യേശുക്രിസ്തു വിവാഹിതനും പിതാവുമാണെന്ന കണ്ടെത്തലുമായി ഇസ്രായേലി ഭൗമശാസ്ത്രജ്ഞര്
യേശുക്രിസ്തു വിവാഹിതനും ഒരു കുട്ടിയുടെ പിതാവുമാണെന്ന കണ്ടെത്തലുമായി ഇസ്രായേലി ഭൗമശാസ്ത്രജ്ഞര്. കിഴക്കന് ടാല്പിയോറ്റില് കണ്ടെത്തിയ കല്ലറയുമായി ബന്ധപ്പെട്ടാണ് ഈ നിരീക്ഷണം. ഇത് ക്രിസ്തുവിന്റെ കുടുംബക്കല്ലറ ആണെന്നും ഇവിടെ നിന്നും കിട്ടിയ ചുണ്ണാമ്പുകല്ലിനാല് നിര്മ്മിക്കപ്പെട്ട പെട്ടികളില് ഒന്ന് ക്രിസ്തുവിന്റെ മകന്റേതാണെന്നും കണ്ടെത്തല് നടത്തിയത് ഡോ: ആരി ഷിംറോണാണ്.
നേരത്തേ ഇവിടെ നിന്നും കണ്ടെത്തിയ ഒന്നാം നൂറ്റാണ്ടിലേതെന്ന് കരുതുന്ന പെട്ടികളില് ഒന്നില് നിന്നും കിട്ടിയ എല്ലുകള് ക്രിസ്തുവിന്റെ സഹോദരന്റേതാണെന്ന നിഗമനത്തില് എത്തി വിവാദം വിളിച്ചുവരുത്തിയ ആളാണ് ഷിംറോണ്. ഈ പെട്ടിയുടെ വശങ്ങളില് ഒന്നില് \'ജോസഫിന്റെ മകന് ജയിംസ്, യേശുവിന്റെ സഹോദരന്\' എന്ന രേഖപ്പെടുത്തല് ചൂണ്ടിക്കാട്ടിയായിരുന്നു ഷിംറോണ് ഈ ആശയഗതി ഉയര്ത്തിയത്. പെട്ടികളില് ഒട്ടിപ്പിടിച്ചിരുന്ന മണ്ണും കഌവുമൊക്കെയുമായി ബന്ധപ്പെട്ട് ഷിംറോണ് ഇതില് 150 ലധികം പരീക്ഷണങ്ങളാണ് നടത്തിയ ശേഷമാണ് പെട്ടിയിലെ പേര് കൊത്തല് ശരിയാണെന്ന നിഗമനം നടത്തുന്നത്. പെട്ടിയിലെ മണ്ണും കഌവും കിഴക്കന് ജറുസലേമിലെ മലനിരകളിലെ മണ്ണിനോട് യോജിക്കുന്നുണ്ടെന്നും കാലാനുസൃതമായി സംഭവിച്ച മാറ്റങ്ങള് ബാധിച്ചിട്ടുണ്ടെന്നും പറയുന്നു.
യേശുവിന്റെ കാലത്തേത് എന്ന് വിശ്വസിക്കപ്പെടുന്ന 1980 ല് കണ്ടെത്തിയ എല്ലുകള് അടങ്ങിയ പെട്ടികളോട് കൂടിയ ടാല്പിയോറ്റിലെ ശവകുടീരത്തെ ആസ്പദമാക്കി നടത്തിയ പഠനങ്ങളില് നിന്നാണ് ഈ കണ്ടെത്തലെന്നാണ് അവകാശവാദം. ക്രിസ്തു ഒരിക്കലും ഉയിര്ത്തെഴുന്നേറ്റിട്ടില്ലെന്നും വിവാഹിതനാണെന്നും ഒരു കുട്ടിയുടെ പിതാവാണെന്നും ഷിംറോണ് പറയുന്നു. ഇതിന് അടിസ്ഥാനമായി അദ്ദേഹം പറയുന്നത് കല്ലറയില് ഉണ്ടായിരുന്ന ഒരു പെട്ടിയിലെ \'യേശുവിന്റെ മകന് ജൂദാ\' എന്ന രേഖപ്പെടുത്തലാണ്. യേശുവിന്റെ ഭാര്യ മേരിയായിരുന്നെന്നും അവര് ഉള്പ്പെടെ ഒമ്പതു പേരെ ഇവിടെ അടക്കം ചെയ്തിരുന്നതായിട്ടുമാണ് ഷിംറോണിന്റെ വാദം.
മരിയ, ജോസഫ്, മേരി, യോസേ, മാത്യൂ, ജൂദാ എന്നിവയാണ് കല്ലറയുമായി ബന്ധപ്പെട്ട പേരുകളില് ചിലത്. ഈ കല്ലറ ബൈബിളിലെ വിശുദ്ധ കുടുംബത്തിന്റേതാണെന്ന് ഒരു ചെറിയ കൂട്ടം വിശ്വസിക്കുന്നുണ്ട്. എന്നാല് ഇത് വ്യാജവാര്ത്തയാണെന്നും ജോസഫ്, മേരി എന്നിവയെല്ലാം അക്കാലത്തെ സാധാരണ പേരുകള് മാത്രമാണെന്നും ടൊറന്റോ സര്വകലാശാല ഗവേഷകര് പറയുന്നത്. അതേസമയം ഈ വാര്ത്ത കൃത്രിമമായി ചമച്ചതാണെന്ന് ആരോപിച്ച് ഒരു കൂട്ടം പൗരാണിക ശാസ്ത്രജ്ഞന്മാരും ഇതിനെ എതിര്ക്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha