ഇനി ചൈനയോട് സംസാരമില്ല; കയറി മേയും, നയം വ്യക്തമാക്കി; അമേരിക്കന്‍ സുരക്ഷാ ഉപദേഷ്ടാവ്; ഷി ജിന്‍ പിങ്ങിന്റെ സ്വപ്‌ന പദ്ധതിയായ വണ്‍ ബെല്‍റ്റ് വണ്‍ റോഡ് സ്വപ്‌നം മാത്രം; ചൈനക്കെതിരെ സാമ്പത്തിക ഉപരോധം?
ഒരു മേശയ്ക്ക് അപ്പുറവും ഇപ്പുറവും ഇരുന്നുള്ള ചര്‍ച്ചകള്‍ കൊണ്ടൊന്നും ചൈനയുടെ കാര്യത്തില്‍ ഒരു കാര്യവും ഇല്ലെന്നു വ്യക്തമാക്കി അമേരിക്കന്‍ സുരക്ഷാ ഉപദേഷ്ടാവ് . ഒരു കവിളില്‍ അടിച്ചപ്പോള്‍ നമ്മള്‍ മറ്റേ കവിളും കാണിച്ചു കൊടുത്തു, അങ്ങനെ കുറച്ചു കാലം തന്നെ കടന്നു പോയി. ഇനി അതിന്റെ ആവശ്യം ഉണ്ടെന്നു തോന്നുന്നില്ല. ചൈനയുടെ ബെല്‍റ്റ് ആന്‍ഡ് റോഡ് ഇനിഷിയേറ്റീവ് , ദരിദ്ര രാജ്യങ്ങള്‍ക്ക് കടം കൊടുത്ത് അവരുടെ പരമാധികാരം ഭാഗികമായി കവരല്‍, ഇന്ത്യ, തായ്‌വാന്‍ , ഹോംഗ് കോങ്ങ് എന്നീ രാജ്യങ്ങളുമായുള്ള സംഘര്‍ഷങ്ങള്‍ തുടങ്ങിയവയുടെ പശ്ചാത്തലത്തില്‍ ആണ് അമേരിക്കന്‍ സുരക്ഷാ ഉപദേഷ്ടാവ് റോബര്‍ട്ട് ഒബ്രയന്‍ തന്റെ നിലപാട് വ്യക്തമാക്കിയത്.
കിഴക്കന്‍ ലഡാക്കില്‍ അഞ്ചുമാസമായി നീണ്ടുനില്‍ക്കുന്ന സംഘര്‍ഷത്തില്‍ ഇന്ത്യയും ചൈനയും പെട്ടു കിടക്കുകയാണ് , ഇത് ന്യൂഡല്‍ഹിയും ബീജിംഗും തമ്മിലുള്ള ബന്ധത്തെ തന്നെ ഗണ്യമായി ബാധിച്ചിട്ടുണ്ട് . അതിര്‍ത്തി പ്രശ്‌നങ്ങള്‍ പരിഹരിക്കുന്നതിനായി ഇരുരാജ്യങ്ങളും ഉന്നതതല നയതന്ത്രസൈനിക ചര്‍ച്ചകള്‍ നടത്തിയിട്ടുണ്ട്. എന്നിരുന്നാലും, നിലപാട് അവസാനിപ്പിക്കുന്നതിന് ഒരു മുന്നേറ്റവും നേടിയിട്ടില്ല. ഇന്ത്യന്‍ അതിര്‍ത്തിയിലും യഥാര്‍ത്ഥ നിയന്ത്രണ രേഖയുടെ നിയന്ത്രണം ബലപ്രയോഗത്തിലൂടെ പിടിച്ചെടുക്കാന്‍ ചൈന ശ്രമിച്ചതിലൂടെ ചൈനീസ് കമ്മ്യൂണിസ്റ്റ് പാര്‍ട്ടിയുടെ അധിനിവേശ നയങ്ങളും പ്രാദേശിക ആക്രമണ സ്വഭാവവും പ്രകടമാണ്, ' ഈ ആഴ്ച ആദ്യംഅമേരിക്കന്‍ സംസ്ഥാനം ആയ ഊട്ടയില്‍ ചൈനയെക്കുറിച്ച് നടത്തിയ പ്രസ്താവനയില്‍ അദ്ദേഹം പറഞ്ഞിരുന്നു. തായ്‌വാന്‍ കടലിടുക്കിന്റെ കാര്യത്തില്‍ ചൈനയുടെ പീപ്പിള്‍ ലിബറേഷന്‍ ആര്‍മി യുടെ നാവിക സേനയും വ്യോമ സേനയും തായ്‌വാനെ ഭീഷണിപ്പെടുത്താന്‍ എന്നവണ്ണം നടത്തുന്ന സൈനിക അഭ്യാസങ്ങളും അമേരിക്ക സൂക്ഷ്മം ആയിട്ടാണ് നിരീക്ഷിക്കുന്നത് അദ്ദേഹം കൂട്ടി ചേര്‍ത്തു.
എന്നാല്‍ ചൈനയുടെ പ്രവര്‍ത്തനങ്ങളെ അമേരിക്ക ശ്രദ്ധിക്കുന്നത് അവരുടെ സൈനിക നടപടികളില്‍ മാത്രമായി ഒതുക്കാന്‍ അമേരിക്ക തീരുമാനിച്ചിട്ടില്ല എന്ന് വ്യക്തമാക്കുന്നതായിരുന്നു ചൈനീസ് പ്രസിഡന്റ് ഷി ജിന്‍ പിങ്ങിന്റെ സ്വപ്‌ന പദ്ധതിയായ വണ്‍ ബെല്‍റ്റ് വണ്‍ റോഡ് ഇനിഷിയേറ്റീവിന്റെ കാര്യത്തില്‍ സുരക്ഷാ ഉപദേഷ്ടാവ് പങ്കു വച്ച ആശങ്കകള്‍ . ബെയ്ജിങിന്റെ സിഗ്‌നേച്ചര്‍ പദ്ധതിയായ വാന്‍ ബെല്‍റ്റ് വാന്‍ റോഡ് ഇനിഷിയേറ്റീവിലൂടെ ദരിദ്രരായ രാജ്യങ്ങള്‍ ചൈന കടക്കെണിയില്‍ പെടുത്തുകയാണ് ചെയ്യുന്നത്. ചൈനയുടെ ഈ പദ്ധതി കടന്നു പോകുന്ന മേഖലകളിലെ ദരിദ്രരായ രാജ്യങ്ങളിലെ സാമ്പത്തികമായി ബുദ്ധിമുട്ടുന്ന കമ്പനികള്‍ക്ക് തീര്‍ത്തും സുതാര്യമല്ലാത്തതും അവരെ അസ്ഥിരപ്പെടുത്തുന്നതുമായ വായ്പകള്‍ എടുക്കാന്‍ ചൈന പ്രരിപ്പിക്കുന്നു. ചൈനയുടെ സ്വന്തം തൊഴിലാളികള്‍ക്ക് ചൈനയുടെ സ്വപ്‌ന പദ്ധതിയുടെ അടിസ്ഥാന ഭൗതിക സൗകര്യങ്ങള്‍ ഒരുക്കാന്‍ ഇത്തരം രാജ്യങ്ങളും അവരുടെ കമ്പനികളും പണം നല്കുന്നതിലേക്ക് കാര്യങ്ങള്‍ ചൈന എത്തിക്കുന്നു.
ഈ പദ്ധതികളില്‍ പലതും അനാവശ്യവും തരാം താഴ്ന്ന നിലവാരത്തില്‍ നിര്‍മ്മിച്ചതും വെള്ളാനകളും ആണെന്ന് യുഎസ് ദേശീയ സുരക്ഷാ ഉപദേഷ്ടാവ് വ്യക്തമാക്കി. ഇത്തരത്തില്‍ രക്ഷപ്പെടല്‍ ഇല്ലാത്ത വിധം ഈ രാജ്യങ്ങളെ കടക്കെണിയില്‍ ആക്കി കൊണ്ട് ചൈന ഈ രാജ്യങ്ങളുടെ പരമാധികാരം ഭാഗികമായെങ്കിലും ഇല്ലാതാക്കുന്നു, യുഎന്‍ വോട്ടെടുപ്പിലോ ചൈനീസ് കമ്മ്യൂണിസ്റ്റ് പാര്‍ട്ടി ഒരു തങ്ങള്‍ക്ക് അനിഷ്ടപരമായി കരുതുന്ന കരുതുന്ന മറ്റേതെങ്കിലും പ്രശ്‌നങ്ങളെക്കുറിച്ചോ ഉള്ള നിലപാടിനെ അവര്‍ക്കു ഹിതകരമല്ലെങ്കില്‍ പോലും പിന്താങ്ങുകയല്ലാതെ മറ്റൊരു മാര്‍ഗ്ഗവും ഇല്ലാത്ത വിധത്തില്‍ ചൈന ഈ രാജ്യങ്ങളെ കുടുക്കിയിട്ടിരിക്കുകയാണ്. ചൈനയുടെ ഇത്തരം പ്രവര്‍ത്തനങ്ങള്‍ അവസാനിപ്പിക്കുന്നതിന് അമേരിക്ക വേണ്ടി നട്ടെല്ലുയര്‍ത്തി എഴുനേറ്റു നിന്ന് ശക്തമായ നിലപാടെടുക്കാന്‍ സമയമായി എന്ന് അമേരിക്കന്‍ സുരക്ഷാ ഉപദേഷ്ടാവ് വ്യക്തമാക്കി.ആ സമീപനത്തിന് രണ്ട് പ്രാഥമിക ലക്ഷ്യങ്ങളുണ്ട് അദ്ദേഹം കൂട്ടി ചേര്‍ത്തു . ആദ്യം, ചൈന അവതരിപ്പിക്കുന്ന വെല്ലുവിളികള്‍ക്കെതിരെ നിലനില്‍ക്കുന്നതിന് യുഎസ് സ്ഥാപനങ്ങള്‍, സഖ്യങ്ങള്‍, പങ്കാളിത്തങ്ങള്‍ എന്നിവയുടെ പുനരുജ്ജീവനം മെച്ചപ്പെടുത്തുക; രണ്ടാമത്തേത്, അമേരിക്കയുടെ സുപ്രധാന ദേശീയ താല്‍പ്പര്യത്തിനും സഖ്യ കക്ഷികള്‍ക്കും, പങ്കാളിത്ത രാജ്യങ്ങള്‍ക്കും ഹാനികരമായ പ്രവര്‍ത്തനങ്ങള്‍ അവസാനിപ്പിക്കുന്നതിനോ കുറയ്ക്കുന്നതിനോ ബീജിംഗിനെ നിര്‍ബന്ധിതമാക്കുന്നതിന് അവരുടെ മേല്‍ വ്യക്തമായ ആധിപത്യം അടിച്ചേല്‍പ്പിക്കുക.
സംഭാഷണവും കരാറുകളും പീപ്പിള്‍സ് റിപ്പബ്ലിക്ക് ഓഫ് ചൈനയെ അവരുടെ പ്രഖ്യാപിത നിലപാടുകളില്‍ നിന്നും അവരെ മാറ്റാന്‍ പ്രേരിപ്പിക്കുകയോ നിര്‍ബന്ധിക്കുകയോ ചെയ്യില്ലെന്ന് അംഗീകരിക്കേണ്ട സമയം അതിക്രമിച്ചിരിക്കുന്നു. മറ്റൊരു വഴി നോക്കുന്നതില്‍ നിന്നോ ഒരു കവിളില്‍ അടിക്കുമ്പോള്‍ മറ്റേ കവിളും കാണിച്ചു കൊടുക്കുന്നതില്‍ നിന്നോ ഒന്നും നേടാനാകില്ല. ഞങ്ങള്‍ അതായത് അമേരിക്ക വളരെക്കാലമായി അത് ചെയ്തു കൊണ്ടിരിക്കുകയാണ് , 'സുരക്ഷാ ഉപദേഷ്ടാവ് പറഞ്ഞു. തുറന്ന യുദ്ധമാണോ അതോ സാമ്പത്തിക ഉപരോധമാണോ അമേരിക്കന്‍ പ്രതിരോധ ഉപദേഷ്ടാവ് ഉദ്ദേശിച്ചതെന്ന് വ്യക്തമല്ല. ഇവയില്‍ ഏതായാലും ചൈനയോടുള്ള മൃദു സമീപനം മാറ്റി നേര്‍ക്ക് നേര്‍ നിന്ന് എതിരിടാന്‍ തന്നെയാണ് അമേരിക്ക തീരുമാനിച്ചിരിക്കുന്നത് എന്ന് വ്യക്തമാക്കുന്നതായിരുന്നു അമേരിക്കന്‍ സുരക്ഷാ ഉപദേഷ്ടാവിന്റെ ഈ തുറന്ന നിലപാട്. ചൈനയോടുള്ള അമേരിക്കന്‍ സമീപനത്തില്‍ അടുത്ത കാലത്തൊന്നും ഒരു അയവും പ്രതീക്ഷിക്കണ്ട എന്ന് തന്നെയാണ് ഈ പ്രസ്താവനയിലൂടെ അമേരിക്ക വ്യക്തമാക്കുന്നത്.
https://www.facebook.com/Malayalivartha
