സ്വര്ണക്കടത്തില് യു.എ.ഇ കോണ്സുലേറ്റും പ്രതിചേര്ക്കപ്പെടുമ്പോള്; സി.പി.എമ്മിന്റെ കണക്കുകൂട്ടലുകള് പിഴക്കുന്നു; അന്വേഷണം വിദേശത്തേക്ക്; നിലവിലെ കേസ് അന്വേഷണത്തിന്റെ പുരോഗതിക്ക് കോണ്സുലേറ്റ് ഉദ്യോഗസ്ഥരെയും പ്രതിചേര്ക്കേണ്ടി വരും; പ്രതികളുടെ ജാമ്യാപേക്ഷ കോടതി തള്ളി
സ്വര്ണക്കടത്ത് കേസില് സി.പി.എമ്മിന്റെ ഏറ്റവും വലിയ പിടിവള്ളിയാണ് ഡിപ്ലോമാറ്റിക് പാക്കേജും യു.എ.ഇ കോണ്സുലേറ്റുമാണ്. കാരണം വെറൊന്നുമല്ല യു.എ.ഇ കോണ്സിലേറ്റിലേക്ക് അന്വേഷണം എത്തുമ്പോള് രാജ്യങ്ങളുടെ സൗഹൃദത്തിന് വിഘാതം വരാതിരിക്കാന് കേസന്വേഷണം എന്.ഐ.എ ഉള്പ്പെടെയുള്ള കേന്ദ്ര അന്വേഷണ എജന്സികള് നിര്ത്തുമെന്നാണ് സി.പി.എമ്മിന്റെ പ്രതീക്ഷ. അങ്ങനെയെങ്കില് കേസില് ഇപ്പോള് സംഭവിച്ചതില് കൂടുതലൊന്നും സംഭവിക്കില്ലെന്ന് അവര്ക്കറിയാം. കേസ് സ്വപ്നയിലും കൂട്ടാളികളിലും അവസാനിക്കുകയാണെങ്കില് എം.ശിവശങ്കറിന് പോലും ഒന്നും സംഭവിക്കില്ലന്നു തന്നെയാണ് സി.പി.എമ്മിന്റെ കണക്കു കൂട്ടല്. എന്നാല് കാര്യങ്ങള് ഇപ്പോള് അങ്ങനെ അവസാനിക്കില്ലെന്ന് ഏറെക്കുറേ ഉറപ്പായിട്ടുണ്ട്. കാരണം സ്വര്ണക്കടത്ത് കേസില് എന്ഐഎയുടെ അന്വേഷണം യുഎഇ കോണ്സുലേറ്റിലേക്ക് കൂടി നീളുകയാണ്. കോണ്സുലേറ്റ് ഉദ്യോഗസ്ഥരുടെ പങ്കും അന്വേഷിക്കണമെന്ന് എന്ഐഎ കോടതിയെ അറിയിച്ചു. വിദേശത്ത് ഉള്പ്പടെ അന്വേഷണം നടത്തേണ്ടി വരും. ഇതുമായി ബന്ധപ്പെട്ട ഡിജിറ്റല് തെളിവുകള് സി ഡാക് പരിശോധിച്ച് വരികയാണെന്നും എന്ഐഎ കോടതിയില് പറഞ്ഞു. വിദേശത്ത് നിന്ന് നയതന്ത്രബാഗില് എത്തിയ ഖുറാന് പുറത്ത് വിതരണം ചെയ്തതില് കോണ്സുലേറ്റിനെ എതിര് കക്ഷിയായി കസ്റ്റംസ് കേസെടുത്തതിന് പിന്നാലെയാണ് കോണ്സുലേറ്റിലെ ഉദ്യോഗസ്ഥരെക്കുറിച്ച് കൂടി അന്വേഷിക്കണമെന്ന് എന്ഐഎ നിലപാട് വ്യക്തമാക്കുന്നത്.
കോണ്സുലോറ്റ് ഉദ്യോഗസ്ഥര്ക്കെതിരെ കേസെടുക്കുകയാണെങ്കില് അവര്ക്ക് നയതന്ത്ര പരിരക്ഷ നല്കേണ്ടി വരില്ല നിയമ ഉപദേശത്തിന്റെ അടിസ്ഥാനത്തിലാണ് പുതിയ നീക്കം. കാരണം ഒദ്യോഗികമല്ലാത്ത കാര്യങ്ങളില് നയതന്ത്രപരിരക്ഷ നല്കണമെന്ന വ്യവസ്ഥയില്ല. മുമ്പ് 2013 യില് ഇന്ത്യയുടെ അമേരിക്കന് അംബാസിഡറായിരുന്ന ദേവയാനി ഖോബ്രഗഡെ വേലക്കാരിയെ ഗാര്ഹിക പീഢനത്തിനിരയാക്കിയതിന് അമേരിക്കന് സര്ക്കാര് കേസ് രജിസ്റ്റര് ചെയ്തത് ഇതെ നിയമ വ്യവസ്ഥയുടെ അടിസ്ഥാനത്തിലാണ്. കോണ്സിലേറ്റിലെ ജീവനക്കാര്ക്ക് കൂടി സ്വര്ണക്കടത്തില് പങ്കുണ്ടെന്ന് തെളിയുന്ന സാഹചര്യത്തില് നിലവിലെ അന്വേഷണം മുന്നോട്ട് കൊണ്ടു പോകുന്നതിനും ഇപ്പോള് അറസ്റ്റിലായ പ്രതികള്ക്ക് ജാമ്യം ലഭിക്കാതിരിക്കുന്നതിനും ഉദ്യോഗസ്ഥര്ക്കെതിരെ കേസ് രജിസ്റ്റര് ചെയ്യേണ്ടത് ആവശ്യമാണ്. ഇക്കാര്യം മുന് നിര്ത്തിയാണ് എന്.എ.എ കോടതിയില് വാദിച്ചത്.
