കരിങ്കൊടി കാണിക്കേണ്ടവര്‍ കാണിക്കട്ടേയെന്നും സമാധാന സമരത്തെ തങ്ങള്‍ എതിര്‍ക്കുന്നില്ലെന്നും മന്ത്രി പറഞ്ഞു. കണ്ണൂരിലെ അക്രമം പി. ജയരാജന്‍ മടങ്ങിവരുന്നതിന്റെ ഭാഗമാണ്. മന്ത്രിയുടെ വാഹനം തകര്‍ക്കുക മാത്രമല്ല ദേശീയ പതാക ചുരുട്ടി എറിഞ്ഞെന്നും മന്ത്രി കെ. മുരളീധരന്‍ ആരോപിച്ചു. മുഖ്യമന്ത്രിയായി ഇരിക്കുമ്പോള്‍ വേണ്ടെങ്കിലും പ്രതിപക്ഷത്ത് ഇരിക്കുമ്പോള്‍ പി. ജയരാജന്റെ സേവനം പിണറായിക്ക് വേണമെന്നും മുരളീധരന്‍ പറഞ്ഞു. കായിക വകുപ്പ് മന്ത്രിയും യൂത്ത് കോണ്‍ഗ്രസ് സംസ്ഥാന അധ്യക്ഷനുമായ ഒ.ജെ. ജനീഷിനെതിരെ കണ്ണൂരില്‍ ഇന്നുണ്ടായ ഡിവൈഎഫ്‌ഐസിപിഎം പ്രതിഷേധത്തെ കുറിച്ചാണ് മന്ത്രി ഇങ്ങനെ പറഞ്ഞത്.

കേന്ദ്രം ഭരിക്കുന്ന ബിജെപിയുടെ ജനാധിപത്യ വിരുദ്ധ നിലപാടിനെതിരെയാണ് യൂത്ത് കോണ്‍ഗ്രസ് സമരം ചെയ്തത്. ഇതിനെതിരെ എന്തിനാണ് എസ്എഫ്‌ഐ കല്ലെറിഞ്ഞതെന്ന് മുരളീധരന്‍ ചോദിച്ചു. കേരള രാഷ്ട്രീയത്തില്‍ സ്ഥാനം നഷ്ടമാകുമെന്ന പിണറായിയുടെ ഭയമാണ് ഇപ്പോഴത്തെ സിപിഎം സമരത്തിനു കാരണമെന്നും മന്ത്രി പറഞ്ഞു. അക്രമം നടത്തി കേരളത്തെ കുരുതിക്കളമാക്കാം എന്നു കരുതുന്നുണ്ടെങ്കില്‍ അത് സമ്മതിക്കില്ലെന്നും തിരുവനന്തപുരത്ത് വച്ച് മാധ്യമങ്ങളോട് കെ. മുരളീധരന്‍ പറഞ്ഞു.