ചാനലുകള്‍ നിര്‍ത്തിപൊരിച്ചു; ഇനി സി.പി.എം നേതാക്കള്‍ ചാനല്‍ ചര്‍ച്ചയിലേക്കില്ല; ന്യായികരണം പരിഹാസമായി; ഇരകളെ നഷ്ടമായ ചാനല്‍ അവതരകര്‍; സി.പി.എം നേതാക്കളെ ട്രോളി സമൂഹ്യമാധ്യമങ്ങള്‍; സി.പി.എമ്മിന്റെ ഗതികേട്
ചാനല്‍ അവതാരകരുടെ സ്ഥിരം വേട്ട ഇരകളെ ഇനി അവര്‍ക്ക് കിട്ടില്ല. സി.പി.എമ്മിനെ ന്യായീകരിക്കാന്‍ ചാനല്‍ ചര്‍ച്ചയില്‍ വന്നിരിക്കുന്നവര്‍ സ്വയം പരിഹാസരാകുന്നുവെന്ന ബോധ്യം അവര്‍ക്കില്ലെങ്കിലും അവരുടെ ന്യായീകരണം അന്യായമണെന്ന പാര്‍ട്ടിക്ക് മനസിലായി. ഇതിലും നല്ലത് ചാനുകളെ ബഹിഷ്‌കരിച്ചുവെന്ന പേരുദോഷമാണെന്നും അവര്‍ വിലയിരുത്തി. ഇതിനെ തുടര്‍ന്ന് സ്വര്‍ണക്കടത്ത്, ലൈഫ് മിഷന്‍, ബിനീഷ് കോടിയേരി കേസ് എന്നീ വിവാദവിഷയങ്ങളില്‍ ഇനി ഒരു ചാനലിലും ചര്‍ച്ചകളില്‍ പങ്കെടുക്കേണ്ടെന്ന് സിപിഎം തീരുമാനം. നേരത്തേ, ഏഷ്യാനെറ്റ് ന്യൂസിനെ മാത്രമാണ് സിപിഎം ബഹിഷ്‌കരിച്ചതെങ്കില്‍ ഇപ്പോള്‍ ഒരു ചാനലിലും ഇത്തരം വിഷയങ്ങളില്‍ ചര്‍ച്ചയ്ക്കു പോകേണ്ടെന്നും വെള്ളിയാഴ്ച ചേര്‍ന്ന് സിപിഎം സെക്രട്ടേറിയറ്റ് യോഗം തീരുമാനിച്ചു.
വിവാദവിഷയങ്ങളില്‍ ചാനലുകളില്‍ സ്ഥിരമായി ന്യായീകരണവുമായി എത്തിയിരുന്നത് സിപിഎം നേതാക്കളായ എ.എ. റഹീം, എം.സ്വരാജ്, എം.ബി. രാജേഷ്, എന്‍.എം. കൃഷ്ണദാസ് എന്നിവരായിരുന്നു. പല ചര്‍ച്ചകളിലും അവതാരകരായ മാധ്യമപ്രവര്‍ത്തകരുടെ ചോദ്യങ്ങള്‍ക്ക് ഉത്തരം നല്‍കാനാകാതെ നേതാക്കള്‍ കുഴങ്ങിയിരുന്നു. ഇതു പൊതുജനമധ്യത്തില്‍ പാര്‍ട്ടിക്ക് വലിയ തിരിച്ചടിയായി. സോഷ്യല്‍മീഡിയയില്‍ ഇത്തരം നേതാക്കളുടെ പല പ്രകടനങ്ങളും ട്രോള്‍ രൂപത്തില്‍ വൈറലുമാണ്. ഇതോടെയാണ് പുതിയ തീരുമാനം.
മാധ്യമങ്ങള്‍ കമ്യൂണിസ്റ്റ് വിരുദ്ധത മാത്രം മുന്‍നിര്‍ത്തി പ്രവര്‍ത്തിക്കുന്നുവെന്നു വെള്ളിയാഴ്ച സംസ്ഥാന സെക്രട്ടേറിയറ്റ് യോഗത്തിലെ പുതിയ ന്യായീകരണം. ചാനല്‍ ചര്‍ച്ചകള്‍ക്കായി പാര്‍ട്ടി പ്രതിനിധികളെ പാര്‍ട്ടി സെന്ററില്‍നിന്നു നിശ്ചയിച്ചു നിയോഗിക്കുന്ന രീതിയാണു സിപിഎം പിന്തുടരുന്നത്. ഒരേ വിഷയം തന്നെ ആവര്‍ത്തിച്ചു ചര്‍ച്ച ചെയ്യുമ്പോള്‍ അതില്‍ പങ്കെടുക്കേണ്ടെന്നാണു തീരുമാനമെന്നു നേതാക്കള്‍ വ്യക്തമാക്കി. അതേസമയം ചാനലുകളിലെ മറ്റു ചര്‍ച്ചകളില്‍ പങ്കെടുക്കും. കേസുകളില്‍ പ്രധാന വഴിത്തിരിവുകളുണ്ടായാലോ എന്നാരാഞ്ഞപ്പോള്‍ അത് ആ ഘട്ടത്തില്‍ ആലോചിക്കാമെന്നാണ് സിപിഎം തീരുമാനം.
മുമ്പ് ഏഷ്യനെറ്റിന്റെ ചാനല്‍ ചര്‍ച്ചകള്‍ ഒരു അവസാനിപ്പിച്ച ശേഷം സഖാക്കള്‍ ഏഷ്യനെറ്റിന്റെ റേറ്റിംഗ് കുറയുമെന്നല്ലാം വിമ്പിളക്കിയിരുന്നു. ഇത് ഏല്‍ക്കുന്നില്ലെന്ന് മനസിലാക്കി മുതിര്‍ സി.പി.എം മാധ്യമപ്രവര്‍ത്തകന്‍ വഴി ഏഷ്യനെറ്റുമായി ഒരു അനുരജ്ഞനത്തിനും സി.പി.എം ശ്രമിച്ചിരുന്നു. എന്നാല്‍ വിട്ടു വിഴ്ച്ചക്കില്ലെന്ന നിലപാട് ഏഷ്യനെറ്റ് സ്വീകരിച്ചതോടെ ബഹിഷ്‌കരണം തുടര്‍ന്ന്. ഇതിനിടെ മറ്റു ചാനലുകളില്‍ ചര്‍ച്ചക്കെത്തിയ നേതാക്കളെ നിര്‍ത്തിപൊരിച്ച് അവതാരകര്‍ രസിച്ചു. ന്യായീകരണത്തിന് വാക്കുകള്‍ കിട്ടാതെ വരുമ്പോള്‍ അവതരാകരുടെ മുകളില്‍ കുതിരകയറി ന്യായീകരണ തൊഴിലാളികള്‍ ആളാകാന്‍ നോക്കി. എന്നാല്‍ ഇതെല്ലാം സോഷ്യല്‍ മിഡീയ എടുത്തു ട്രോളിയപ്പോള്‍ നേതാക്കളുടെ ഇമേജും പാര്‍ട്ടിയുടെ നിലവാരവും ജനങ്ങള്‍ അറിഞ്ഞു തുങ്ങി. ഇതോടെയാണ് ഇത്തരത്തിലൊരു തീരുമാനത്തിലേക്ക് സി.പി.എമ്മിനെ കൊണ്ട് എത്തിച്ചത്.
ആകെ പ്രതിക്ഷയായിരുന്ന 24 ന്യൂസ് ചാനലും ന്യൂസ് 18യും എല്ലാം അപ്പോള്‍ അപ്പോള്‍ നിലപാട് മാറ്റിയതോടെ സി.പി.എമ്മിനെ പിന്തുണക്കാന്‍ കൈരളി മാത്രമാണ്. കൈരളിയില്‍ തന്നെ ലൈഫ് മിഷനില്‍ ജോണ്‍ബ്രിട്ടാസ് നടത്തിയ വെളിപ്പെടുത്തലാണ് ഏറ്റവും വലിയ തലവേദ സര്‍ക്കാരിന് സൃഷ്ടിച്ചതും. ആകെ മൊത്തം നാറിയ സ്ഥിതിക്ക് ഇനി മാധ്യമങ്ങളെ ബഹിഷ്‌കരിച്ചുവെന്ന ദുഷ്‌പേര് സി.പി.എമ്മിനെ ബാധിക്കുകയുമില്ല.
https://www.facebook.com/Malayalivartha