എന്.ഐ.എ കോടതിയില് പറഞ്ഞതു പ്രകാരം വിദേശത്ത് നിന്ന് പല തവണയായി വലിയ അളവില്ത്തന്നെ സ്വര്ണം വിവിധ വിമാനത്താവളങ്ങളിലൂടെ ഇന്ത്യയിലേക്ക് പ്രതികള് ഗൂഢാലോചന നടത്തി എത്തിച്ചിട്ടുണ്ട്. കേരളത്തിലെ വിമാനത്താവളങ്ങള് വഴിയായിരുന്നു പ്രധാനമായും കടത്ത്. ഇന്ത്യയിലും വിദേശത്തുമുള്ള, വന്സ്വാധീനമുള്ള ആളുകളുള്പ്പെട്ട വിശാലമായ ഗൂഢാലോചന ഇതില് നടന്നിട്ടുണ്ടെന്ന് എന്ഐഎ അന്വേഷണത്തില് വെളിവായിട്ടുണ്ട്. ഡിപ്ലോമാറ്റിക് ബാഗേജ് വഴിയാണ് പലപ്പോഴും സ്വര്ണം കടത്തിയിട്ടുള്ളത്. ഇത് പലര്ക്കായി വിതരണം ചെയ്തിട്ടുണ്ട്. ഇത് രാജ്യത്തിന്റെ സാമ്പത്തിക സുരക്ഷയെത്തന്നെ ബാധിക്കുന്നതാണ്. ഇതില് നിന്ന് പ്രതികള്ക്ക് സാമ്പത്തികനേട്ടം ഉണ്ടായിട്ടുണ്ടെന്നും, ഈ കടത്ത് തീവ്രവാദഫണ്ടിംഗിന് ഉപയോഗിക്കപ്പെട്ടേക്കാമെന്നും വെളിവായി.
ഇതിന്റെ തുടര്ന്നുള്ള ഘട്ടങ്ങളിലെ അന്വേഷണം വിദേശത്ത് കൂടി നടത്തേണ്ടത് അത്യാവശ്യമാണ്. വലിയ സ്വാധീനമുള്ള വ്യക്തികള്ക്കും, കോണ്സുലേറ്റിലെ ഉദ്യോഗസ്ഥര്ക്കും ഇതിലെ ഗൂഢാലോചനയില് എന്താണ് പങ്കെന്ന വിവരം വിശദമായി അന്വേഷിക്കണം. സ്വര്ണക്കടത്തിനുള്ള ഗൂഢാലോചന വിവിധ സാമൂഹ്യമാധ്യമങ്ങളിലൂടെയാണ് നടന്നത്. ഇതിന്റെ തെളിവുകള് ശേഖരിക്കാന് പിടിച്ചെടുത്ത ഇലക്ട്രോണിക് ഉപകരണങ്ങളെല്ലാം തിരുവനന്തപുരത്തെ സി ഡാക് ഓഫീസില് സൈബര് ഫൊറന്സിക് അനാലിസിസിനായി നല്കിയിട്ടുണ്ട്. ഡിജിറ്റല് തെളിവുകളുടെ ശേഖരണം പൂര്ത്തിയായി വരുന്നതേയുള്ളൂ. അത് ലഭിക്കുന്ന പക്ഷം, ഡിജിറ്റല് തെളിവുകള് കൂടി മുന്നിര്ത്തി, പ്രതികളെ വിശദമായി ചോദ്യം ചെയ്യേണ്ടതുണ്ട്. അത് ഈ കേസില് നിര്ണായകവുമാണ്. മാത്രമല്ല, നിലവില് ലഭിച്ചിട്ടുള്ള ഡിജിറ്റല് തെളിവുകള് തന്നെ, പ്രതികള് എന്ഐഎ കസ്റ്റഡിയില് തുടരേണ്ടതുണ്ട് എന്ന് തെളിയിക്കുന്നതാണ്.
വിദേശത്ത് നിന്ന് വലിയ തോതില് സ്വര്ണം കടത്തിയതിലൂടെ രാജ്യത്തിന്റെ സാമ്പത്തിക ഭദ്രത തകര്ക്കുകയായിരുന്നു പ്രതികളുടെ ലക്ഷ്യം. ഈ പണം തീവ്രവാദപ്രവര്ത്തനങ്ങള്ക്കും മറ്റ് നിയമവിരുദ്ധപ്രവര്ത്തനങ്ങള്ക്കും ഉപയോഗിക്കാന് നീക്കം നടന്നിരുന്നു. യുഎഇ ഡിപ്ലോമാറ്റിക് ബാഗേജ് ഒരു കവചമായി ഉപയോഗിക്കുക വഴി, യുഎഇ എന്ന രാജ്യവുമായുള്ള ഇന്ത്യയുടെ നയതന്ത്രബന്ധത്തെത്തന്നെ തകര്ക്കാവുന്ന പ്രവൃത്തിയാണ് പ്രതികള് ചെയ്തത്. ഈ പണം ആരിലേക്ക് എങ്ങനെയാണ് എത്തിയിരുന്നതെന്നതടക്കം ഇനിയും അന്വേഷണത്തില് തെളിയേണ്ടതുണ്ട്. ഇത് ആഴത്തില് അന്വേഷിക്കേണ്ടതാണെന്നുമാണെന്നും എന്.ഐ.എ കോടതിയില് വാദിച്ചു.
https://www.facebook.com/Malayalivartha