ദേവനന്ദയുടെ മൃതദേഹം കണ്ടെത്തി!! കേരളത്തിന്റെ പ്രാർത്ഥനകൾ വിഫലമായി... കുട്ടിയെ കണ്ടെത്തിയത് വീടിനടുത്തുള്ള പുഴയിൽ നിന്നും; നടുക്കം വിട്ടുമാറാതെ ഇളവൂരിലെ നാട്ടുകാർ
ദേവനന്ദയുടെ മൃതദേഹം കണ്ടെത്തി. കേരളത്തിന്റെ പ്രാർത്ഥനകൾ വെറുതെയായത് വിശ്വസിക്കാനാകാതെയാണ് കേരളം ഒന്നാകെ. ഇളവൂരിലെ നാട്ടുകാർക്ക് ഈ വാർത്ത ഉൾക്കൊള്ളാനാകുന്നില്ല. ഇനി മൃതദേഹം പുറത്തെടുത്ത് പരിശോധിച്ചാലേ എന്താണ് കുട്ടിയ്ക്ക് സംഭവിച്ചതെന്ന് വ്യക്തമാകുകയുള്ളു. ചിരിച്ചുകൊണ്ട് അമ്മയ്ക്കരികില് ചേര്ന്നിരിക്കുന്ന അവളുടെ ചിത്രത്തിനായുള്ള കാത്തിരിപ്പിലായിരുന്നു കൊല്ലത്തെ ഇളവൂര്. കണ്ണനല്ലൂര് പൊലീസ് തുടങ്ങിയ കുട്ടിക്ക് വേണ്ടിയുള്ള തെരച്ചില് കേരളമാകെ ഏറ്റെടുത്തിരിക്കുകയായിരുന്നു. കുട്ടിയെ കാണാതായ വിവരം കാട്ടുതീ പോലെ പടര്ന്നതോടെ ഇളവൂരും പരിസരവും ജനങ്ങളെക്കൊണ്ട് നിറഞ്ഞിരുന്നു. ഇന്നലെ രാത്രി വരെയും വീടിനോടു ചേർന്നുള്ള പുഴയിൽ കുട്ടിക്കായുള്ള തിരച്ചിൽ തുടര്ന്നുണ്ടായിരുന്നു. കുട്ടിയെ കണ്ടുകിട്ടാനാകുമെന്ന ഉറച്ച പ്രതീക്ഷയിലായിരുന്നു. സോഷ്യല് മീഡിയയിലും ദേവനന്ദയെ കാണാതായി എന്ന സന്ദേശം പ്രവഹിച്ചു. പ്രമുഖര് ഉള്പ്പെടെ ഒട്ടേറെപ്പേരാണ് സന്ദേശം ഷെയര് ചെയ്തത്. വ്യാഴാഴ്ച രാവിലെ 10.15 ഓടെയാണ് ഇളവൂരിലെ പ്രദീപ്-ധന്യ ദമ്ബതിമാരുടെ മകള് ദേവനന്ദയെ വീടിന് മുന്നില് കളിച്ചുകൊണ്ടിരിക്കെ കാണാതായത്. വാക്കനാട് സരസ്വതി വിദ്യാപീഠം വിദ്യാര്ത്ഥിനിയാണ് ദേവനന്ദ.
https://www.facebook.com/Malayalivartha