കെ. സുധാകരന് എം.പി കെ.പി.സി.സി പ്രസിഡന്റായേക്കും; നിയമസഭയിലേക്ക് മത്സരിക്കാന് മുല്ലപ്പള്ളിക്ക് ഹൈകമാന്ഡിന്റെ നിര്ദ്ദേശം; കെ.സുധാകരന് അധ്യക്ഷനാകുന്നത് പാര്ട്ടിക്ക് ഗുണം ചെയ്യുമെന്ന വിലയിരുത്തലില് ഹൈകമാന്ഡ്; മുല്ലപ്പള്ളിക്ക് സുരക്ഷിത മണ്ഡലം ലഭിക്കും
ഡല്ഹിയില് നടന്ന ചര്ച്ച കേരളത്തിലെ നിലവിലെ സമവാക്യങ്ങള് ആകെ മാറ്റുന്നതാണ്. വരുന്ന നിയമസഭാ തെരഞ്ഞെടുപ്പില് കെപിസിസി പ്രസിഡന്റ് മുല്ലപ്പളളി രാമചന്ദ്രന് മത്സരിക്കണമെന്ന ആവശ്യം ഹൈകമാന്ഡ് മുന്നോട്ട് വച്ചിട്ടുണ്ട്. ഈ സാഹചര്യത്തില് പുതിയ കെ.പി.സി.സി അധ്യക്ഷന് വരാനാണ് സാധ്യത. കെ.സുധാകരന് എം.പിയെ താല്ക്കാലിക പ്രസിഡന്റ് സ്ഥാനത്തേക്ക് കൊണ്ടുവരാന് ഹൈക്കമാന്റ് ആലോചന. സ്ഥാനാര്ത്ഥി നിര്ണയത്തിന് പിന്നാലെയാകും സുധാകരനെ അദ്ധ്യക്ഷനായി പ്രഖ്യാപിക്കുക.
മുതിര്ന്ന കോണ്ഗ്രസ് നേതാവ് എ.കെ ആന്റണിയുടെ പൂര്ണ പിന്തുണ ഇക്കാര്യത്തില് സുധാകരന് ഉണ്ടെന്നാണ് വിവരം. സുധാകരന്റെ നേതൃത്വം കേരളത്തിലെ കോണ്ഗ്രസിന് പുത്തന് ഉണര്വേകുമെന്നും ഇത് തിരഞ്ഞെടുപ്പില് ഗുണം ചെയ്യുമെന്നുമാണ് കോണ്ഗ്രസ് നേതൃത്വത്തിന്റെ പ്രതീക്ഷ. അദ്ധ്യക്ഷ സ്ഥാനത്തെത്താന് താന് തയ്യാറാണെന്ന് ഇതിനകം സുധാകരന് വ്യക്തമാക്കിയതാണ്. തദ്ദേശ തിരഞ്ഞെടുപ്പോടെ വ്യക്തമായ സംഘടനാപരമായി പാര്ട്ടി നിലവില് നേരിടുന്ന തിരിച്ചടികള് ഇതിലൂടെ മറികടക്കാനാകുമെന്നാണ് ഹൈക്കമാന്റ് കണക്കുകൂട്ടുന്നത്.
മുല്ലപ്പള്ളി കല്പ്പറ്റയില് നിന്ന് മത്സരിക്കാനാണ് സാധ്യതയെന്നാണ് സൂചനകാളാണ് പുറത്ത് വരുന്നത്. മത്സരിക്കുന്ന കാര്യം സംബന്ധിച്ച് മുല്ലപ്പള്ളി ഹൈക്കമാന്ഡുമായി ചര്ച്ച നടത്തി. കോഴിക്കോട്, വയനാട് ജില്ലകളിലെ ഏതെങ്കിലും സീറ്റിലായിരിക്കും മുല്ലപ്പള്ളി മത്സരിക്കുക. കൊയിലാണ്ടി, കല്പറ്റ സീറ്റുകള് പരിഗണിക്കുന്നതില് യുഡിഎഫ് സുരക്ഷിത സീറ്റായി കരുതുന്ന കല്പറ്റയ്ക്കാണ് സാധ്യത കൂടുതല്. ജയസാധ്യതയുള്ള മുതിര്ന്ന നേതാക്കള് മത്സരിക്കണമെന്ന അഭിപ്രായമാണ് ഹൈക്കമാന്ഡിനുള്ളത്. അതുകൊണ്ടുതന്നെ മുല്ലപ്പള്ളി മത്സരിക്കുന്നതില് ഹൈക്കമാന്ഡിന് എതിര്പ്പില്ലെന്നാണ് വിവരം. കേരളത്തിലെ രാഷ്ട്രീയ സ്ഥിതിഗതികള് വിലയിരുത്തിയ ശേഷമായിരിക്കും ഇക്കാര്യത്തില് ഹൈക്കമാന്ഡ് അന്തിമ തീരുമാനം എടുക്കുക.
എഐസിസി ജനറല് സെക്രട്ടറി താരിഖ് അന്വറും കേരളത്തിലെ നേതാക്കളും മുല്ലപ്പള്ളി മത്സരിക്കുന്നതിനെ അനുകൂലിക്കുന്ന നിലപാടാണ് സ്വീകരിച്ചിരിക്കുന്നത്. രാഹുല് ഗാന്ധിയും സോണിയാ ഗാന്ധിയും മുല്ലപ്പള്ളിയുടെ സ്ഥാനാര്ഥിത്വത്തിനോട് വിയോജിപ്പില്ല എന്ന് വ്യക്തമാക്കിയട്ടുണ്ട്. കോണ്ഗ്രസിലെ സ്ഥാനാര്ഥി നിര്ണയം സംബന്ധിച്ച് ഡല്ഹിയിലെ ചര്ച്ചകള് ഇന്നലെ പൂര്ത്തിയായിരുന്നു.
കേരളത്തിലെ നിയമസഭാ തിരഞ്ഞെടുപ്പില് കോണ്ഗ്രസിന്റെ പ്രവര്ത്തനങ്ങള്ക്ക് മുന് മുഖ്യമന്ത്രി ഉമ്മന് ചാണ്ടി നേതൃത്വം നല്കും. മുഖ്യമന്ത്രിയെ ഫലപ്രഖ്യാപനത്തിനു ശേഷം എം.എല്.എ.മാരുമായി കൂടിയാലോചിച്ച് നിശ്ചയിക്കും. ഭൂരിഭാഗം സ്ഥാനാര്ഥികളും പുതുമുഖങ്ങളാവും. യുവാക്കള്ക്കും സ്ത്രീകള്ക്കും അവശ, ദുര്ബല വിഭാഗങ്ങള്ക്കും കൂടുതല് പ്രാധാന്യം നല്കുന്നതുകൂടിയാവും സ്ഥാനാര്ഥിപ്പട്ടിക. ജയസാധ്യതയ്ക്കും ജനബന്ധത്തിനും സാമുദായിക പ്രാതിനിധ്യത്തിനുമാകണം മുഖ്യപരിഗണനയെന്നും നേതാക്കള് ഒറ്റക്കെട്ടായി പ്രവര്ത്തിക്കണമെന്നും ഹൈക്കമാന്ഡ് നിര്ദേശിച്ചു.
കേരളത്തിലെ ജനങ്ങള് യു.ഡി.എഫിനെക്കുറിച്ച് എന്തു പ്രതീക്ഷവെക്കുന്നോ അതിനനുസരിച്ച് കോണ്ഗ്രസ് പ്രവര്ത്തിക്കുമെന്ന് ഉമ്മന് ചാണ്ടി പറഞ്ഞു. യു.ഡി.എഫ്. അധികാരത്തില് തിരിച്ചുവരുന്നതിനുവേണ്ടിയുള്ള ഒറ്റക്കെട്ടായ പ്രവര്ത്തനമാവും നേതൃത്വത്തിന്റെ ഭാഗത്തുനിന്നുണ്ടാവുകയെന്ന് രമേശ് ചെന്നിത്തല പറഞ്ഞു. പരമ്പരാഗത ശൈലിയില്നിന്ന് വേറിട്ടുള്ള തിരഞ്ഞെടുപ്പ് പ്രവര്ത്തനവും സ്ഥാനാര്ഥിപ്പട്ടികയും പ്രകടനപത്രികയും ആവും ഇത്തവണയെന്നും അദ്ദേഹം കൂട്ടിച്ചേര്ത്തു.
https://www.facebook.com/Malayalivartha