ആദ്യ വിവാഹത്തെക്കുറിച്ച് വെളിപ്പെടുത്താതെ കല്യാണം.. വിവാഹം കഴിഞ്ഞതോടെ തനി സ്വഭാവം പുറത്തായി.. മദ്യപിച്ച സുഹൃത്തുക്കളുടെ മുന്നില് നൃത്തം ചെയ്യാന് അയാള് ആവശ്യപ്പെടും; ഭര്ത്താവ് ലൈംഗികമായി പീഡിപ്പിക്കുന്നുവെന്ന പരാതിയുമായി നടിയും ബ്യൂട്ടീഷനുമായ യുവതി
ശരീരത്തിലുടനീളം പരിക്കുകളോടെയെത്തിയ നടിയും ബ്യൂട്ടീഷനുമായ 39 കാരിയയായ യുവതി തിരുമംഗലം സമ്ബൂര്ണ വനിതാ പോലീസ് സ്റ്റേഷനിലെ ഉദ്യോഗസ്ഥരെ പരിഭ്രാന്തിയിലാക്കി. ബിസിനസുകാരനായ തന്റെ രണ്ടാമത്തെ ഭര്ത്താവ് തന്നെ ദിവസങ്ങളായി വീട്ടില് പൂട്ടിയിട്ട് ബലാത്സംഗം ചെയ്തുവെന്നാരോപിച്ചാണ് യുവതി പോലീസ് സ്റ്റേഷനില് എത്തിയത്. തന്റെ ആദ്യ വിവാഹത്തെക്കുറിച്ച് വെളിപ്പെടുത്താതെ ഭര്ത്താവ് ശരവണന് എസ് (42) തന്നെ വിവാഹം കഴിച്ചുവെന്നും യുവതി ആരോപിച്ചു. ട്രിച്ചി സ്വദേശിയും ഷെനോയ് നഗര് നിവാസിയുമായ യുവതി 2014 ല് ഒരു സിനിമയില് അഭിനയിക്കുന്നതിനിടെയാണ് പ്രതിയെ പരിചയപ്പെട്ടത്. അന്ന നഗറില് ബ്യൂട്ടി ക്ലിനിക് ബിസിനസ്സ് നടത്തുകയായിരുന്നു. ആദ്യ ഭര്ത്താവില് നിന്നും വിവാഹമോചനം നേടിയ ശേഷം ശരവണന് അവളോട് താല്പര്യം പ്രകടിപ്പിക്കുകയും തുടര്ന്ന് ഇരുവരും വിവാഹിതരാകാന് തീരുമാനിക്കുകയും ചെയ്തു. ശരവണന്റെ പെരുമാറ്റം തനിക്ക് സുഖകരമായിരുന്നില്ലെന്ന് യുവതി പരാതിയില് ആരോപിച്ചു. മദ്യപിച്ച സുഹൃത്തുക്കളുടെ മുന്നില് നൃത്തം ചെയ്യാന് അയാള് ആവശ്യപ്പെടാറുണ്ടായിരുന്നു. ശരവണന് പലപ്പോഴും തന്നെ വീട്ടില് പൂട്ടിയിടും. ഇത് തന്റെ സിനിമാ ജീവിതം അവസാനിപ്പിച്ചുവെന്നും അവര് പരാതിയില് അവകാശപ്പെട്ടു.2016 ല് ശരവണന് നേരത്തെ വിവാഹിതനായിരുന്നുവെന്ന് മനസിലായി. തുടര്ന്ന് ശരവണന്റെ വീട്ടില് നിന്ന് മാറിയെങ്കിലും മക്കള് കാരണം ശരവണനുമായി സഹകരിക്കാന് നിര്ബന്ധിതയായതായി യുവതി പറഞ്ഞു. 25 ലക്ഷം രൂപയും മാതാപിതാക്കളില് നിന്ന് ലഭിച്ച 100 പവനോളം സ്വര്ണ്ണാഭരണങ്ങളും ഇയാള് തട്ടിയെടുത്തതായും യുവതി ആരോപിച്ചു. ശരവണന് തന്നെ ബലാത്സംഗം ചെയ്യുകയും വീഡിയോ ചിത്രീകരിക്കുകയും ചെയ്തു. സോഷ്യല് നെറ്റ്വര്ക്കിംഗ് സൈറ്റുകളില് തന്റെ വീഡിയോകള് അപ്ലോഡ് ചെയ്യുമെന്ന് ഭീഷണിപ്പെടുത്തിയെന്നും യുവതി ആരോപിച്ചു. ജനുവരി എട്ടിന് മൂത്ത മകനെ ശരവണന്റെ സഹായികള് ആക്രമിച്ചു. യുവതിയുടെ പരാതിയില് ശരവണനും ഭാര്യയ്ക്കും സഹായികള്ക്കുമെതിരെ പോലീസ് എഫ്.ഐ.ആര് രജിസ്റ്റര് ചെയ്തു.
https://www.facebook.com/Malayalivartha