ആഗോളതാപനവും കാലാവസ്ഥാ വ്യതിയാനവും ഭൂമിയെ ചരിത്രത്തിലെ ഏറ്റവും ഭീതിദമായ അന്തരീക്ഷ പ്രതിസന്ധിയിലേക്ക് തള്ളിവിടുകയാണെന്ന ഞെട്ടിക്കുന്ന ശാസ്ത്രീയ മുന്നറിയിപ്പാണ് ഇപ്പോൾ പുറത്തുവരുന്നത്. വരും മാസങ്ങളിൽ ലോകം സാക്ഷ്യം വഹിക്കാൻ പോകുന്നത് സാധാരണ എൽനിനോ പ്രതിഭാസമല്ല, മറിച്ച് 'സൂപ്പർ സൈസ്ഡ്' വിഭാഗത്തിൽപ്പെടുന്ന അതിശക്തമായ 'സൂപ്പർ എൽനിനോ' ദുരന്തത്തിനാണെന്ന് അന്താരാഷ്ട്ര ഗവേഷകർ വ്യക്തമാക്കുന്നു.

ഷിക്കാഗോ സർവകലാശാല ആസ്ഥാനമായുള്ള 'ക്ലൈമറ്റ് ഇംപാക്ട് ലാബ്' പുറത്തുവിട്ട ഏറ്റവും പുതിയ റിപ്പോർട്ട് അനുസരിച്ച്, വരാനിരിക്കുന്ന അതിതീവ്ര ചൂട് കാരണം ലോകത്താകമാനം 4.5 ലക്ഷത്തിലധികം ആളുകൾക്ക് ജീവൻ നഷ്ടപ്പെട്ടേക്കാം! ഇന്ത്യയും നൈജീരിയയും ഉൾപ്പെടുന്ന വികസ്വര രാജ്യങ്ങളെയായിരിക്കും ഈ മഹാദുരന്തം ഏറ്റവും കൂടുതൽ ബാധിക്കുക.