ക്രിസ്റ്റ പൈക്കിന്റെ പരാജയപ്പെട്ട വധശിക്ഷ..പരമാവധി അളവായ രണ്ട് ഡോസ് പെന്റോബാര്‍ബിറ്റാള്‍ മരുന്ന് നല്‍കി.. മണിക്കൂറുകള്‍ കഴിഞ്ഞിട്ടും ഇവര്‍ മരിക്കാതെ മയങ്ങി വീണു..
മരണത്തിന് പോലും ആ ക്രൂര കുറ്റവാളിയെ വേണ്ട.വധശിക്ഷ നടപ്പാക്കുന്നതിനിടെ രണ്ട് ഡോസ് വിഷം കുത്തിവെച്ചിട്ടും പ്രതി മരിക്കാത്തതിനെ തുടര്‍ന്ന് വധശിക്ഷ തടഞ്ഞു. അമേരിക്കയിലെ ടെന്നസിയില്‍ ബുധനാഴ്ച രാത്രിയാണ് ലോകമെമ്പാടുമുള്ള മാധ്യമങ്ങളുടെ ശ്രദ്ധനേടിയ അപൂര്‍വ്വവും ഞെട്ടിക്കുന്നതുമായ ഈ സംഭവം നടന്നത്. വധശിക്ഷയ്ക്ക് വിധിക്കപ്പെട്ട ക്രിസ്റ്റ പൈക്ക് (50) എന്ന സ്ത്രീയ്ക്കാണ് നിയമം അനുവദിക്കുന്ന പരമാവധി അളവായ രണ്ട് ഡോസ് പെന്റോബാര്‍ബിറ്റാള്‍ മരുന്ന് നല്‍കിയത്. എന്നാല്‍, മണിക്കൂറുകള്‍ കഴിഞ്ഞിട്ടും ഇവര്‍ മരിക്കാതെ മയങ്ങി വീഴുകയും ഉറക്കത്തില്‍ ആര്‍ത്തുവിളിക്കുകയും ചെയ്തതോടെയാണ് അധികൃതര്‍ വധശിക്ഷ
നിര്‍ത്തിവെക്കുകയും ഇവരെ ഉടന്‍ തന്നെ ആശുപത്രിയിലേക്ക് മാറ്റുകയും ചെയ്തത്.സംഭവത്തെ തുടര്‍ന്ന് ഈ വര്‍ഷം സംസ്ഥാനത്ത് നടപ്പാക്കാനിരുന്ന എല്ലാ വധശിക്ഷകളും ടെന്നസി ഗവര്‍ണര്‍ ബില്‍ ലീ താല്‍ക്കാലികമായി തടഞ്ഞു. വധശിക്ഷാ നടപടികളില്‍ സംഭവിച്ച ഗുരുതരമായ വീഴ്ചയെക്കുറിച്ച് സമഗ്രമായ അന്വേഷണത്തിന് അദ്ദേഹം ഉത്തരവിട്ടിട്ടുണ്ട്. ശിക്ഷ നടപ്പാക്കുന്നത് നിയമപരവും ഭരണഘടനാപരവുമാകണം എന്ന് മാത്രമല്ല, അത് തികച്ചും ഫലപ്രദമായിരിക്കണമെന്നും ഗവര്‍ണര്‍ വ്യക്തമാക്കി.നാല് പതിറ്റാണ്ടിനിടെ ടെന്നസിയില്‍ വധശിക്ഷയ്ക്ക് വിധിക്കപ്പെടുന്ന ആദ്യ വനിതയാണ് ക്രിസ്റ്റ പൈക്ക്. ടെന്നസി അധികൃതർ മാരകമായ കുത്തിവയ്പ്പിലൂടെ വധശിക്ഷ നടപ്പാക്കാനുള്ള ശ്രമം
പരാജയപ്പെട്ടതിനെ തുടർന്ന് അവർക്ക് "ജീവൻ രക്ഷാ നടപടികൾ" നൽകിക്കൊണ്ടിരിക്കുകയാണ്.എന്താണ് തെറ്റായിപ്പോയത്, പിന്നീട് എന്ത് സംഭവിച്ചു, വധശിക്ഷയെ എതിർക്കുന്നവരെ സംബന്ധിച്ചിടത്തോളം, വധശിക്ഷ നടപ്പാക്കാത്തപ്പോൾ തടവുകാരൻ അനുഭവിക്കുന്ന ദുരിതത്തെക്കുറിച്ചുള്ള പുതിയ ആശങ്കകൾ എന്നിവ ഇതിൽ ഉൾപ്പെടുന്നു.ബുധനാഴ്ച രാത്രി 7.30 ഓടെയാണ് നാഷ്വില്ലിലെ റിവര്‍ബെന്‍ഡ് മാക്‌സിമം സെക്യൂരിറ്റി ജയിലില്‍ വെച്ച് വധശിക്ഷാ നടപടികള്‍ ആരംഭിച്ചത്. മരുന്ന് കുത്തിവെച്ചതിന് പിന്നാലെ തന്റെ കൈ പൊട്ടിത്തെറിക്കുന്നത് പോലെ തോന്നുന്നുവെന്ന് ഇവര്‍ നിലവിളിക്കുകയും കാലുകള്‍ ഇളക്കുകയും ചെയ്തിരുന്നു.
എന്നാല്‍ പിന്നീട് ഇവര്‍ മയക്കത്തിലാവുകയും ഉറക്കത്തില്‍ ശക്തമായി ആര്‍ത്തുവിളിക്കുകയും ചെയ്യുകയായിരുന്നു.തുടര്‍ന്ന് പ്രതിഭാഗം അഭിഭാഷകര്‍ അടിയന്തരമായി യു.എസ് സുപ്രീം കോടതിയെയും ജില്ലാ കോടതിയെയും സമീപിച്ച് വധശിക്ഷ തടയണമെന്നും അനാവശ്യമായ വേദനയും ക്രൂരതയും ഒഴിവാക്കാന്‍ അടിയന്തര വൈദ്യസഹായം ലഭ്യമാക്കണമെന്നും ആവശ്യപ്പെട്ടു. കോടതി നിര്‍ദേശപ്രകാരം ഉടന്‍ തന്നെ വൈദ്യസംഘം സ്ഥലത്തെത്തുകയും ജീവന്‍രക്ഷാ നടപടികള്‍ ആരംഭിച്ച ശേഷം ഇവരെ അടിയന്തരമായി അടുത്തുള്ള ആശുപത്രിയിലേക്ക് മാറ്റുകയുമായിരുന്നു.1995-ല്‍ 19 വയസ്സുകാരിയായ സഹപാഠി കോളിന്‍ സ്ലെമ്മറെ അതിക്രൂരമായി കൊലപ്പെടുത്തിയ കേസില്‍ 1996-ലാണ് പതിനെട്ടുകാരിയായ ക്രിസ്റ്റയ്ക്ക് വധശിക്ഷ വിധിക്കുന്നത്.
https://www.facebook.com/Malayalivartha
