മലയാളം ബിഗ് ബോസിന്റെ ചരിത്രത്തില് ആദ്യമായി താരദമ്പതിമാര്; സ്വാഗതം ചെയ്ത് മോഹൻലാൽ, പുലികുട്ടികളായി താര ദമ്പതികൾ
മലയാളം ബിഗ്ബോസ് മൂന്നാം പതിപ്പ് പതിനാല് മത്സരാർത്ഥികളുമായി തുടങ്ങി ഒരാഴ്ച കഴിഞ്ഞിരിക്കുകയാണ്. ഇപ്പോളിതാ മൂന്ന് പേർകൂടി ഷോയിലേക്ക് എത്തിയിരിക്കുന്നു. മറ്റ് മത്സരാര്ഥികളെ പോലെ ഇവരുടെയും ഇന്ട്രോ കാണിച്ച് കൊണ്ടാണ് പുറംലോകത്തിന് പരിചയപ്പെടുത്തി കൊടുത്തിരിക്കുന്നത് അതിനുശേഷമാണ് ഇവർ ഹൗസിനുള്ളിലേക്ക് കടക്കുന്നത്. ഒടുവില് മലയാളം ബിഗ് ബോസിന്റെ ചരിത്രത്തില് ആദ്യമായി താരദമ്പതിമാര് പങ്കെടുക്കുന്ന സീസണായി മാറിയിരിക്കുകയാണ്. ബിഗ് ബോസിലേക്ക് പുതിയ അതിഥികളായി ഫിറോസ് ഖാനും ഭാര്യ സജ്നയുമാണ് എത്തിയത്. അഭിനേതാവും അവതാരകനും ഡാൻസറും തിരക്കഥാകൃത്തും സംവിധായകനുമാണ് ഫിറോസ് ഖാൻ. ഫിറോസ് ഖാൻ്റെ ഭാര്യയും അവതാരകയുമാണ് സജിന. ഒറ്റ കണ്ടസ്റ്റൻ്റായിട്ടാണ് ഇരുവരും മത്സരിക്കുക എന്ന് മോഹൻലാൽ വ്യക്തമാക്കിക്കൊണ്ടാണ് ഇരുവരെയും അവതരിപ്പിച്ചത്. മോഡലും നടിയുമായ മിഷേലാണ് മറ്റൊരു കണ്ടസ്റ്റൻ്.
മറ്റ് ഭാഷകളിലെ ബിഗ് ബോസ് ഷോ കണ്ടിട്ടാണ് തങ്ങൾ ഇങ്ങോട്ട് എത്തുന്നതെന്നാണ് ഫിറോസും സജ്നയും പറയുന്നത്. ജീവിതത്തിലെ ഏറ്റവും വലിയ ബന്ധം മകനാണെന്നും. അവനെ പുറത്ത് നിര്ത്തിയാണ് ഷോയിലേക്ക് വരുന്നതെന്നുള്ള സങ്കടം മാത്രമാണ് ദമ്പതിമാർക്കുള്ളതെന്നും പറഞ്ഞു. മറ്റ് മത്സരാര്ഥികളുടെ ഒരാഴ്ചത്തെ പ്രകടനം കണ്ടു. എല്ലാവരും മാസ്റ്റര്പ്ലാന് ഉള്ളവരാണ്. ആ പുലിക്കുട്ടികള്ക്ക് ഇടയിലേക്കാണ് ഞങ്ങള് ചെല്ലുന്നതെന്ന് ഫിറോസ് പറയുമ്പോള് അവരെക്കാളും വലിയ പുലിക്കുട്ടി നമ്മാളായിരിക്കുമെന്ന് സജ്ന കൂട്ടിച്ചേർക്കുകയുണ്ടായി. എവിടെ പോയാലും ഞങ്ങൾക്ക് ഒരേ മനസും ഒരേ ആറ്റിറ്റിയൂഡുമാണെന്നാണ് ഫിറോസ് പറഞ്ഞത്. ഇങ്ങോട്ട് വരാനും ഷോ യില് പങ്കെടുക്കാനും സാധിച്ചതില് ഭയങ്കര സന്തോഷമുണ്ടെന്നും. ബിഗ് ബോസിന്റെ വലിയൊരു ആരാധികയാണ് താനെന്നും. ഈ വേദിയില് വന്ന് നില്ക്കുമ്പോള് വിശ്വസിക്കാന് സാധിക്കുന്നില്ലെന്നും സജ്ന വ്യക്തമാക്കി. ബിഗ് ബോസ് വീട്ടിലെത്തിയാല് നിങ്ങള് തമ്മില് വഴക്ക് ഉണ്ടാക്കുമോ എന്ന അവതാരകന്റെ ചോദ്യത്തിന് രസകരമായ മറുപടി ആയിരുന്നു ഇരുവരും നൽകിയത്. ഇപ്പോള് ഇരുവരും നല്ല സ്നേഹത്തിലാണ്. ഇനി തിരിച്ച് ഇറങ്ങുമ്പോള് രണ്ട് പേരും രണ്ട് വഴിക്ക് ആകുമോ എന്ന സംശയം ഉണ്ടെന്നായിരുന്നു മറുപടി.
ഒരാഴ്ച്ച പുറത്തുനിന്നു കണ്ടിട്ടാണ് ഹൗസിനുള്ളിലേക്ക് പോകുന്നത് അതിനാൽ പുറത്തുനടന്ന സംഭവങ്ങളൊന്നും അകത്ത് പറയരുതെന്ന വാക്ക് തരണമെന്നും മോഹന്ലാല് ആവശ്യപ്പെട്ടു. പറഞ്ഞാൽ അത് വലിയ പ്രശ്നങ്ങൾക്ക് കാരണമാകുമെന്നും അത് കണ്ടെത്തുമെന്നും പറഞ്ഞുകൊടുക്കുകയുണ്ടായി. താന് മുന്പ് കുറേ റിയാലിറ്റി ഷോ ചെയ്തിരുന്നു. അതിന് വേണ്ടി ഹോം വര്ക്ക് ചെയ്തിട്ടാണ് പോയിട്ടുള്ളതും. എന്നാൽ, ബിഗ് ബോസിന് മാത്രം അത് സാധ്യമല്ലെന്ന് ഫിറോസ് സൂചിപ്പിച്ചു. ഏതായാലും ഒരു കാര്യം ഉറപ്പായി ഷോ ആരംഭിച്ച് ഒരാഴ്ചയ്ക്ക് ശേഷം എത്തിയ ഇവരുടെ വരവ് ബിഗ് ബോസ് ഹൗസിൽ ചില പൊട്ടലിനും ചീറ്റലിനും വഴിയൊരുക്കും.
https://www.facebook.com/Malayalivartha