എം.പി.ആയാല് കേന്ദ്രമന്ത്രിയേക്കാള് മികച്ചരീതിയില് പ്രവര്ത്തിക്കാനാകുമെന്ന് തൃശൂരിലെ എന്.ഡി.എ സ്ഥാനാര്ത്ഥിയും നടനുമായ സുരേഷ് ഗോപി സുരേഷ് ഗോപി
താന് കേന്ദ്രമന്ത്രിയായാലും ഇല്ലെങ്കിലും അഞ്ചു മന്ത്രിമാരെ ജനങ്ങളുടെ ചൊല്പ്പടിക്ക് വിട്ടുതരണമെന്ന് നേതൃത്വത്തോട് ആവശ്യപ്പെട്ടിട്ടുണ്ടെന്നും എം.പി.ആയാല് കേന്ദ്രമന്ത്രിയേക്കാള് മികച്ചരീതിയില് പ്രവര്ത്തിക്കാനാകുമെന്നും തൃശൂരിലെ എന്.ഡി.എ സ്ഥാനാര്ത്ഥിയും നടനുമായ സുരേഷ് ഗോപി സുരേഷ് ഗോപി പറഞ്ഞു. കേരളത്തില് ചെയ്യാന് ആഗ്രഹിക്കുന്ന കാര്യങ്ങളില് 25 ശതമാനം പൂര്ത്തിയാകാന് സഹായിക്കുന്ന വകുപ്പുകള് കൈകാര്യം ചെയ്യുന്നവരെയാണ് ആവശ്യപ്പെട്ടത്. ഇനി രണ്ടുവര്ഷം അഭിനയത്തിന് മുന്തൂക്കം നല്കുമെന്ന് സുരേഷ് ഗോപി പറഞ്ഞു. നിയമസഭാതിരഞ്ഞെടുപ്പിന് ആറുമാസം മുമ്പുവരെയാണ് സമയം ചോദിച്ചിരിക്കുന്നത്. ഇഷ്ടമുള്ള ചിലസിനിമകള് ചെയ്യാനുണ്ട്. ഇതില് രണ്ടെണ്ണമെ ചെയ്യാനായുള്ളുവെന്നും അദ്ദേഹം വ്യക്തമാക്കി.
ക്രോസ് വോട്ടിംഗിനെക്കുറിച്ച് ജനങ്ങള്ക്ക് ബോദ്ധ്യമുള്ളതാണ്. 2019-ലെ ഫലം വെച്ച് ജനങ്ങളും പഠനം നടത്തിയിട്ടുണ്ടാകും. ഇതില് വ്യാകുലതയില്ല. വോട്ടെടുപ്പിന് ശേഷം ആത്മവിശ്വാസം ഇരട്ടിയായിയെന്നാണ് നേതാക്കള് പറഞ്ഞത്. ബൂത്തുകള്ക്കുമുന്നിലെ നീണ്ട വരി ഇനിയുളള തിരഞ്ഞെടുപ്പുകളില് ആളുകള് വോട്ടുചെയ്യാന് വരാതിരിക്കാനുള്ള കാരണമായിമാറും. ഇത് ഗൂഢാലോചനയുടെ ഭാഗമാണോ എന്ന് അന്വേഷിക്കണം. പരിചയമുള്ള ഉദ്യോഗസ്ഥര് വിട്ടുനില്ക്കുകയും അത്ര പരിചയമില്ലാത്ത ഉദ്യോഗസ്ഥര് തിരഞ്ഞെടുപ്പു ജോലികളിലെത്തുകയും ചെയ്തത് വോട്ടിംഗിന്റെ വേഗം കുറച്ചു. ബുത്തുകളില് കുടിവെള്ളം പോലും ഇല്ലായിരുന്നു. വരി കൂടുന്ന അവസ്ഥയുണ്ടാക്കരുതായിരുന്നു എന്നും സുരേഷ്ഗോപി വാര്ത്താസമ്മേളനത്തില് പറഞ്ഞു. തൃശൂരിലെ കള്ളവോട്ട് ആരോപണത്തിലും സുരേഷ്ഗോപി മറുപടി നല്കി. 'ശവക്കല്ലറയില് നിന്നും ഇറങ്ങിവന്ന് ആരും വോട്ടുചെയ്തില്ലല്ലോ. അതല്ലെ അവരുടെ പാരമ്പര്യം. വര്ഷങ്ങളായി അതല്ലെ ചെയ്യുന്നത്. ലിസ്റ്റിലുള്ളവര്ക്ക് വോട്ടുചെയ്യാന് അധികാരമുണ്ട്. രണ്ടുസ്ഥലത്ത് വോട്ടുചെയ്തോ എന്നു പരിശോധിക്കൂ. '- സുരേഷ് ഗോപി പറഞ്ഞു.
https://www.facebook.com/Malayalivartha