നാലു മണിക്കൂറല്ല, ആയുസ് 28 ദിവസം വരെ; കൊറോണ വൈറസ് ഭീതി ഒഴിയാതെ ലോകം; കൊറോണ വൈറസ് ഉടനെയൊന്നും പോകില്ല; ഞെട്ടിക്കുന്ന വെളിപ്പെടുത്തലുമായി ഓസ്ട്രേലിയന് വൈറോളജി ജേര്ണലിന്റെ റിപ്പോര്ട്ട്; പരിഹാരം വാക്സിന് മാത്രം
മനുഷ്യ ശരീരത്തിന് പുറത്ത് കോവിഡ് വൈറസിന്റെ ആയുസ് നാലു മണിക്കൂര് മാത്രമാണെന്നാണ് നേരത്തെ വിശ്വാസിച്ചിരുന്നത്. എന്നാല് ഈ സാധ്യതകളെ പൂര്ണമായി തള്ളുകയാണ് ഇപ്പോള് പുറത്ത് വരുന്ന വിവരങ്ങള്. ബാങ്ക് കറന്സി, മൊബൈല് ഫോണ്, ഗ്ലസ്, പ്ലാസ്റ്റിക്, സ്റ്റീല് തുടങ്ങിയ പ്രതലങ്ങളില് തണുത്തതും ഇരുണ്ടതുമായ സാഹചര്യങ്ങളില് കൊറോണ വൈറസ് 28 ദിവസം വരെ ജീവിക്കുമെന്നാണ് ഓസ്ട്രേലിയന് വൈറോളജി ജേര്ണലിന്റെ റിപ്പോര്ട്ട്. ഇതോടെ കൊറോണ വൈറസിന്റെ ഭീതിയില് നിന്നും ഉടനെയൊന്നും ലോകത്തിന് ആശ്വാസം ലഭിക്കുമെന്ന് തോന്നുന്നില്ല.
മൂന്ന് വ്യത്യസ്ത താപനിലയില് കൊറോണ വൈറസ് എങ്ങനെ അതിജീവിക്കുമെന്നായിരുന്നു പഠനം നടത്തിയത്. ചൂടുകൂടിയ അവസ്ഥയില് വൈറസിന്റെ അതിജീവനകാലം കുറവാണെന്ന് ഓസ്ട്രേലിയയിലെ നാഷണല് സയന്സ് ഏജന്സിയായ സിഎസ്ഐആര്ഒ പറയുന്നൂ. മൊബൈല് ഫോണ് സ്ക്രീന്, ഗ്ലാസ്, സ്റ്റീല്, പ്ലാസ്റ്റിക് ബാങ്ക് നോട്ടുകള് പോലെയുള്ള പ്രതലങ്ങളില് 20 ഡിഗ്രി സെല്ഷ്യസില് (68 ഡിഗ്രി ഫാരന്ഹീറ്റ്) സാര്സ് കോവ്2 വൈറസ് ഏറ്റവും ബലിഷ്ഠമായിരിക്കും. 28 ദിവസം വരെ വൈറസ് അതിജീവിക്കും.
30 ഡിഗ്രി സെല്ഷ്യസില് (86 ഡിഗ്രി ഫാരന്ഹീറ്റ്) ഏഴ് ദിവസമായും 40 ഡിഗ്രി സെല്ഷ്യസില് (104 ഡിഗ്രി ഫാരന്ഹീറ്റ്) 24 മണിക്കൂറുമായിരിക്കും അതിജീവന ശേഷി. ആഗിരണശേഷി ഇല്ലാത്ത പ്രതലങ്ങളില് നാല് ദിവസം വരെ വൈറസ് അതിജീവിച്ചേക്കുമെന്നാണ് ജേര്ണലിന്റെ പഠന റിപ്പോര്ട്ട്. അതേസമയം, കുറഞ്ഞ അന്തരീക്ഷ താപനിലയിലും കോട്ടണ് പോലെയുള്ള പ്രതലങ്ങളില് 14 ദിവസം വരെയായിരിക്കും വൈറസിന് അതിജീവിക്കാന് കഴിയുക. കൂടിയ ചൂടില് 16 മണിക്കൂറില് കൂടുതല് പിടിച്ചുനില്ക്കാന് കഴിയില്ല.
എന്നാല് ഇത്രയും അതിജീവന ശേഷിയുണ്ടെങ്കിലും മനുഷ്യരിലേക്ക് പടരാനുള്ള കഴിവുണ്ടെന്ന് പറയാന് കഴിയില്ലെന്ന് ഓസ്ട്രേലിയന് സെന്റര് ഫോര് ഡീസസ് പ്രിപേര്ഡ്നസ് ഡയറക്ടര് ട്രെവര് ഡ്രൂ പറഞ്ഞു. വൈറസ് അതിജീവിക്കുന്ന ഈ പ്രതലങ്ങളില് സ്പര്ശിച്ച ഒരാള് അശ്രദ്ധമായി കൈകള് കണ്ണിലോ മൂക്കിലോ സ്പര്ശിച്ചാല് അവ പടരാനുള്ള സാധ്യത കൂടുതലാണെന്നും വൈറോളജി ജേര്ണല് പറയുന്നു.
ഇതിനിടെ കോവിഡിനെ പ്രതിരോധിക്കാന് ക്ഷയരോഗത്തിനുള്ള ബാസിലസ് കാല്മെറ്റ്ഗുറിന് (ബിസിജി) വാക്സിന് സാധിക്കുമോ എന്ന് പരിശോധിക്കാന് ബ്രിട്ടന് ശ്രമം തുടങ്ങി. ഇതിനായി 10,000 പേരെ തിരഞ്ഞെടുക്കുമെന്ന് വാര്ത്താ ഏജന്സിയായ റോയിറ്റേഴ്സ് റിപ്പോര്ട്ട് ചെയ്തു. യൂണിവേഴ്സിറ്റി ഓഫ് എക്സ്റ്ററിന്റെ നേതൃത്വത്തിലാണ് പരീക്ഷണം നടക്കുന്നത്. ബിസിജി വാക്സിന് ആളുകളുടെ പ്രതിരോധ ശേഷി വര്ദ്ധിപ്പിക്കുമെന്ന് തെളിഞ്ഞിട്ടുണ്ടെന്നും ഇത് കോവിഡിനെതിരേ ചില പരിരക്ഷകള് നല്കുന്നുണ്ടെന്നും യൂണിവേഴ്സിറ്റി ഓഫ് എക്സ്റ്ററിലെ പ്രൊഫ ജോണ് ക്യാമ്പല് പറഞ്ഞു. അപകട സാധ്യതയുള്ളവരെ സംരക്ഷിക്കാന് ബിസിജി വാക്സിന് ഉപയോഗിക്കാന് കഴിയുമോയെന്നാണ് ഗവേഷകര് പരിശോധിക്കുന്നത്. ഇതിനിടെ മറ്റു വാക്സിനുകള് ഡിസംബര് അവസാനത്തോടെയോ ജനുവരി ആദ്യത്തോടെയോ ലഭ്യമാക്കാനുള്ള ശ്രമത്തിലാണ് വാക്സിന് കമ്പനികള്.
https://www.facebook.com/Malayalivartha