നിര്‍ത്തി വച്ച വാക്സിന് പരീക്ഷണം പുനരാരാംഭിക്കും; അടുത്ത ആഴ്ച്ചയോടെ പരീക്ഷണം വീണ്ടും ആരംഭിക്കും; കോവിഡ് വാക്സിന് സ്വീകരിച്ച യുവതിക്ക് 'ട്രാന്‍വേഴ്‌സ് മൈലൈറ്റീസ്'; രോഗി സുഖം പ്രാപിക്കുന്നു; പരീക്ഷണം നിര്‍ത്തണമെന്നാവശ്യപ്പെട്ട് നോട്ടീസ് അയച്ച് ഡ്രഗ്‌സ് കണ്‍ട്രോളര്‍ ജനറല്‍
ലോകം പ്രതീക്ഷയോടെ കാത്തിരുന്ന ഓക്‌സ്ഫഡിന്റെ വാക്സിന് തിരിച്ചയായത് വാക്സിന് എടുത്ത യുവതിക്കുണ്ടുണ്ടായ അപൂര്‍വ രോഗം സ്ഥിരീകരിച്ചതോടെയാണ്. കോവിഡ് വാക്സിന് സ്വീകരിച്ച ബ്രിട്ടീഷ് യുവതിക്ക് ബാധിച്ചത് നാഡീ സംബന്ധമായ അപൂര്‍വ രോഗമായ 'ട്രാന്‍വേഴ്‌സ് മൈലൈറ്റീസ്' ആണ്. വളരെ ഗുരുതരമായ അസുഖമാണിത്. എന്നാല്‍ രോഗി സുഖം പ്രാപിച്ചുവരികയാണെന്നും എത്രയും വേഗം ആശുപത്രി വിടാനാകുമെന്നും അസ്ട്രാസെനെക സിഇഒ അറിയിച്ചു. ഒപ്പം താല്‍ക്കാലികമായി നിര്‍ത്തി വച്ച പരീക്ഷണങ്ങള്‍ വീണ്ടും ആരംഭിക്കുന്നതിനുള്ള സാധ്യത തെളിഞ്ഞു. ഇതോടെ പ്രതീക്ഷ വീണ്ടും കൈവന്നിരിക്കുകയാണ്. അടുത്തയാഴ്ചയോടെ പരീക്ഷണങ്ങള്‍ പുനരാരംഭിക്കാന്‍ സാധിക്കുമെന്ന് പ്രതീക്ഷിക്കുന്നതായി അസ്ട്രാസെനെകയോട് അടുത്ത വൃത്തങ്ങള്‍ പറഞ്ഞതായി റിപ്പേര്‍ട്ടുകളുണ്ട്.
സുഷുമ്‌ന നാഡിയിലെ തന്തുക്കളെ സംരക്ഷിക്കുന്ന ആവരണമായ മൈലിനുണ്ടാകുന്ന വീക്കമാണ് ട്രാന്‍വേഴ്‌സ് മൈലൈറ്റീസ്. മൂന്നു കാരണങ്ങളാല്‍ ഇതു സംഭവിക്കാം. ഒന്ന് വാക്‌സീന്‍ സ്വീകരിച്ചതു വഴി ശരീരത്തിലെ പ്രതിരോധ ശേഷിയിലുണ്ടായ മാറ്റം. രണ്ട് നിര്‍ജീവമായിരുന്ന വൈറസുകളേതെങ്കിലും സജീവമായത്. മൂന്ന് രോഗപ്രതിരോധ സംവിധാനം സ്വന്തം ശരീരത്തെ തന്നെ ആക്രമിക്കുന്ന ഓട്ടോ ഇമ്യൂണ്‍. ഇതില്‍ എങ്ങനെയാണ് രോഗം വന്നതെന്ന് കണ്ടെത്തിയാന്‍ വാക്സിന് പരീക്ഷണം പുനര്‍ ആരംഭിക്കാന്‍ സാധിക്കും. അത് ഒരാഴ്ച്ചക്കുള്ളില്‍ സാധിക്കുമെന്നതിനാലാണ് അടുത്ത ആഴ്ച്ചതന്നെ വാക്സിന് പരീക്ഷണം പുനരാംഭിക്കാന്‍ സാധിക്കുമെന്ന് കമ്പനി പറയുന്നത്.
വാക്‌സില്‍ സ്വീകരിച്ച സ്ത്രീക്ക് അപൂര്‍വ രോഗം സ്ഥിരീകരിച്ചതിനെ തുടര്‍ന്നാണ് ഓക്‌സ്ഫഡ് അസ്ട്രാസെനെകയുടെ കോവിഡ് പ്രതിരോധ വാക്‌സിന്റെ പരീക്ഷണം നിര്‍ത്തിവെച്ചത്. ജൂലായ് 20നാണ് ഓക്‌സ്ഫഡ് സര്‍വകലാശാല കോവിഡ് 19 വാക്സിന് വികസിപ്പിച്ചെടുത്തത്. വാക്സിന് തയ്യാറായാല്‍ അതിന്റെ ഉല്പാദനത്തിനായി ലോകത്തിലെ ഏറ്റവും വലിയ വാക്സിന് നിര്‍മാതാക്കളായ സെറം ഇന്‍സ്റ്റിറ്റിയൂട്ട് ഓഫ് ഇന്ത്യയെ ഓക്‌സ്ഫഡും അതിന്റെ പങ്കാളിയായ അസ്ട്രസെനെകയും തിരഞ്ഞെടുത്തിട്ടുണ്ട്. 2021 ജനുവരിയോടെ വാക്സിന് വിപണിയില്‍ എത്തുമെന്നായിരുന്നു വിലയിരുത്തല്‍.
അതെ സമയം ഓക്‌സ്ഫഡ് വാക്‌സീന്‍ പരീക്ഷണം നിര്‍ത്തുന്നത് ഇതാദ്യമല്ല. ഏപ്രിലില്‍ ആദ്യ ഘട്ട പരീക്ഷണ സമയത്തും വൊളന്റിയര്‍മാരിലൊരാള്‍ക്കു വിപരീത ഫലമുണ്ടായി പരീക്ഷണം നിര്‍ത്തിയിരുന്നു. സാധ്യതാ വാക്‌സീന്റെ സുരക്ഷിതത്വവും പരീക്ഷണവിവരങ്ങളും ബ്രിട്ടനിലെ മെഡിസിന്‍സ് ആന്‍ഡ് ഹെല്‍ത്ത് കെയര്‍ പ്രോഡക്ട്‌സ് റഗുലേറ്ററി ഏജന്‍സി വീണ്ടും പരിശോധിക്കും. ഇതിന്റെ അടിസ്ഥാനത്തിലായിരിക്കും തീരുമാനം. ഓക്‌സ്ഫഡ് വാക്സിന് സ്വീകരിച്ചതില്‍ നിരവധി മലയാളികളും ഉള്‍പ്പെടുന്നു. ഇവര്‍ സുരക്ഷിതരാണെന്നാണ് പുറത്ത് വരുന്ന വിവരം. കൊല്ലം ഓക്‌സ്ഫഡ് സാധ്യതാ വാക്‌സീന്‍ സ്വീകരിച്ച മലയാളികള്‍ക്ക് ആരോഗ്യപ്രശ്‌നങ്ങളില്ല. തിരുവല്ല ഓതറ സ്വദേശി റെജിയാണ് ആദ്യം വാക്‌സീന്‍ സ്വീകരിച്ച ഇന്ത്യക്കാരന്‍. അടുത്ത ഘട്ടത്തില്‍ മൂവാറ്റുപുഴ സ്വദേശിയായ ഡോ. ജോജി കുര്യനും വാക്‌സീനെടുത്തു. ബൂസ്റ്റര്‍ ഡോസുകള്‍ അടക്കം എടുത്തിട്ടും ആരോഗ്യപ്രശ്‌നങ്ങളൊന്നുമില്ലെന്നാണ് റിപ്പോര്‍ട്ട്. തുടര്‍ന്നുള്ള ഘട്ടങ്ങളില്‍ 30,000 പേരാണു വാക്‌സീനെടുത്തത്. ആര്‍ക്കും ആരോഗ്യപ്രശ്‌നങ്ങളുള്ളതായി റിപ്പോര്‍ട്ട് ചെയ്യപ്പെട്ടിട്ടില്ല.
ഓക്‌സ്ഫഡ് വാക്‌സീന്റെ ഇന്ത്യയിലെ പരീക്ഷണം തുടരുന്നതു ഡേറ്റ സേഫ്റ്റി ആന്‍ഡ് മോണിറ്ററിങ് ബോര്‍ഡിന്റെ (ഡിഎസ്എംബി) അവലോകന യോഗത്തിനു ശേഷം. രണ്ടു ദിവസത്തിനുള്ളില്‍ യോഗം ചേര്‍ന്നേക്കും. ഇന്ത്യയില്‍ പരീക്ഷണം നിര്‍ത്തിവച്ചിട്ടില്ലെന്നാണ് പുണെ സീറം ഇന്‍സ്റ്റിറ്റിയൂട്ട് പ്രതികരിച്ചത്. അതെ സമയം കോവിഡ് വാക്സിന് പരീക്ഷണവുമായി ബന്ധപ്പെട്ട് പുണെയിലെ സെറം ഇന്‍സ്റ്റിറ്റിയൂട്ടിന് ഡ്രഗ്‌സ് കണ്‍ട്രോളര്‍ ജനറലിന്റെ നോട്ടീസ് അയച്ചു. ഓക്‌സ്ഫഡ് വാക്‌സിന്റെ പരീക്ഷണം മറ്റുരാജ്യങ്ങള്‍ നിര്‍ത്തിവച്ചകാര്യം ഡ്രഗ്‌സ് കണ്‍ട്രോളറെ അറിയിക്കാതിരുന്നതിനെ തുടര്‍ന്നാണിത്. ഓക്‌സ്ഫഡ് സര്‍വകലാശാല വികസിപ്പിച്ച വാക്‌സിന്റെ മനുഷ്യരിലുള്ള പരീക്ഷണം വാക്സിന് കുത്തിവച്ച ഒരാളില്‍ അജ്ഞാതരോഗം കണ്ടെത്തിയതിനെത്തുടര്‍ന്ന് നിര്‍ത്തിവച്ചിരുന്നു. ഈ സാഹചര്യത്തില്‍ സുരക്ഷ ഉറപ്പുവരുത്തുന്നതുവരെ വാക്‌സിന്റെ രണ്ടും മൂന്നും ഘട്ട പരീക്ഷണങ്ങള്‍ നിര്‍ത്തിവെക്കാത്തത് എന്തുകൊണ്ടാണെന്ന് നോട്ടീസില്‍ ആരാഞ്ഞിട്ടുണ്ട്. വ്യക്തമായ കാരണം വിശദമാക്കണമെന്നാണ് നോട്ടീസിലെ ആവശ്യം.
https://www.facebook.com/Malayalivartha
