തിരുവനന്തപുരത്ത് കനത്ത ഇടിമിന്നലോടു കൂടിയ മഴ തുടരുന്ന സാഹചര്യത്തിൽ കാലാവസ്ഥാ വകുപ്പ് റെഡ് അലർട്ട് പ്രഖ്യാപിച്ചു. നെയ്യാറ്റിൻകര കുന്നത്തുകാലിൽ വീടിന്റെ നിർമ്മാണ ജോലികളിൽ ഏർപ്പെട്ടിരുന്ന വിൻസെന്റ് (52) എന്നയാൾ ഇടിമിന്നലേറ്റ് ദാരുണമായി മരണപ്പെട്ടു. ഒപ്പമുണ്ടായിരുന്ന ദാസയ്യൻ, അജീഷ് എന്നിവർക്ക് ഗുരുതരമായി പരിക്കേറ്റിട്ടുണ്ട്.

കൊല്ലം, പത്തനംതിട്ട, കോട്ടയം, ഇടുക്കി ജില്ലകളിലും ഓറഞ്ച് അലർട്ട് പ്രഖ്യാപിച്ചിട്ടുള്ളതിനാൽ സംസ്ഥാനത്ത് പലയിടങ്ങളിലും കനത്ത ജാഗ്രതയാണ് നിർദ്ദേശിച്ചിരിക്കുന്നത്.