ഫോൺ സ്വിച്ച് ഓഫ് ചെയ്ത് ഭാഗ്യലക്ഷ്മിയും കൂട്ടരും മുങ്ങിയത് ചെന്നൈയിലെ ഫ്ലാറ്റിലേക്ക്?.... ലക്ഷങ്ങൾ കെട്ടിവെച്ചിട്ടും രക്ഷയില്ല, ഹൈക്കോടതി കനിയുമെന്ന പ്രതീക്ഷയിൽ മൂവർ സംഘം....
യൂട്യൂബറെ ആക്രമിച്ച കേസിൽ മുൻകൂർ ജാമ്യം തള്ളിയതോടെ ഭാഗ്യലക്ഷ്മിയടക്കമുള്ള 3 പ്രതികൾ ഒളിവിലാണെന്ന റിപ്പോർട്ടുകൾ പുറത്ത് വന്നിരുന്നു. ഇപ്പോഴിതാ ഫോണുകൾ സ്വിച്ച് ഡ് ഓഫാക്കിയ മൂവരും ഭാഗ്യലക്ഷിയുടെ ചെന്നൈയിലുള്ള ഫ്ലാറ്റിൽ ഒളിവിൽ കഴിയുന്നതായാണ് വിവരം. ജില്ലാ കോടതിയിൽ നിന്നും മുൻകൂർ ജാമ്യത്തിനായി ഒന്നര ലക്ഷം രൂപ മുടക്കിയിട്ടും ജാമ്യം കിട്ടാതായതോടെ പോവുകയായിരുന്നു. ഹൈക്കോടതിയിൽ മുൻകൂർ ജാമ്യത്തിനുള്ള വക്കാലത്ത് വക്കീലിന് ഒപ്പിട്ട് നൽകിയ ശേഷമാണ് മൂവർ സംഘം മുങ്ങിയത്.
അതേ സമയം ഭാഗ്യലക്ഷ്മിയുടെ മുൻകൂർ ജാമ്യ ഹർജി തള്ളിയതിനാൽ പ്രതികളെ ഉടൻ അറസ്റ്റ് ചെയ്യണമെന്ന് മെൻസ് റൈറ്റ് അസോസിയേഷൻ ആവശ്യപ്പെട്ടു. പോലീസ് അറസ്റ്റ് ചെയ്യാത്ത പക്ഷം വിചാരണ കോടതിയായ മൂന്നാം ജുഡീഷ്യൽ ഫസ്റ്റ് ക്ലാസ്സ് കോടതിയിൽ ഈ ആവശ്യമുന്നയിച്ച് ഹർജി സമർപ്പിക്കുമെന്ന് അസോസിയേഷൻ ഭാരവാഹി അഡ്വ.നെയ്യാറ്റിൻകര. പി. നാഗരാജ് പറഞ്ഞു.
പ്രതികൾ ഹൈക്കോടതിയിൽ മുൻകൂർ ജാമ്യഹർജി ഫയൽ ചെയ്യുന്ന പക്ഷം ഹർജിയിൽ കക്ഷി ചേർന്ന് ഹർജിയെ എതിർക്കുമെന്നും അറിയിച്ചു. പ്രതികളെ കസ്റ്റഡിയിൽ വെച്ച് ചോദ്യം ചെയ്ത് പ്രതികൾ കൃത്യത്തിനുപയോഗിച്ച വാഹനം വീണ്ടെടുക്കണം . പ്രതിയെ കൃത്യ സ്ഥലത്തെത്തിച്ച വാഹനം ഡ്രൈവ് ചെയ്ത ശ്യാം ആൻ്റണി എന്ന ഗുണ്ടയെ ചോദ്യം ചെയ്ത് അറസ്റ്റ് ചെയ്യണം. കൃത്യസ്ഥലത്ത് എത്തുംവരെയുള്ള സി സി റ്റി വി ഫൂട്ടേജ് പിടിച്ചെടുക്കണം. ഭാഗ്യലക്ഷ്മി അടക്കമുള്ള പ്രതികളെ കരി ഓയിൽ വാങ്ങിയ കട, ചൊറിഞ്ഞണം പറിച്ചെടുത്ത സ്ഥലം എന്നിവിടങ്ങളിൽ കൊണ്ടുപോയി തെളിവെടുക്കണം. ക്രിമിനൽ നടപടി ക്രമത്തിലെ വകുപ്പ് 438 പ്രകാരമാണ് അറസ്റ്റ് ഭയന്ന് മുൻകൂർ ജാമ്യ ഹർജി സമർപ്പിക്കുന്നത്. അത് തള്ളിയതിനാൽ ഏതു നിമിഷവും പോലീസിന് പ്രതികളെ അറസ്റ്റ് ചെയ്യാവുന്നതാണ്.
അതേസമയം ഇവര് അകത്തായാല് വിജയ് പി നായര് പുറത്തിറങ്ങുമോ എന്ന ചോദ്യവും വരുന്നുണ്ട്. ഭാഗ്യലക്ഷ്മി അടക്കമുള്ളവരെ കൈയേറ്റം ചെയ്ത കേസില് യൂടൂബര് വിജയ് പി നായര്ക്ക് കോടതി മുന്കൂര് ജാമ്യം അനുവദിച്ചു. പൊലീസ് എതിര്ത്തെങ്കിലും ഉപാധികളോടെയാണ് ജാമ്യം. അശ്ലീല വീഡിയോ യുട്യൂബിലൂടെ പ്രചരിപ്പിച്ചതിന് ജാമ്യമില്ലാ വകുപ്പുകള് പ്രകാരം എടുത്ത കേസില് റിമാന്ഡിലാണ് വിജയ് പി നായര്. മുന്കൂര് ജാമ്യം ലഭിച്ചെങ്കിലും ഇയാള്ക്ക് ഈ ഘട്ടത്തില് പുറത്തിറങ്ങാനാവില്ല. അതേസമയം ഭാഗ്യലക്ഷ്മി അടക്കമുള്ളവര്ക്ക് നേരെ വിജയ് പി നായര് നല്കിയ കേസില് കോടതി നാളെ വിധി പറയും. ഈ കേസില് വിശദമായ വാദം കേള്ക്കല് പൂര്ത്തിയായിരുന്നു. കേസില് ഭാഗ്യലക്ഷ്മി, ദിയ സന, ശ്രീലക്ഷ്മി അറയ്ക്കല് എന്നിവരുടെ ജാമ്യാപേക്ഷയെ സര്ക്കാര് ശക്തമായി എതിര്ത്തിരുന്നു.
കൈയേറ്റം ചെയ്ത കേസില് പ്രതികള്ക്ക് ജാമ്യം നല്കുന്നത് നിയമം കൈയിലെടുക്കുന്നതിന് അനുകൂലമായ തെറ്റായ സന്ദേശം നല്കുമെന്നാണ് പ്രോസിക്യൂഷന് കോടതിയില് പറഞ്ഞത്. അതിക്രമിച്ച് കടക്കല്, കൈയേറ്റം, ഭീഷണി, മോഷണം എന്നീ വകുപ്പുകള് ചേര്ത്ത് ഭാഗ്യലക്ഷ്മി അടക്കമുള്ളവര്ക്കെതിരെ ചുമത്തിയ എഫ്ഐആറില് ഊന്നിയായിരുന്നു വാദം. എന്നാല് സ്ത്രീകള്ക്കെതിരെ അശ്ലീല വീഡിയോ യൂട്യൂബില് പോസ്റ്റു ചെയ്തതിനും സ്ത്രീത്വത്തെ അപമാനിച്ചതിനും ഐടി ആക്ട് പ്രകാരം മ്യൂസിയം പൊലീസ് സ്റ്റേഷനില് റജിസ്റ്റര് ചെയ്ത കേസില് വിജയ് പി. നായര് റിമാന്ഡിലാണ്.
