റെയില്‍വേ സ്‌റ്റേഷനില്‍ പോകുമ്പോള്‍ അറിയാതെ തുപ്പുകയോ ചവര്‍ ഇടുകയോ ചെയ്താല്‍ ഉടനടി പണി കിട്ടം. വെറെയൊന്നുമല്ല 500 രൂപ പിഴ അടച്ചാല്‍ മാത്രം മതി. റെയില്‍വെ സ്റ്റേഷനില്‍ മാത്രമല്ല ബസ് സ്ന്റുകളിലും റോഡുകളിലും സ്ഥിരം തുപ്പി ശീലിച്ചവരാണല്ലോ ഇന്ത്യക്കാര്‍. റെയില്‍വേ സ്‌റ്റേഷനുകള്‍ വൃത്തിയായി സൂക്ഷിക്കാന്‍ വേണ്ടിയിട്ടാണ് ഇത്തരത്തിലൊരു തീരുമാനം റെയില്‍വേ അധികൃതര്‍ എടുത്തിരിക്കുന്നത്. ചപ്പുചവറുകള്‍ വലിച്ചെറിഞ്ഞ് സ്‌റ്റേഷന്‍ മലിനമാക്കാന്‍ ശ്രമിക്കുന്നവര്‍ക്കും ഈ പുതിയ നിയമം ബാധകമാണ്.
പ്ലാറ്റ്‌ഫോമില്‍ അലക്ഷ്യമായി ചപ്പുചവറുകള്‍ ഇടുക, ഭക്ഷ്യവസ്തുക്കള്‍ നിലത്തുതൂവുക, തുപ്പുക, ശൗചാലയത്തിലല്ലാതെ മൂത്രമൊഴിക്കുക തുടങ്ങിയ കാര്യങ്ങള്‍ ശ്രദ്ധയില്‍പ്പെട്ടാല്‍ അപ്പോള്‍ത്തന്നെ റെയില്‍വേ പൊലീസിന് പിഴയിടാം. 200 രൂപ മുതല്‍ 500 രൂപവരെയാണ് പിഴ അടക്കേണ്ടി വരിക. നിയമം കര്‍ശനമാക്കിയതോടെ, നോര്‍ത്തേണ്‍ റെയില്‍വേയില്‍ ആഴ്ചയില്‍ 75,000 രൂപ മുതല്‍ 90,000 രൂപവരെ അധികൃതര്‍ പിഴയീടാക്കുന്നു.

റെയില്‍വേ പൊലീസ് ഉദ്യോഗസ്ഥര്‍ക്കും ടിക്കറ്റ് കളക്ടര്‍മാര്‍ക്കുമാണ് കുറ്റക്കാരെ കണ്ടുപിടിക്കാനുള്ള ചുമതല നല്‍കിയിരിക്കുന്നത്. പിഴയടക്കാന്‍ വിസമ്മതിക്കുന്നവരെ മജിസ്‌ട്രേറ്റിന് മുന്നില്‍ ഹാജരാക്കാനും ഉദ്യോഗസ്ഥന്മാര്‍ക്ക് അധികാരമുണ്ട്. യാത്രക്കാരും സ്‌റ്റേഷനിലെ കച്ചവടക്കാരും ഒരുപോലെ ശ്രമിച്ചാല്‍ മാത്രമേ സ്‌റ്റേഷനുകള്‍ വൃത്തിയായി സൂക്ഷിക്കാനാവൂകയുള്ളൂ.

എല്ലാ കച്ചവടസ്ഥാപനങ്ങള്‍ക്കരികിലും വേസ്റ്റ് ബിന്‍ സ്ഥാപിക്കണമെന്ന് കച്ചവടക്കാര്‍ക്ക് കര്‍ശന നിര്‍ദ്ദേശം നല്‍കിയിട്ടുണ്ട്. ഓരോ രണ്ട് മണിക്കൂര്‍ കൂടുമ്പോഴും വേസ്റ്റ് ബിന്നുകള്‍ കാലിയാക്കണമെന്നും നിര്‍ദേശിച്ചിട്ടുണ്ട്. ഈ മാസം ഇതുവരെ ഡല്‍ഹി റെയില്‍വേ സ്‌റ്റേഷനില്‍നിന്ന് 2.3 ലക്ഷം രൂപയാണ് പിഴയായി റെയില്‍വേയ്ക്ക് ലഭിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha