മാതാപിതാക്കള് മാട്രിമോണിയല് സൈറ്റില് പരസ്യം നല്കിയത് ഇന്ദുജയ്ക്ക് ഇഷ്ടപ്പെട്ടില്ല, പുതിയ പ്രൊഫൈലുമായി ഇന്ദുജ, കുട്ടികളെ വെറുക്കുന്നയാളായിരിക്കണമെന്ന് ഇന്ദുജ
മകള്ക്ക് വരനെ കണ്ടെത്താനുള്ള അവകാശം ഏതൊരു രക്ഷിതാക്കള്ക്കുമുണ്ട്. ആഗ്രഹിക്കുന്നത് പോലെ നല്ലൊരു വരനെ കിട്ടാന് മാരേജ് -മാട്രിമോണിയല് സൈറ്റുകള്, വിവാഹ ബ്യൂറോകള് ഇങ്ങനെ വേണ്ട പലതിലും പരസ്യം കൊടുക്കുന്നവരാണ് നമ്മുടെ രക്ഷിതാക്കള്. മകളെ കുറിച്ച് അവര്ക്കറിയാവുന്ന എല്ലാ വിവരങ്ങളും താല്പര്യങ്ങളും മാരേജ് പ്രൊഫൈലില് രക്ഷിതാക്കള് നല്കും. എന്നാല്, ബാംഗ്ലൂരിലെ ഒരു മലയാളി യുവതിയ്ക്ക് തന്റെ രക്ഷിതാക്കള് പരസ്യം നല്കിയത് അങ്ങോട്ട് ഇഷ്ടപ്പെട്ടില്ല.
മാതാപിതാക്കള് മാട്രിമോണിയല് സൈറ്റില് വിവാഹ പരസ്യം നല്കിയതില് പ്രതിഷേധിച്ച് ഈ മകള് സ്വന്തമായൊരു മാട്രിമോണിയല് സൈറ്റുണ്ടാക്കിയത് രക്ഷിതാക്കള്ക്ക് തന്നെ തിരിച്ചടിയായിരിക്കുകയാണ്. മകള് ഇങ്ങനെ ചെയ്യുമെന്ന് രക്ഷിതാക്കള് പ്രതീക്ഷിച്ചിരുന്നില്ല. ഇന്ദുജ പിള്ള എന്ന സോഫ്റ്റ് വെയര് എഞ്ചിനീയറായ യുവതിയാണ് രക്ഷിതാക്കള്ക്കെതിരെ ശക്തമായി പ്രതിഷേധവുമായി രംഗത്തെത്തിയിരിക്കുന്നത്. ഇന്ദുജ സ്വന്തമായി മാട്രിമോണിയല് സൈറ്റുണ്ടാക്കിയത് ജനശ്രദ്ധ നേടിയിരിക്കുകയാണ് ഇപ്പോള്. ഇങ്ങനെയുമുണ്ടോ പെണ്കുട്ടിയെന്നാണ് പലരും ചോദിക്കുന്നത്.
ജീവിതത്തെ കുറിച്ച് വ്യത്യസ്തമായ നിലപാടുകളും അഭിപ്രായങ്ങളും താല്പര്യങ്ങളുമുണ്ട് ഇന്ദുജ പിള്ള എന്ന സോഫ്റ്റ് വെയര് എഞ്ചിനീയറായ യുവതിയ്ക്ക്. മറ്റ് പെണ്കുട്ടികളെക്കാളും വളരെ വ്യത്യസ്തമായ താല്പര്യങ്ങളാണ് ഇന്ദുജയ്ക്ക് ഉള്ളതെന്നതാണ് വാസ്തവം. സ്വന്തമായി ജോലിയും ശമ്പളവുമുണ്ടെങ്കില് എന്ത് കൊണ്ട് എനിക്ക് താല്പര്യമുള്ള ഒരാളെ തിരഞ്ഞെടുത്തു കൂടായെന്ന് ഇന്ദുജ ചോദിക്കുന്നു. മാട്രിമോണിയലില് രക്ഷിതാക്കള് നല്കിയിരുന്നത് പൂര്ണമായും തെറ്റാണെന്ന് വ്യക്തമാക്കിയാണ് ഇന്ദുജ തന്റെ ഇഷ്ടാനിഷ്ടങ്ങള് തുറന്നു പറയുന്ന ഒരു മാര്യേജ് പ്രൊഫൈല് ഉണ്ടാക്കിയത്. ഏത് രീതിയിലുള്ള പുരുഷനാണ് തനിക്ക് വേണ്ടതെന്നും താന് എന്താണ് ആഗ്രഹിക്കുന്നതെന്നും അടക്കമുള്ള എല്ലാ കാര്യങ്ങളും ഉള്പ്പെടുത്തിയുള്ള ഒരു പ്രൊഫൈലാണ് ഇന്ദുജ തയാറാക്കിയിരിക്കുന്നത്.
