സ്വന്തുകള് തട്ടിയെടുത്തു, മകളെ ആത്മഹത്യയിലേക്ക് തള്ളി വിട്ടു; മുഖ്യമന്ത്രിക്ക് ഉള്പ്പെടെ പരാതിയുമായി വിധവ; നടപടിയെടുക്കാതെ അധികൃതര്; കൊച്ചു മകനൊപ്പം എന്തു ചെയ്യണമെന്നറിയാതെ ഇടുക്കി സ്വദേശിനി
മകളെ വിവാഹം കഴിച്ചെന്ന വ്യാജേന യുവാവ് വീട്ടമ്മയുടെ സ്വന്തുകള് തട്ടിയെടുത്തു. തുടര്ന്ന് മകളെ ആത്മഹത്യലേക്ക് തള്ളി വിട്ടു. ഇതിനു കാരണക്കാരനായ യുവാവിനെതിരെ പോലീസ് മുതല് മുഖ്യമന്ത്രിക്ക് വരെ പരാതി നല്കിട്ടും അധികൃതര് നടപടിയെടുക്കുന്നില്ലെന്ന് ആരോപണം. ഇടുക്കി വാഗണ് കോട്ടമല സ്വദേശിനിയായ സുധ ശിവദാസന്റെതാണ് പരാതി.
തന്റെ വാഗമണ്ണിലെ സ്ഥലം വിറ്റാണ് സുധ മകള്ക്കൊപ്പം താമസിക്കാന് എറണാകുളത്തേക്ക് എത്തുന്നത്. സ്ഥലം വിറ്റുകിട്ടിയ പണം മകളുടെ വിവാഹത്തിന് ഉപയോഗിക്കനാണ് സുധയുടെ തീരുമാനം. നേരത്തെ വിവാഹ മോചനം നേടിയ മകള് ആര്യമോള് ഒരു കുഞ്ഞിന്റെ അമ്മയാണ്. ആര്യ ജോലി ചെയ്തിരുന്ന സ്ഥാപനത്തില് വച്ച് പരിചയപ്പെട്ട പ്രിന്സ് ഡിക്രൂസ് എന്ന വ്യക്തിയെ കല്ല്യാണം കഴിച്ചതായി സുധയെ അറിയിച്ചു. ഇവര് രണ്ടു പേരും ചേര്ന്ന് കൊച്ചിയില് ഒരു കണ്സ്ട്രഷന് കമ്പനി ആരംഭിച്ചു. സുധയുടെ വസ്തുവിറ്റ 12 ലക്ഷം രൂപ ഉപയോഗിച്ചാണ് അവര് കമ്പനി തുടങ്ങിയത്. എന്നാല് പിന്നീടാണ് പ്രിന്സ് തന്റെ മകളെ വിവാഹം കഴിച്ചിട്ടില്ലെന്നും അവര് കണിച്ച രേഖകള് വ്യാജമാണെന്നും സുധക്ക് ബോധ്യപ്പെട്ടത്. ഇതിനിടെ പ്രിന്സിനും സുധയുടെ മകള്ക്കും ഇടയില് എന്തോ പ്രശ്നങ്ങള് ഉണ്ടാതായും സുധ പറഞ്ഞു. ഒരു തവണ പ്രിന്സിനൊപ്പം പോയ മകള് രണ്ടു ദിവസം കഴിഞ്ഞ വീട്ടിലെത്തി മുറിയില് കയറി ആത്മഹത്യ ചെയ്യുകയായിരുന്നുവെന്നുമാണ് സുധ പറയുന്നത്.
മകളുടെ മരണത്തിന് കാരണം പ്രിന്സ് ഡികൂസാണെന്നാണ് സുധ പറയുന്നത്. എന്നാല് ഇതു സംബന്ധിച്ച് അന്വേഷണം നടത്താന് പോലീസ് തയ്യാറാകുന്നില്ല. കണ്സ്ട്രഷന് കമ്പനി തുടങ്ങുന്നതിന് വേണ്ടി ഉപയോഗിച്ച തന്റെ പണം തിരിച്ചു നല്കാനും പ്രിന്സ് തയ്യാറാകുന്നില്ല. ഇതോടെ വീടോ പണമോമില്ലാതെ വഴിയാധാരമായിരിക്കുകയാണ് ഈ വീട്ടമ്മയും കൊച്ചുമകനും. ഈക്കാര്യം ചൂണ്ടികാട്ടി ലോക്കല് പോലീസ്, സിറ്റി പോലീസ് കമ്മീഷ്ണര്, ഡി.ജി.പി, മുഖ്യമന്ത്രി എന്നിവര്ക്ക് പരാതി നല്കിയെങ്കിലും ഉദ്യോഗസ്ഥരുടെ ഭാഗത്തു നിന്നും ന്യായം ലഭിക്കുന്നില്ലെന്നും തന്റെ മകളുടെ ആത്മഹത്യക്ക് കാരണക്കാനായ പ്രതിയെ സംരക്ഷിക്കുന്ന നിലപാണ് പോലീസ് സ്വീകരിക്കുന്നതെന്നും തന്റെ പണം തിരിച്ചു ലഭിക്കുന്നതിന് വേണ്ട നടപടി സ്വീകരിക്കുന്നില്ലെന്നുമാണ് സുധ പറയുന്നത്.
ഏപ്രിലാണ് ആര്യ ആത്മഹത്യ ചെയ്യുന്നത്. മാസങ്ങള് പിന്നിട്ടിട്ടും പോലീന്റെ ഭാഗത്തു നിന്നും ഒരു നടപടിയുമുണ്ടായില്ല. ഇതോടെ പ്രിന്സ് കമ്പനിയുടെ വസ്തുവക സഹിതം വിറ്റു രക്ഷപ്പെട്ടതായും സുധ പറയുന്നു. കമ്പനിയിലെ 70 ശതമാനം ഓണ്ഷിപ്പും പ്രിന്സിന്റെ പേരിലാണ് വാങ്ങിയത്. മകളെ പൂര്ണമായി ചതിക്കുകയാണ് പ്രിന്സ് ചെയ്ത എന്നും അവര് ആരോപിച്ചു.
https://www.facebook.com/Malayalivartha