കോടീശ്വരനായിരുന്ന സത്യം കംപ്യൂട്ടര്‍ സ്ഥാപകന്‍ രാമലിംഗ രാജുവിന് ഇപ്പോള്‍ ഒരു ദിവസത്തെ വരുമാനം വെറും 50 രുപ. \'സത്യം കമ്പ്യൂട്ടേഴ്‌സ് എന്ന 40,000 പേണിയെടുത്തിരുന്ന സ്ഥാപനത്തിന്റെ സ്ഥാപകനായ രാജുവിന്റെ തട്ടിപ്പുകള്‍ വെളിപ്പെടുത്തിയതോടെയാണ് ആഡംബര ജീവിതം തകന്നത്. തട്ടിപ്പ് സമ്മതിച്ച് ജയിലിലായ രാമലിംഗരാജുവിന് ഇപ്പോള്‍ 50 രൂപയാണ് ദിവസ വരുമാനം. തനിക്ക് ലഭിക്കുന്ന 50 രൂപ പോലും രാജുവിന് ഇപ്പോള്‍ വിനിയോഗിക്കാന്‍ സാധിക്കുന്നില്ല. കോടതി നിയമപ്രകാരം ദിവസവരുമാനത്തിന്റെ പകുതിയേ രാജുവിന് ഉപയോഗിക്കാന്‍ സാധിക്കൂ. ജയില്‍ കാന്റീനില്‍ നിന്നും സോപ്പും ടൂത്ത് പേസ്റ്റും ബിസ്‌ക്കറ്റുമാണ് രാജു 25 രൂപയ്ക്ക് വാങ്ങുന്നത്
ശതകോടീശ്വരനുമായിരുന്ന രാമലിംഗ രാജു ഇവിടെ ചെരപള്ളി സെന്‍ട്രല്‍ ജയിലില്‍ \'4148\' എന്ന നമ്പറിലാണ് അറിയപ്പെടുന്നത്. വേഷം നീലവരയുള്ള വെള്ള ഉടുപ്പും നിക്കറും. കട്ടിലോ മെത്തയോ ഒന്നുമില്ല, കിടക്കാന്‍. ഒരു പുതപ്പ് നല്‍കിയിട്ടുണ്ട്. തടവറയിലെ നിലത്ത് അത് വിരിച്ചുകിടക്കണം. ചൂടിനോ കൊതുകിനോ ഒരു കുറവുമില്ല. മണിമാളികയില എസി റൂമിലെ ജീവിതത്തില്‍ നിന്ന് വ്യത്യസ്ഥമായ പരുക്കന്‍ സാഹചര്യങ്ങള്‍.
എന്നാല്‍ വിചാരണ തടവുകാരനായി ചഞ്ചല്‍ഗുഡ ജയിലില്‍ രാജു കഴിഞ്ഞിരുന്നപ്പോള്‍ സ്വന്തം പാചകക്കാരനെ അനുവദിച്ചിരുന്നു. കഴിച്ചിരുന്നത് ഇഷ്ടഭക്ഷണം. എന്നാല്‍, ഇപ്പോള്‍ ജയിലിലെ സാദാ ഭക്ഷണമേയുള്ളൂ. ചപ്പാത്തിയോ ചോറോ ആണ് പതിവ്. പുറമേ പരിപ്പും ഒരു ഒഴിച്ചുകറിയും.
ജയിലില്‍ ഒരുദിവസം പണിയെടുത്താല്‍ 50 രൂപ കിട്ടും. ആയിരങ്ങളോ പതിനായിരങ്ങളോ ദിവസവും ചെലവഴിച്ച് ആര്‍ഭാടത്തോടെ ജീവിച്ച് ശീലിച്ച രാജുവിന് ഈ തുച്ഛമായ തുക പോലും മൊത്തം ചെലവഴിക്കാനാവില്ല. ജയില്‍ ചട്ടങ്ങള്‍ അനുസരിച്ച് കൂലിയായി കിട്ടുന്നതിന്റെ പകുതി നിക്ഷേപമായി സൂക്ഷിക്കണം. പകുതിയേ ചെലവഴിക്കാനാവൂ. ജയില്‍ കാന്റീനില്‍ ലഭിക്കുന്ന സോപ്പോ ടൂത്ത് പേസ്‌റ്റോ ബിസ്‌കറ്റോ ഒക്കെ ഇത് ഉപയോഗിച്ച് വാങ്ങാനാവും.
രാജുവിന് എന്ത് ജോലിയാണ് നല്‍കേണ്ടതെന്ന് ജയില്‍ അധികൃതര്‍ ഇനിയും തീരുമാനിച്ചിട്ടില്ല. കഠിനജോലികള്‍ വശമില്ലാത്ത \'വി.ഐ.പി\' തടവുകാരെ ജയില്‍ വായനശാലയില്‍ സഹായിയായോ വയോജന വിദ്യാഭ്യാസ പരിപാടിക്ക് അദ്ധ്യാപകനായോ നിയോഗിക്കുകയാണ് പതിവ്. ജയിലില്‍ തടവുപുള്ളികള്‍ക്കായി കമ്പ്യൂട്ടര്‍ കോഴ്‌സ് ആരംഭിച്ചിട്ടുണ്ട്. രാജുവിനെ ഈ കോഴ്‌സിന്റെ ഇന്‍സ്ട്രക്ടറായി നിയോഗിക്കാനാണ് ജയില്‍ അധികൃതര്‍ ആലോചിക്കുന്നത്.
രാജു ഇപ്പോള്‍ നിരീക്ഷണത്തിലാണ്. സ്വഭാവം എങ്ങനെയെന്ന് മനസിലാക്കാന്‍ ജയിലില്‍ പതിവുള്ളതാണ് 15 ദിവസത്തെ നിരീക്ഷണം. അസ്വസ്ഥതയുടെയോ വിഷാദരോഗത്തിന്റെയോ ലക്ഷണം രാജു കാണിക്കുന്നില്ല. മുമ്പ് തടവില്‍ കഴിഞ്ഞ പരിചയം മൂലമാകാം ഇത്. അഞ്ച് കോടി രൂപ പിഴയ്ക്ക് പുറമേ ഏഴു വര്‍ഷത്തെ തടവാണ് രാജുവിന് വിധിച്ചത്. അപ്പീല്‍ നല്‍കിയാലും രക്ഷപ്പെടാനുള്ള സാദ്ധ്യത കുറവാണ്. കാരണം, 2009 ജനുവരിയില്‍ രാജു കുറ്റം സമ്മതിച്ചിരുന്നു. ബാലന്‍സ് ഷീറ്റില്‍ 5,040 കോടി രൂപ പെരുപ്പിച്ചുകാട്ടിയെന്നായിരുന്നു കുറ്റസമ്മതം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha