ബിഗ്‌ബോസിൽ എത്തുന്നതിനു മുന്നെ സോഷ്യൽമീഡിയ ഏറ്റെടുത്ത താരമായിരുന്നു സൂര്യ എസ്. മേനോൻ. ഐശ്വര്യ റായുടെ ഡ്യൂപ്പ് എന്നാണ് സൂര്യയെ പ്രേക്ഷകരുടെ ഇടയിൽ അറിയപ്പെടുന്നത്. കേരളത്തിലെ ആദ്യത്തെ ഡിജെയാണ് സൂര്യ. മലയാളി പ്രേക്ഷകർ ഏറെ പ്രതീക്ഷയോടെ നോക്കിയിരുന്ന മത്സരാർഥിയായിരുന്നു. എന്നാൽ പ്രതീക്ഷയ്ക്ക് വിപരീതമായ പ്രകടനമാണ് രണ്ട് ദിവസത്തെ പ്രകടനത്തിലൂടെ പ്രേക്ഷകർക്ക് ലഭിക്കുന്നത്. ചെറിയ കാര്യങ്ങൾക്കും വളരെ വേഗം ഇമോഷണൽ ആകുന്ന മത്സരാർത്ഥി ആയിട്ടാണ് സൂര്യ ഹൗസിൽ നിൽക്കുന്നത്.

ആദ്യ ദിവസം തന്നെ ചെറിയ കാര്യങ്ങളിൽ നിറകണ്ണുകളോടെ സൂര്യ നിൽക്കുന്നത് പ്രേക്ഷകർ കണ്ടതാണ്. തന്റെ ഈസ്വഭാവത്തെ കുറിച്ച് ഫിറോസിനോട് സൂര്യ പറഞ്ഞിരുന്നു. കൂടാതെ ലക്ഷ്മിയിൽ നിന്നും നോബിയിൽ നിന്നുമുള്ള പെരുമാറ്റത്തെ കുറിച്ചും പേര് വ്യക്തമാക്കാതെ സൂര്യ പറഞ്ഞു. തനിക്ക് മറ്റുള്ളവരെ പോലെ തമാശയും മറ്റും പറയാൻ അറിയില്ലെന്നും എല്ലാവരേയും പിന്തുണച്ച് നിൽക്കുന്ന ഒരാളാണ്. ഇവരെ കണ്ടിട്ട് ഞാനും പെരുമാറാൻ തുടങ്ങിയാൽ ഫേക്ക് ആണെന്ന് എല്ലാവർക്കും തോന്നുമെന്നും സൂര്യ പറയുന്നു.കൂടാതെ മറ്റുള്ളവരെ അപേക്ഷിച്ച് നോക്കുമ്പോൾ താൻ താഴെപോകുന്നോ എന്ന് ഭയക്കുന്നുവെന്നും മറ്റുള്ളവരുമായി ചേർന്ന് നിൽക്കുന്നതായി തോന്നുന്നില്ലെന്നും സൂര്യ ഫിറോസിനോട് വ്യക്തമാക്കുകയുണ്ടായി. എന്നാൽ, ഫിറോസ് ഷോയെകുറിച്ചും എല്ലാവരും മത്സരിക്കാനായിട്ടാണ് ഇവിടെ എത്തിയതെന്നും രണ്ട് ദിവസം കഴിയുമ്പോൾ എല്ലാവരുടേയും യഥാർഥമുഖം പുറത്തു വരുമെന്നും പറയുകയുണ്ടായി.

എന്നാൽ, പിന്നീട് അഡോണിയോട് താരം തന്റെ ജീവിത അവസ്ഥയെ കുറിച്ച് സംസാരിക്കുകയായിരുന്നു. തന്റെ ജീവിതത്തിൽ ഓർമ നഷ്ട്ടപ്പെട്ട ഒരു കാലമുണ്ടായിരുന്നെന്നും അതിനെ കുറിച്ച് പുറത്തുള്ളവർക്ക് അറിയില്ലെന്നും. റേഡിയോ ജോക്കി ആയിരുന്ന തന്നെ കുറിച്ചേ സമൂഹത്തിന് അറിയാവൂ എന്നും പറഞ്ഞിരുന്നു. തന്റെ അസുഖ ശേഷം സംസാരിക്കുമ്പോൾ വിക്ക് പ്രശ്നങ്ങൾ ഉള്ളത് അസ്വസ്ഥതയും ആത്മവിശ്വാസക്കുറവും ഉണ്ടാക്കിയെന്നും സൂര്യ പറഞ്ഞു. തനിക്ക് മുപ്പതിൽ കൂടുതൽ പ്രായമുണ്ട് ഇതുവരെ കല്യാണം കഴിഞ്ഞിട്ടുമില്ല. കുറെ പ്രശ്നങ്ങളുമായാണ് താരം ഷോയിൽ വന്നിരിക്കുന്നതെന്നും പറയുകയുണ്ടായി. തന്റെ ചുറ്റുപാടുകളാണ് ഒതുങ്ങിയ ജീവിതത്തിലേക്ക് ഒതുക്കിയതെന്നും, തന്റെ ജീവിതത്തിലെ പ്രശ്നങ്ങൾ ഇതൊക്കെ ആണെന്നും അഡോണിയോടായി കരഞ്ഞു കൊണ്ട് പറഞ്ഞു.

ഷോയിൽ ആക്ടിവായി നിൽക്കുബോൾ താനല്ലാതായി മാറുമെന്നും അത് പ്രശ്നമാണെന്ന് തോന്നുന്നുണ്ടെന്നും അത് ഫിറോസിനോട് പറഞ്ഞിട്ടുണ്ടെന്നും സൂര്യ തുറന്ന് പറഞ്ഞു. ഈ പ്രശ്നങ്ങൾ മൂലം തനിക്ക് പിടിച്ച് നിൽക്കാൻ പറ്റുമോ എന്നുള്ള തോന്നലാണ് തന്റെ പ്രശ്നമെന്നും സൂര്യ പറയുന്നു. നൂറ് സിനിമകളിൽ അഭിനയിക്കുന്നതിന് തുല്യമാണ് ബിഗ്ബോസിൽ എത്തിയതെന്ന് അഡോണി പറഞ്ഞതിനെ സൂര്യ ആവർത്തിക്കുകയും ചെയ്യുന്നുണ്ട്.