പേര്: ഇന്ദുജ, ജോലി: സോഫ്റ്റ് വെയര് എഞ്ചിനീയര് എന്നു പരിചയപ്പെടുത്തി മാതാപിതാക്കള് നല്കിയ ആ മാട്രിമോണിയല് പരസ്യം കണ്ടപ്പോള് ഞെട്ടിപ്പോയെന്നും ഇന്ദുജ പറയുന്നു. കല്യാണം കഴിക്കാനായി മരിച്ചു നടക്കുന്ന സ്ത്രീയല്ല ഞാന്. ആ മാട്രിമോണി പ്രൊഫൈല് കണ്ടാല് അങ്ങനെയാണ് തോന്നുകയെന്നും ഇന്ദുജ വ്യക്തമാക്കി. ഉടന് തന്നെ ആ പ്രൊഫൈല് എടുത്തു മാറ്റി സ്വന്തമായി പുതിയൊരു പ്രൊഫൈല് താന് ഉണ്ടാക്കിയെന്ന് മാതാപിതാക്കളെ അറിയിക്കുകയായിരുന്നുവെന്നും ഇന്ദുജ പറഞ്ഞു. കുട്ടികളെ ഇഷ്ടപ്പെടാത്ത പുരുഷന്മാരാണ് തനിക്ക് വേണ്ടതെന്നും ഇന്ദുജ പറയുന്നു. മസാലയും ഡ്രാമയുമൊന്നും ഇഷ്ടമല്ല, ഒരു ടിവി ഫാനല്ല, വായിക്കാറുമില്ലയെന്നും ഇന്റര്നെറ്റിലാകെ ചര്ച്ചയായ മാരേജ് പ്രൊഫൈലില് ഇന്ദുജ പറയുന്നു.
തീര്ച്ചയായും ഒരു കല്യാണച്ചരക്കല്ല. ഒരിക്കലും മുടി നീട്ടി വളര്ത്തുകയും ചെയ്യില്ല. ഇത്രയും പറഞ്ഞ ശേഷം ഇനി ചെറുക്കന് എങ്ങനെയായിരിക്കണമെന്നാണ് ഇന്ദുജ പറയുന്നത്. താടിയുള്ളവനാണെങ്കില് കൊള്ളാം. ആവേശത്തോടെ ലോകത്തെ നോക്കിക്കാണുന്നവനായിരിക്കണം. സ്വന്തമായി സമ്പാദിക്കുന്നവനാകണം ; ജോലിയെ വെറുക്കുന്നവനാകാന് പാടില്ല, കുട്ടികളെ വെറുക്കുന്നവനായിരിക്കണമെന്നും ഇന്ദുജ വ്യക്തമാക്കുന്നു. എല്ലാവരും പറയുന്നതു പോലെ തന്നെ ആകര്ഷകമായ വ്യക്തിത്വമുള്ള ചെറുക്കന് തന്നെയാണ് ഇന്ദുജയ്ക്കും വേണ്ടത്. എന്നാല് ആവശ്യമായ യോഗ്യതയില് ഈ ചെറുപ്പക്കാരിക്കു വേണ്ടത് വേറിട്ട ഒന്നാണ്.
ശബ്ദചാതുരിയും ചുരുങ്ങിയത് അര മണിക്കൂറെങ്കിലും കത്തിയടിച്ചിരിക്കാനുള്ള ശേഷിമുണ്ടാകണമെന്ന് ഇന്ദുജ പ്രത്യേകം എടുത്തു പറയുന്നുണ്ട്. ഈ പ്രൊഫൈല് കണ്ടിട്ട് ആര്ക്കെങ്കിലും സമ്മതമാണെന്ന് തോന്നുന്നെങ്കില് ഒന്നു കൂടി ഇരുത്തി ആലോചിക്കാനും ഇന്ദുജ നിര്ദ്ദേശിക്കുന്നു. ഇന്ദുജ പോസ്റ്റ് ചെയ്ത പ്രൊഫൈല് പല മാധ്യമങ്ങളിലും വാര്ത്തയാവുകയും ചര്ച്ചയാവുകയും ചെയ്തു. ഓസ്ട്രേലിയില് നിന്നും കാനഡയില് നിന്നു പോലും ഇപ്പോള് ഇന്ദുജയ്ക്ക് ആലോചനകള് വന്നു കൊണ്ടിരിക്കുകയാണ്. ഇന്ദുജ എന്ന ചെറുപ്പക്കാരി പുതു തലമുറയിലെ പെണ്കുട്ടികള്ക്ക് ആവേശമാവുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha