ബന്ധങ്ങൾ എന്നും മനസിന് യോജിക്കുന്നതാകണം എന്നതാണ്. പലപ്പോഴും അവസാന വാക്കുകൾക്ക് പോലും ഇടം നൽകാതെ പിരിയേണ്ടിവരുന്നത് പലതരത്തിൽ വേദന സൃഷ്ടിക്കാറുണ്ട്. എന്നാൽ അത്തരത്തിൽ ഒരു പ്രശ്നങ്ങളും ഇല്ലാതെ തന്നെ മനസുകൊണ്ട് യോജിക്കാനാകാതെ വേർപിരിയുന്ന ബന്ധങ്ങൾ എത്ര നല്ലതാണ് എന്നോർക്കണം. അത്തരത്തിൽ ഒരു കുറിപ്പ പങ്കുവയ്ക്കുകയാണ് സൈക്കോളജിസ്റ്റ് കലാ മോഹൻ.

ഫേസ്ബുക്ക് കുറിപ്പ് ഇങ്ങനെ;

ഇനി മുന്നോട്ടില്ല, വിവാഹം കഴിഞ്ഞാൽ പിരിയേണ്ടി വരും എന്ന് മനസ്സിലാക്കി കൊണ്ട് രണ്ടുപേരെന്റെ മുന്നില് എത്തി..അഞ്ചു വർഷത്തെ പരിചയത്തെ, ശാരീരികവും മാനസികവുമായ ഇടപെടലിനെ,പ്രേമം എന്നവർ അടുത്ത കാലം വരെ തെറ്റിദ്ധരിച്ചു ..

ജീവിതം വെച്ചു കളിക്കേണ്ട..രണ്ടുപേരും ഒരേപോലെ പറഞ്ഞു.. വീട്ടുകാർക്കു എതിർപ്പില്ല.. ഞങ്ങളുടെ കണ്ടുപിടുത്തം, ഉഗ്രൻ എന്നാണ്.. സാമ്പത്തികവും കുടുംബമഹിമയും ഒക്കെ ഇരു കുടുംബങ്ങൾക്കും പരസ്പരം ബോധിച്ചു . ജാതകത്തിൽ പത്തിൽ ഒൻപതു പൊരുത്തം.. പക്ഷെ, ഞങ്ങൾ തിരിച്ചറിഞ്ഞു, ഒത്തുപോകില്ല എന്ന്.. കൂട്ടുകാർക്കു വേണ്ടി ഏത് അറ്റത്തും പോകുന്ന പെൺകുട്ടിയുടെ സൗഹൃദം,
ആണിന് ദഹിക്കുന്നില്ല.. പബ്ലിക് ജീവിതം അവൾക്കു ഒഴിവാക്കാൻ താല്പര്യമില്ല.. അതവന്റെ മുന്നിൽ കുറ്റമാണെങ്കിലും..ജീവിതം ആസ്വദിക്കാൻ ഉള്ളതാണ്..എന്ന തീരുമാനം അവളുടേത്..

എനിക്ക് അവളെ മനസ്സിലാകും..അവനെയും മനസ്സിലാകും...ആ ചിന്തകൾ ഒഴിയാൻ പാടാണ്.. വളർന്നു വന്ന ചുറ്റുപാടുകളും രീതികളും ഏതാണ്ട് ഒരേപോലെ ആയിട്ട് കൂടി,രണ്ടു പേരുടെയും ആശയങ്ങൾ, എത്ര വിഭിന്നമാണ്‌.. ജീവിത സങ്കല്പങ്ങൾ എത്ര വൈരുദ്ധ്യം നിറഞ്ഞതാണ്...

പരസ്പരം കൈകൊടുത്തു, എന്റെ മുന്നില് ഇരുന്നവർ ഉറപ്പിച്ചു..വിവാഹം ജീവിതത്തിൽ തങ്ങൾ ഒത്തു പോകില്ല എന്ന്..അവനില്ലാത്ത കന്യകാത്വം എനിക്കും ഇല്ല..നിസ്സാരമായി പറഞ്ഞവൾ പൊട്ടിച്ചിരിച്ചു..
ചെക്കന്റെ മുഖത്തു നാണം..

പരസ്പരം ബഹുമാനം കൊടുത്തവർ പിരിയാൻ തീരുമാനിച്ചു...വാശിയും വൈരാഗ്യവും സ്വാർത്ഥതയും ഇല്ലാതെ.....എത്ര ആരോഗ്യപരമായ വിടപറയൽ..ഉൾകാഴ്ച കൊണ്ട് ഭാവിയിലെ ഒരു മഹാ വിപത്തിനെ അവർ ഒഴിവാക്കി..മനസ്സ് കൊണ്ട് നമിച്ചു ഞാനവരെ... സാമൂഹിക മാധ്യമങ്ങളിൽ എഴുതുന്ന, കിടിലൻ പോസ്റ്റുകൾ ഇടുന്ന പലരും വ്യക്തിപരമായി introvert ആകാം...

കൂട്ടായ്മകളും ബഹളങ്ങളും മോശമെന്ന അഭിപ്രായം ഉള്ളത് കൊണ്ടാകില്ല..അവരുടെ ശ്വാസം അങ്ങനെ ഉള്ള സന്ദർഭങ്ങളിൽ വല്ലാതെ താളം തെറ്റും..ക്ഷീണം തോന്നും .ചുറ്റിലും ആരവങ്ങൾ നിറയുമ്പോൾ കോട്ടുവാ ഇടുന്ന, ആ മുഖം, അവരെ ശ്രദ്ധിക്കുന്ന പലർക്കും അരോചകമായി തോന്നാം.. ദേഷ്യം വരാം...അവരിലെ, അടിച്ചുപൊളി മനസ്സ് ഈർഷ്യപ്പെടാം...അതവരുടെയും കുറ്റമല്ല..അവരുടെ രീതിയിൽ അതാണ് ശെരി..

സ്വരം നന്നാകുമ്പോൾ പാട്ടു നിർത്തുന്ന പോലെയാണ് ഇങ്ങനെ ഉള്ള രണ്ടു പേര് ഒന്നിച്ചുള്ള ജീവിതം അവസാനിക്കുമ്പോൾ..എത്രയോ കാലങ്ങളിൽ,ഞാനും ആരവങ്ങൾക്കിടയിലെ നോക്കു കുത്തി ആയിരുന്നു...