21 വയസുള്ള അമൃതയും ആര്യയും പിരിയാവാനാവാത്ത വിധം തീവ്രസൗഹൃദത്തിലായിരുന്നു... മിക്ക സമയത്തും ഒരുമിച്ചായിരുന്നു... ഇരുവരും പരസ്പരം വീടുകളില് പോയി താമസിയ്ക്കുകയും ചെയ്തിരുന്നു... വൈക്കത്ത് പെണ്കുട്ടികള് ആത്മഹത്യ ചെയ്യാനുണ്ടായ കാരണം പുറത്ത്... നടുക്കം വിട്ടുമാറാതെ നാട്ടുകാരും ബന്ധുക്കളും...
തീവ്ര സൗഹൃദത്തേത്തുടര്ന്നുണ്ടായ വേര്പിരിയല് ആശങ്കകളാണ് കൊല്ലം സ്വദേശികളായ പെണ്കുട്ടികളെ ആത്മഹത്യയിലേക്ക് നയിച്ചതെന്ന് പൊലീസ്. കൊല്ലം സ്വദേശികളായ അമൃതയും ആര്യയും പതിനാലാം തീയതി രാത്രി ഏഴരയോടെയാണ് വൈക്കം മുറിഞ്ഞപുഴ പാലത്തില് നിന്ന് മൂവാറ്റുപുഴ ആറ്റില്ചാടിയത്. ഇന്നു രാവിലെയോടെയാണ് ഇരുവരുടെയും മൃതദദേഹം കണ്ടെത്തിയത്. അഞ്ചല് സ്വദേശികളായ 21 വയസുള്ള അമൃതയും ആര്യയും കൊല്ലത്തെ സ്വകാര്യ വിദ്യാഭ്യാസ സ്ഥാപനത്തില് അവസാന വര്ഷ ബിരുദ വിദ്യാര്ത്ഥിനികളായിരുന്നു. പഠനകാലത്തെ മുഴുവന് സമയത്തും ഇവര് ഒന്നിച്ചാണ് സമയം ചിലവഴിച്ചിരുന്നത്.
ശനിയാഴ്ച രാവിലെ ഡിഗ്രി സര്ട്ടിഫിക്കറ്റ് വാങ്ങാനെന്ന പേരിലാണ് ഇരുവരും വീടുകളില് നിന്ന് പുറപ്പെട്ടത്. എന്നാല് വൈകുന്നേരമായിട്ടും മടങ്ങിയെത്താതെ വന്നതോടെ മാതാപിതാക്കള് ചടയമംഗലം പൊലീസില് പരാതി നല്കുകയായിരുന്നു. വൈക്കത്തു നിന്നും ലഭിച്ച ചെരുപ്പും തൂവാലയും ബന്ധുക്കള് തിരിച്ചറിഞ്ഞതോടെ ആറ്റില് ചാടിയത് അമൃതയും ആര്യയുമാണെന്ന് തിരിച്ചറിയുകയായിരുന്നു. തിരച്ചില് തുടരുന്നതിനിടെ പൂച്ചാക്കലില് ഇന്നു രാവിലെ തീരത്തോട് ചേര്ന്ന് ആദ്യം അമൃതയുടെ മൃതദേഹവും പെരുമ്ബളം സൗത്തില് നിന്ന് ആര്യയുടെ മൃതദേഹവും കണ്ടെത്തി. പിരിയാവാനാവാത്ത വിധം തീവ്രസൗഹൃദത്തിലായിരുന്നു ഇരുവരുമെന്നാണ് പൊലീസിന് ലഭിച്ച വിവരം. മിക്ക സമയത്തും ഒരുമിച്ചായിരുന്നു ഇരുവരും. ഇരുവരും പരസ്പരം വീടുകളില് പോയി താമസിയ്ക്കുകയും ചെയ്തിരുന്നു.
വിദേശത്തു ജോലി ചെയ്തിരുന്ന അമൃതയുടെ പിതാവ് അടുത്തിടെ വിദേശത്തുനിന്നും വന്നിരുന്നു. പിതാവ് ക്വാറന്റൈനില് കഴിഞ്ഞിരുന്ന 14 ദിവസം അമൃത ആര്യയുടെ വീട്ടിലായിരുന്നു താമസിച്ചിരുന്നത്. ക്വാറന്റീന് കാലാവധി കഴിഞ്ഞതോടെ അമൃതയുടെ മാതാപിതാക്കള് വിവാഹ ആലോചനകളുമായി മുന്നോട്ടുപോവുകയും വിവാഹം നിശ്ചയ്ക്കുകയുമായിരുന്നു. ഇതേത്തുടര്ന്ന് കടുത്ത മാനസിക സമ്മര്ദ്ദത്തിലായിരുന്നു ഇരുവരുമെന്ന് വിവരം ലഭിച്ചിരുന്നതായി പൊലീസ് പറയുന്നു. ഇതിനുശേഷമാണ് വൈക്കത്തേക്ക് പോന്നത്. ഇരുവരെയും കാണാതായശേഷം നടത്തിയ അന്വേഷണത്തില് ആര്യയുടെ ഫോണ് തിരുവല്ലയിലെ ലൊക്കേഷനില് ഉള്ളതായി പൊലീസ് കണ്ടെത്തിയിരുന്നു. എന്നാല് പിന്നീട് ഫോണ് സ്വിച്ച് ഓഫായി. പിന്നീട് ഇരുവരും പാലത്തില് നിന്നും ചാടിയ വിവരമാണ് പുറത്തുവന്നത്.
https://www.facebook.com/Malayalivartha