിയ ആഡംബര വസ്തുക്കള് ലഭിക്കുന്ന, അതിസമ്പന്നര് വിവാഹം കഴിക്കാന് തിരഞ്ഞെടുക്കുന്ന പ്രശസ്തമായ നഗരങ്ങൾ ഇതൊക്കെയാണെന്ന് ഗവേഷണ സ്ഥാപനമായ ജൂലിയസ് ബെയര് ഗ്രൂപ്പ് പറയുന്നു.
ജീവിതനിലവാരത്തിലും ആഡംബരത്തിലുമൊക്കെ യൂറോപ്പിനെ അപേക്ഷിച്ച് ഏഷ്യ പിന്തള്ളപ്പെട്ടിരുന്നതൊക്കെ പഴങ്കഥ. ജീവിക്കാന് ലോകത്തിലെ ഏറ്റവും ചെലവേറിയ നഗരങ്ങള് തെരഞ്ഞെടുത്തപ്പോള് ആദ്യ മൂന്ന് സ്ഥാനങ്ങളും ഏഷ്യന് നഗരങ്ങള്ക്ക് ആണ് . ആഗോള ആഡംബര വിപണി നിയന്ത്രിക്കുന്നത് ഈ ഏഷ്യന് നഗരങ്ങളിലെ ഉയര്ന്നുവരുന്ന സമ്പന്ന വിഭാഗമാണെന്ന് പുതിയ പഠനറിപ്പോര്ട്ട് ചൂണ്ടിക്കാട്ടുന്നു.
ലോകത്തിലെ ഏറ്റവും 'വിലകൂടിയ' നഗരങ്ങൾ ഹോങ്കോംഗ്, ഷാങ്ഹായ്, ടോക്കിയോ എന്നീ മൂന്ന് നഗരങ്ങള്ആണെങ്കിലും അവയിൽ മുൻപന്തിയിൽ ഹോങ്കോങ് ആണ് .ആഡംബര കാറുകള്ക്കും വിലകൂടിയ വിരുന്നുകൾക്കും പറ്റിയ ഇടമാണിത് . ജീവിക്കാന് വന്തുക കൊടുക്കേണ്ടിവരുന്ന നിരവധി മുന്സിപ്പാലിറ്റികള് ഹോങ്കോങിലുണ്ട്......
അത്യാഡംബരഭവനങ്ങള്ക്ക് ഏറ്റവും ചെലവേറുന്നത് മൊണാക്കോയില് ആണ് ..ഹോങ്കോംഗ്, ലണ്ടന്, ടോക്കിയോ, സിംഗപ്പൂര്, ഷാങ്ഹായ് എന്നീ നഗരങ്ങള്ക്കാണ് രണ്ട് മുതല് ഏഴ് വരെ സ്ഥാനങ്ങള്...ആഡംബര കാറുകളുടെ കാര്യത്തില് 10 ഏറ്റവും ചെലവേറിയ നഗരങ്ങളില് എട്ടെണ്ണം ഏഷ്യയിലാണ്. സിംഗപ്പൂര്, ഷാങ്ഹായ്, ഹോങ്കോംഗ് എന്നിവയാണ് ആദ്യത്തെ മൂന്ന് റാങ്കിലുള്ള നഗരങ്ങള്
ജൂലിയസ് ബെയര് ഗ്രൂപ്പ് ലിമിറ്റഡ് നടത്തിയ ഗ്ലോബല് വെല്ത്ത് & ലൈഫ്സ്റ്റൈല് പഠനത്തിലാണ് പുതിയ കണ്ടെത്തല്. ആഡംബര ഉല്പ്പന്നങ്ങള്, അത്യാഡംബര വസതികള്, പ്രീമിയം കാറുകള് എന്നിവയടങ്ങുന്ന ആഡംബരജീവിതശൈലി പിന്തുടരാന് ഏറ്റവും ചെലവേറിയ നഗരങ്ങള് ഹോങ്കോംഗ്, ഷാങ്ഹായ്, ടോക്കിയ എന്നിവയാണത്രെ.
ഭക്ഷണത്തിന് ഏറ്റവും വിലകൂടിയ നഗരം പാരീസാണ്. ചെലവേറിയ നഗരങ്ങളുടെ പട്ടികയില് 12-ാംസ്ഥാനമാണ് പാരീസിനുള്ളത്. ലണ്ടന്(7), സൂറിച്ച്(9), മൊണാക്കോ(10) എന്നിങ്ങനെയാണ് യൂറോപ്പിലെ നഗരങ്ങളുടെ സ്ഥാനം. ഏഷ്യയിലെ ഷാങ്ഹായ്, ടോക്കിയോ, ഹോങ്കോങ് എന്നി നഗരങ്ങളാണ് പട്ടികയില് ആദ്യമൂന്ന് സ്ഥാനത്ത്. സിംഗപുര്(5), തായ്പേയ്(8), ബാങ്കോക്ക്(11) എന്നിങ്ങനെയാണ് മറ്റ് നഗരങ്ങളിൽ ഭക്ഷണത്തിന്റെ വില നിലവാരം
ജീവിതച്ചെലവ് ഏറ്റവും കൂടിയ നഗരം ന്യൂയോര്ക്ക് ആണ്. റോക്കറ്റ് പോലെ കുതിച്ചുയരുന്ന ഇവിടത്തെ ജീവിതച്ചെലവ് താങ്ങാനാകാത്തതാണ്. എന്നാല് അതിസമ്പന്നര് വിവാഹം കഴിക്കാന് തിരഞ്ഞെടുക്കുന്ന നഗരവും ന്യൂയോര്ക്ക്തന്നെ.......
വിലകുറഞ്ഞ പിയാനോകള് ലഭിക്കുന്ന സ്ഥലമാണ് ന്യൂയോര്ക്ക്. സമ്പന്നര് വിലകുറഞ്ഞ വസ്തുക്കള്ക്കായി തിരയുന്ന നഗരമാണ് മുംബൈ. പക്ഷേ, പിയാനോയ്ക്ക് ഇവിടെ വിലകൂടുതലാണ്......
പണക്കാരുടെ നഗരങ്ങളുടെ കണക്കെടുക്കുമ്പോൾ യുഎസിലെ മൂന്നുനഗരങ്ങള്മാത്രമാണ് പട്ടികയിലുള്ളത്. ന്യൂയോര്ക്ക്(4), ലോസ് ആഞ്ജലിസ്(6), മിയാമി(13) എന്നിവയാണവ. ചെലവുകുറഞ്ഞ നഗരമാണ് വാന്കൂവര്.
സ്വിറ്റ്സര്ലണ്ട് ആസ്ഥാനമായി പ്രവര്ത്തിക്കുന്ന സ്വകാര്യബാങ്കായ ജൂലിയസ് ബെയര് ലോകത്തിലെ 28 പ്രധാന നഗരങ്ങളിലാണ് പഠനം നടത്തിയത്. ഇതില് ഏഷ്യന്, യൂറോപ്യന്, അമേരിക്കന് നഗരങ്ങളും മിഡില് ഈസ്റ്റും ആഫ്രിക്കയും ഉള്പ്പെടുന്നു. ആഡംബര വീടുകള്, കാറുകള്, ജൂവല്റി, വാച്ചുകള്. വിസ്കി, ഡൈനിംഗ്, ബിസിനസ് ഫ്ളൈറ്റ്സ് തുടങ്ങി 20ഓളം ആഡംബര ഉല്പ്പന്നങ്ങളെയും സേവനങ്ങളെയും കേന്ദ്രീകരിച്ചായിരുന്നു ഗവേഷണം.
https://www.facebook.com/Malayalivartha