ഇന്ത്യക്കാരുടെ അല്ല ലോകത്തെ ജനങ്ങളുടെ ഇടയില്‍ തന്നെ തരംഗമായി മാറുകയാണ് പ്രധാനമന്ത്രി നരേന്ദ്രമോഡി. മോഡിയുടെ വസ്ത്രധാരണ രീതിയും ജനങ്ങള്‍ അപ്പാടെ ട്രന്‍ഡായി അംഗീകരിച്ചു കഴിഞ്ഞു. പെരുന്നാല്‍ ആഘോഷിക്കാനായി വസ്ത്രങ്ങള്‍ തിരഞ്ഞെടുക്കുന്നവര്‍ ഏറ്റവും കൂടുതല്‍ ആവശ്യപ്പെടുന്നത് മോഡി കുര്‍ത്തയാണ്. ഈദ് വ്യാപാരത്തില്‍ യുപിയുടെ വിവിധ ഭാഗങ്ങളില്‍ \'മോഡി കുര്‍ത്ത\'യാണ് ഏറ്റവുമധികം വിറ്റഴിക്കപ്പെടുന്നത്.
ഈദിന് പുതുവസ്ത്രങ്ങള്‍ വാങ്ങുന്നവര്‍ മോഡി കുര്‍ത്തയാണ് ആവശ്യപ്പെടുന്നതെന്ന് വ്യാപാരികള്‍ പറയുന്നു. നേരത്തെ ജോര്‍ജെറ്റ് അല്ലെങ്കില്‍ കോട്ടണ്‍ തുണിയിലുളള കുര്‍ത്തകളാണ് ഏറ്റവും കൂടുതല്‍ വിറ്റഴിക്കപ്പെടുന്നത്. എന്നാല്‍ ഇത്തവണ ലിനന്‍ അല്ലെങ്കില്‍ ഖദറുകൊണ്ടുളള കുര്‍ത്തകള്‍ക്കാണ് ആവശ്യക്കാരേറെയും. മോഡി ധരിക്കുന്ന തരത്തിലുളള അരക്കയ്യന്‍ കുര്‍ത്തകളാണ് എല്ലാവര്‍ക്കും പ്രിയം.
കൈകൊണ്ടുളള എംബ്രോയിഡറിയാണ് മറ്റൊരു പ്രത്യേകത. എംബ്രോയിഡറിയുടെയും തുണിയുടെയും പ്രത്യേകതയനുസരിച്ച് വില 3002000 രൂപ വരെയാകും. മോഡി തെരഞ്ഞെടുക്കുന്ന ലൈറ്റ് നിറങ്ങളാണ് ഏറ്റവും കൂടുതല്‍ വിറ്റഴിയുന്നത്. നേരത്തെ വെളള കുര്‍ത്തകള്‍ക്കായിരുന്നു ആവശ്യക്കാര്‍ ഏറെയെന്നും വ്യാപാരികള്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha