ഗണേശ് കുമാറിന് ആരോടും ആത്മാര്ത്ഥതയില്ല! സ്വന്തം മക്കളോട്, സ്വന്തം ഭാര്യയോട് .. എന്തിനേറെ മന്ത്രിയായതിന്റെ പിറ്റേന്ന് സ്വന്തം പിതാവിനെ തളളിപറഞ്ഞയാളാണ്.... ആര് ബാലകൃഷ്ണപിളള സാര് അഴിമതിക്കാരനെന്ന് കേരളത്തിലെ ഒരു രാഷ്ട്രീയ പാര്ട്ടിയും ആരോപണം ഉന്നയിച്ചില്ലെങ്കിലും സ്വന്തം മകന് പറഞ്ഞു.. പിതാവ് അഴിമതി നടത്തുന്നതിന് തന്നെ പ്രേരിപ്പിക്കുന്നുവെന്ന്! കേരള കോണ്ഗ്രസ് ബി എം എല് എ കെ ബി ഗണേശ് കുമാറിനെതിരെ രൂക്ഷ വിമര്ശനവുമായി ബന്ധുവും കോണ്ഗ്രസ് നേതാവുമായ ശരണ്യ മനോജ്
കേരള കോണ്ഗ്രസ് ബി എം എല് എ കെ ബി ഗണേശ് കുമാറിനെതിരെ രൂക്ഷ വിമര്ശനവുമായി ബന്ധുവും കോണ്ഗ്രസ് നേതാവുമായ ശരണ്യ മനോജ്. ഗണേശ് കുമാര് ആരോടും ആത്മാര്ത്ഥതയില്ലാത്തയാളാണെന്നാണ് ശരണ്യ മനോജിന്റെ വിമര്ശനം.
ഗണേഷ്കുമാര് എം എല് എ ആയതുമുതലുളള സംഭവവികാസങ്ങള് എണ്ണിയെണ്ണി പറഞ്ഞാണ് മനോജ് രംഗത്തെത്തിയിരിക്കുന്നത്. ഉമ്മന് ചാണ്ടിയുടെ നിര്ലോഭമായ സഹായം കൊണ്ടാണ് പത്തനാപുരത്ത് വികസനം കൊണ്ടുവരാന് പറ്റിയത്. പത്തനാപുരം ടൗണില് കെട്ടിടങ്ങള് ഉണ്ടാക്കി എന്നല്ലാതെ എന്ത് വികസനപ്രവര്ത്തനമാണ് ഈ എം എല് എ നടത്തിയിട്ടുളളതെന്ന് പറയണമെന്നും ശരണ്യ മനോജ് പറയുന്നു.
ഗണേശ് കുമാര് എം എല് എയായി തുടര്ന്ന കഴിഞ്ഞ ഇരുപത് വര്ഷത്തില് യു ഡി എഫിനൊപ്പം നിന്ന 15 വര്ഷം മാത്രമാണ് വികസനപ്രവര്ത്തനങ്ങള് നടത്താന് സാധിച്ചത്. എന്നിട്ട് അദ്ദേഹം ഇടതുപക്ഷ പാളയത്തില് പോയി. ആരോടും ആത്മാര്ത്ഥതയില്ലാത്ത, സ്വന്തം മക്കളോട് ആത്മാര്ത്ഥതയില്ലാത്ത, സ്വന്തം ഭാര്യയോട് ആത്മാര്ത്ഥതയില്ലാത്ത, സ്വന്തം പിതാവിനെ മന്ത്രിയായതിന്റെ പിറ്റേന്ന് തളളിപറഞ്ഞയാളാണ് ഗണേഷ് കുമാറെന്ന് ശരണ്യ മനോജ് ആരോപിച്ചു.
വന്ദ്യവയോധികനായ ബാലകൃഷ്ണപിളളയോട് തനിക്ക് ബഹുമാനവും സ്നേഹവുമുണ്ട്, അദ്ദേഹത്തിന്റെ ശിഷ്യനാണ്. അദ്ദേഹമാണ് രാഷ്ട്രീയത്തില് കൊണ്ടുവന്നത്. തന്റെ പിതാവല്ല ആര് ബാലകൃഷ്ണപിളളയെന്ന് പരസ്യമായി പറഞ്ഞവനാണ് പത്തനാപുരത്തെ എം എല് എ. ഉമ്മന് ചാണ്ടിയെ പിതൃതുല്യം സ്നേഹിക്കുന്നു എന്ന് പറഞ്ഞിട്ട് മന്ത്രി സ്ഥാനം പോയതിന്റെ പിറ്റേന്ന് ഉമ്മന് ചാണ്ടി സാറിനെ തെറിവിളിച്ചയാളാണ് ഗണേശെന്നും ശരണ്യ മനോജ് പറഞ്ഞു.
ആര് ബാലകൃഷ്ണപിളള സാര് അഴിമതിക്കാരനെന്ന് കേരളത്തിലെ ഒരു രാഷ്ട്രീയ പാര്ട്ടിയും ആരോപണം ഉന്നയിച്ചില്ലെങ്കിലും സ്വന്തം മകന് പറഞ്ഞു. പിതാവ് അഴിമതി നടത്തുന്നതിന് തന്നെ പ്രേരിപ്പിക്കുന്നുവെന്നാണ് ഗണേശ് പറഞ്ഞത്. പിതാവ് അഴിമതിക്കാരനാണെന്ന് ആദ്യം പറഞ്ഞത് കെ ബി ഗണേശ് കുമാറാണ്. ആര് ബാലകൃഷ്ണപിളളയെ സ്നേഹിക്കുന്ന ഒരാളെങ്കിലും പത്തനാപുരത്ത് ഉണ്ടെങ്കില് വരുന്ന തിരഞ്ഞെടുപ്പില് ഒരു തിരിച്ചടി ഗണേശ് കുമാറിന് കൊടുക്കുന്നതിന് വേണ്ടി ശക്തമായ പോരാട്ടം നടത്തണമെന്നും ശരണ്യ മനോജ് പറഞ്ഞു.
https://www.facebook.com/Malayalivartha