വ്യക്തിപരമായ പല കാര്യങ്ങളും ഞങ്ങള് പറഞ്ഞിട്ടുണ്ടാകും... ഇത് മുഴുവന് എനിക്ക് കോടതിയില് പറയാന് പറ്റുമോ? കൊച്ചിയില് നടിയെ തട്ടിക്കൊണ്ട് പോയി പീഡിപ്പിച്ച കേസില് താന് മൊഴി മാറ്റിയതല്ല, പൊലീസ് പറഞ്ഞ കാര്യങ്ങള് കോടതിയില് തിരുത്തി! ഞാന് അറിയുന്ന ദിലീപ് അത് ചെയ്യില്ല, തുറന്ന് പറഞ്ഞ് ഇടവേള ബാബു...
കൊച്ചിയില് നടിയെ തട്ടിക്കൊണ്ട് പോയി പീഡിപ്പിച്ച കേസില് താന് മൊഴി മാറ്റിയതല്ല, പൊലീസ് പറഞ്ഞ കാര്യങ്ങള് കോടതിയില് തിരുത്തിയതാണെന്ന് അമ്മ ജനറല് സെക്രട്ടറിയും നടനുമായ ഇടവേള ബാബു.
ഇടവേള ബാബുവിന്റെ വാക്കുകള് ഇങ്ങനെയായിരുന്നു...
ആരാണ് മൊഴി മാറ്റിയെന്ന് പറയുന്നത്. എനിക്ക് മനസിലായിട്ടില്ല. കാരണം ഞാന് കൊടുത്ത മൊഴി എനിക്കല്ലേ അറിയൂ. കോടതി രണ്ടാമത് നമ്മളെ വിളിക്കുന്നത് പൊലീസ് എഴുതിവെച്ചത് പൂര്ണമായും ശരിയല്ല എന്നത് കൊണ്ടല്ലേ?
പ്രത്യേകിച്ച് ഞാന് കൊടുത്ത മൊഴിയില് ഞാന് ഒപ്പിട്ട് കൊടുത്തിട്ടില്ല. ഞാന് ചോദിച്ചതാണ്, ഒപ്പിടണോ എന്ന്?. ഒപ്പിടേണ്ട എന്ന് അവര് പറഞ്ഞു. ഞാന് പറഞ്ഞത്, കുറെയൊക്കെ ഉണ്ട്, കുറെയൊക്കെ ഇല്ല. അവര്ക്ക് ആവശ്യമുളള ഭാഗങ്ങള് അവര് എടുത്തിട്ടുണ്ട്. ഇതാണ് അതിലുളളത്.
പിന്നെ കോടതി എന്നോട് ചോദിച്ചതിന് മാത്രം ഉത്തരം പറഞ്ഞാല് പോരെ, ഞാന്. കോടതി എന്നോട് രണ്ട് മൂന്ന് കാര്യങ്ങള് ചോദിച്ചു. എന്തെങ്കിലും രേഖകള് സൂക്ഷിക്കുന്നുണ്ടോ?, രേഖാപരമായി കംപ്ലെയിന്റ് ചെയ്തിട്ടുണ്ടോ?, ഇല്ല. ചോദിക്കാത്ത ചോദ്യത്തിന് അങ്ങോട്ട് ഞാന് കേറി ഉത്തരം പറയണോ?
പിന്നെ വ്യക്തിപരമായ പല കാര്യങ്ങളും ഞങ്ങള് പറഞ്ഞിട്ടുണ്ടാകും. ഇത് മുഴുവന് എനിക്ക് കോടതിയില് പറയാന് പറ്റുമോ? നടിക്ക് അവസരങ്ങള് നിഷേധിക്കാന് ദിലീപ് കാരണമായോ എന്ന ചോദ്യത്തിന് രേഖാമൂലമായ പരാതി എനിക്ക് ലഭിച്ചിട്ടില്ല. അതാണ് കോടതിയിലും ഇപ്പോഴും തന്റെ സ്റ്റാന്ഡ് എന്നാണ് ഇടവേള ബാബുവിന്റെ മറുപടി.
അവസരങ്ങള് നിഷേധിച്ചിട്ടുണ്ട് എന്നത് വാക്കാല് പറഞ്ഞോ എന്ന് ചോദിച്ചപ്പോള് അതും അതിന് അപ്പുറത്തുളളതുമായ കാര്യങ്ങള് പറഞ്ഞിട്ടുണ്ടാകും. ആ വാക്ക് അല്ലായിരിക്കാം ഉപയോഗിച്ചത്. അതെല്ലാം എനിക്ക് കോടതിയില് പറയാന് പറ്റുമോ? എന്നും ഇടവേള ബാബു ചോദിക്കുന്നു.
ഞങ്ങള് തമ്മില് സംസാരിച്ച കാര്യം നാട്ടുകാര്ക്ക് എങ്ങനെയാണ് അറിയാന് സാധിക്കുക. ഞാന് പറയാത്ത കാര്യങ്ങളാണ് പൊലീസ് എഴുതി വെച്ചത്. ഞാന് പറയാത്ത ഒരുപാട് കാര്യങ്ങളാണ് എഴുതി വെച്ചത്. ഞാന് പറഞ്ഞ പല കാര്യങ്ങളും എഴുതിയിട്ടില്ല, ഇതാണ് ഞാന് കോടതിയില് വാദിച്ചത്. പൊലീസിന് ഞാന് കൊടുത്ത സ്റ്റേറ്റ്മെന്റാണ് എഴുതിവെച്ചതെന്ന് എങ്ങനെ പറയാന് കഴിയും?. പൊലീസ് മൊഴി വായിച്ച് കേള്പ്പിച്ചില്ല. എന്റെ മുന്നില് എഴുതിയിട്ട് പോലുമില്ല. ഞാന് അറിയുന്ന ദിലീപ് അത് ചെയ്യില്ല, എനിക്ക് അത്രയേ പറയാന് കഴിയൂ.
നടിയെ എല്ലാ കാര്യങ്ങളിലും താരസംഘടന പിന്തുണച്ചിരുന്നു എന്നും ഇടവേള ബാബു സമര്ത്ഥിക്കുന്നു. അമ്മ 100 ശതമാനം നടിയുടെ കൂടെ നിന്നു. ഒരു ഘട്ടത്തില് നമ്മളെ അകറ്റിയതാണ്. ഒരു പോയിന്റില് നമ്മളെ അകറ്റി. തെറ്റിദ്ധാരണാപരമായ ചിലരുടെ അജണ്ടകള് ഉണ്ടായിരിക്കും അതിന് പിന്നിലെന്നും അദ്ദേഹം പറയുന്നു.
നടിയെ ആക്രമിച്ച കേസില് ആദ്യമായി കൂറുമാറിയതായി ഇടവേള ബാബു ആയിരുന്നു. നടിയുടെ പരാതിയില് വാസ്തവമുണ്ടെന്ന് തോന്നിയിരുന്നതായും ദീലീപ് തന്റെ സിനിമാ അവസരങ്ങള് തട്ടിക്കളയുന്നതായി ആക്രമിക്കപ്പെട്ട നടി തന്നോട് പറഞ്ഞെന്നുമായിരുന്നു ഇടവേള ബാബു നേരത്തെ പൊലീസിന് മൊഴി നല്കിയത്.
ദിലീപുമായി താന് സംസാരിച്ചു, എന്തിനാണ് ആവശ്യമില്ലാത്ത കാര്യങ്ങളില് ഇടപെടുന്നതെന്ന് ചോദിച്ചിരുന്നു. ഒരു സ്റ്റേജ് പരിപാടിക്കിടയില് ഇരുവരും തമ്മില് തര്ക്കമുണ്ടായെന്നും അതിന് ശേഷമാണ് കാവ്യയും അക്രമത്തിന് ഇരയായ നടിയും തമ്മില് മിണ്ടാതായതെന്നും ഇടവേള ബാബു മൊഴി കൊടുത്തിരുന്നു.
എന്നാല് നടി പരാതി നല്കിയതായി ഓര്മ്മയില്ലെന്നാണ് 'അമ്മ' ജനറല് സെക്രട്ടറി കൂടിയായ ബാബു കോടതിയില് വിചാരണ വേളയില് വ്യക്തമാക്കിയത്. ഇതോടെയാണ് ഇടവേള ബാബു കൂറുമാറിയതായി പ്രോസിക്യൂഷന് പ്രഖ്യാപിച്ചത്.
https://www.facebook.com/Malayalivartha