അതേസമയം യുട്യൂബ് വീഡിയോയിലൂടെ സാമൂഹിക സാംസ്കാരിക സിനിമ മേഖലകളിലെ സ്ത്രീകള്ക്കെതിരെ അശ്ലീലപരാമര്ശം നടത്തിയ വിജയ് നായരെ കൈയേറ്റം ചെയ്യുകയും മാപ്പു പറയിക്കുകയും ചെയ്ത സംഭവത്തില് ഡബ്ബിങ് ആര്ട്ടിസ്റ്റ് ഭാഗ്യലക്ഷ്മിക്ക് മുന്കൂര് ജാമ്യം നല്കുന്നത് സര്ക്കാരും എതിർത്തിരുന്നു. ജാമ്യം നല്കിയാല് നിയമം കൈയിലെടുക്കാന് അത് മറ്റുളളവര്ക്കും പ്രചോദനമാകുമെന്ന് പ്രോസിക്യൂഷന് വാദിച്ചിരുന്നു. ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി, ആക്ടിവിസ്റ്റായ ദിയ സന, ശ്രീലക്ഷ്മി അറയ്ക്കല് എന്നിവരുടെ മുന്കൂര് ജാമ്യാപേക്ഷയാണ് സര്ക്കാര് എതിര്ത്തത്. രണ്ടാം അഡീഷണല് സെഷന്സ് കോടതിയാണ് ഇവരുടെ ജാമ്യേപേക്ഷ പരിഗണിച്ചത്. മുന്കൂര് ജാമ്യം അനുവദിക്കുകയാണെങ്കില് അത് നിയമം കൈയിലെടുക്കുന്നവര്ക്ക് പ്രചോദനമുണ്ടാകും, കൂടുതല് നിയമലംഘകരുണ്ടാകും എന്ന് പ്രോസിക്യൂഷന് വാദിച്ചു.
അതേസമയം സര്ക്കാര് കാല് മാറിയതോടെ പൊലീസിനെതിരെ രൂക്ഷവിമര്ശനവുമായി ഭാഗ്യലക്ഷ്മി രംഗത്തെത്തിയിരുന്നു. സ്ത്രീകള്ക്കെതിരെ യു ട്യൂബ് ചാനലിലൂടെ മോശം പരമാര്ശം നടത്തിയ വിജയ് പി. നായര്ക്കെതിരെ കേസെടുക്കാന് പൊലീസ് തയ്യാറായില്ലെന്ന് മുഖ്യമന്ത്രിക്ക് നല്കിയ കത്തില് ഭാഗ്യലക്ഷ്മി പറഞ്ഞു. വിജയ് പി. നായര്ക്ക് മാനസിക പ്രശ്നങ്ങളുണ്ടെന്നാണ് പൊലീസ് പറഞ്ഞത്. സൈബര് നിയമത്തില് വകുപ്പില്ലെന്നും പൊലീസ് പറഞ്ഞു. സൈബര് ആക്രമണങ്ങള് തടയാന് അടിയന്തരമായി നിയമനിര്മ്മാണം വേണമെന്നും കത്തില് ആവശ്യപ്പെടുന്നു. സ്ത്രീകള് നല്കിയ സൈബര് പരാതിയില് എത്ര കേസുകളെടുത്തിട്ടുണ്ടെന്ന് മുഖ്യമന്ത്രി പരിശോധിക്കണമെന്നും ഭാഗ്യലക്ഷ്മി പറയുന്നു. ഇങ്ങനെ രൂക്ഷ വിമര്ശനത്തിനിടെയാണ് ഭാഗ്യ ലക്ഷ്മിക്കും കൂട്ടര്ക്കും ജാമ്യം കോടതി തള്ളിയത്.
https://www.facebook.com/Malayalivartha