നിവിന്‍ പോളി ചിത്രം 'യേഴു കടല്‍ യേഴു മലൈ' നാളെ തീയേറ്ററുകളില്‍ എത്തും
തമിഴിലെ പ്രശസ്ത സംവിധായകന്‍ റാം രചനയും സംവിധാനവും നിര്‍വഹിച്ച് നിവിന്‍ പോളി, അഞ്ജലി, സൂരി എന്നിവര്‍ പ്രധാന വേഷങ്ങളിലെത്തുന്ന 'യേഴു കടല്‍ യേഴു മലൈ'യുടെ ആഗോള റിലീസ് നാളെ. ദുല്‍ഖര്‍ സല്‍മാന്റെ വേഫെറര്‍ ഫിലിംസ് ആണ് ചിത്രം കേരളത്തില്‍ പ്രദര്‍ശനത്തി നെത്തിക്കുന്നത്. മികച്ച റിലീസ് ആണ് ചിത്രത്തിന് കേരളത്തില്‍ ലഭിച്ചിരിക്കുന്നത്. വി ഹൗസ് പ്രൊഡക്ഷന്‍സിന്റെ ബാനറില്‍ സുരേഷ് കാമാച്ചി നിര്‍മ്മിക്കുന്ന ചിത്രം 'റിച്ചി'ക്ക് ശേഷം എത്തുന്ന നിവിന്‍ പോളിയുടെ തമിഴ് ചിത്രം കൂടിയാണ്.
റാം – നിവിന്‍ പോളി ടീം ആദ്യമായി ഒന്നിച്ച ഈ ചിത്രം, അതിന്റെ പ്രമേയത്തിന്റെ പ്രത്യേകത കള്‍ കൊണ്ട് തന്നെ പ്രേക്ഷകര്‍ ഏറെ കാത്തിരിക്കുന്ന ചിത്രമാണ്. അടുത്തിടെ പുറത്ത് വന്ന ട്രെയ്‌ലര്‍, ചിത്രത്തിന്റെ വ്യത്യസ്ത മായ പ്രമേയത്തിലേക്കും കഥാപാത്രങ്ങളിലേക്കുമുള്ള സൂചനകള്‍ നല്‍കിയിരുന്നു. ത്രില്ലും മിസ്റ്ററിയും ഫാന്റസിയും പ്രണയവും നര്‍മ്മവും ആക്ഷനും വൈകാരികതയും ഒരുപോലെ കോര്‍ത്തിണക്കിയാണ് ചിത്രം കഥ പറയുന്നത് എന്ന സൂചനയും ട്രെയ്‌ലര്‍ സമ്മാനിച്ചിരുന്നു. 8000ത്തിലധികം വര്‍ഷങ്ങളായി മരണമില്ലാതെ ജീവിക്കുന്ന അമരനായ കഥാപാത്രത്തെയാണ് ചിത്രത്തില്‍ നിവിന്‍ പോളി അവതരിപ്പിക്കുന്നത്. നിവിന്‍ പോളി – സൂരി ടീമിന്റെ ഗംഭീര പ്രകടനമാണ് ചിത്രത്തിന്റെ ഹൈലൈറ്റ് എന്നാണ് സൂചന.
തിയേറ്റര്‍ റിലീസിന് മുന്‍പ് തന്നെ അന്താ രാഷ്ട്ര ചലച്ചിത്ര മേളകളില്‍ ശ്രദ്ധ നേടിയ ചിത്രമാണ് 'യേഴു കടല്‍ യേഴു മലൈ'. 53ാമത് റോട്ടര്‍ഡാം അന്താരാഷ്ട്ര ചലച്ചിത്ര മേളയില്‍ പ്രീമിയര്‍ ചെയ്ത ചിത്രം വി പ്രൊ ബിഗ് സ്‌ക്രീന്‍ അവാര്‍ഡ് മത്സര വിഭാഗ ത്തിലേക്ക് തിരഞ്ഞെടുക്കപ്പെട്ട 12 ചിത്രങ്ങളില്‍ ഒന്നായിരുന്നു. രവി മരിയ, എന്‍. അഴക പെരുമാള്‍ എന്നിവരും ചിത്രത്തില്‍ പ്രധാന വേഷങ്ങളിലെത്തുന്നു.
രചന, സംവിധാനം:റാം, നിര്‍മ്മാതാവ്: സുരേഷ് കാമാച്ചി, ബാനര്‍: വി ഹൗസ് പ്രൊഡക്ഷന്‍സ്, സംഗീതം:യുവന്‍ ശങ്കര്‍ രാജ, അഡീഷണല്‍ മ്യൂസിക്: സന്തോഷ് ധയാനിധി, ഛായാഗ്രഹണം:എന്‍. കെ. ഏകാംബരം, എഡിറ്റിംഗ്:മതി വി. എസ്, പ്രൊഡക്ഷന്‍ ഡിസൈന്‍: ഉമേഷ് ജെ. കുമാര്‍, വരികള്‍:മദന്‍ കാര്‍ക്കി, മതി പുകഴേന്തി, ആക്ഷന്‍:സ്റ്റണ്ട് സില്‍വ, നൃത്ത സംവിധാ നം:സാന്‍ഡി മാസ്റ്റര്‍, വസ്ത്രാലങ്കാരം :ചന്ദ്രകാന്ത് സോനവാനെ, മേക്കപ്പ്:പട്ടണം റഷീദ്, സൗണ്ട് ഡിസൈന്‍ & മിക്‌സ്: ടി. ഉദയകുമാര്‍, സൗണ്ട് ഡിസൈന്‍: രഞ്ജിത്ത് വെങ്കിട്ടഗോപാല്‍, ശരവണ കുമാര്‍, സൗണ്ട് എഫക്റ്റ്‌സ്: രാജശേഖര്‍, വിഎഫ്എക്‌സ്:ബീ സ്റ്റുഡിയോ, വിഎഫ്എക്‌സ് ഹെഡ്:സി. ഗജേന്ദ്രന്‍, വിഎഫ്എക്‌സ് സൂപ്പര്‍ വൈസര്‍:കാര്‍ത്തിക് കംബെട്ടന്‍, നിശ്ചല ഛായാഗ്രഹണം:ജയകുമാര്‍ വൈരവന്‍, കളറിസ്റ്റ്: രാജശേഖര്‍, പ്രൊഡക്ഷന്‍ എക്‌സിക്യൂട്ടീവ്:ജഗദീഷ് കെ. എച്ച്, അമീര്‍രാജ്, പ്രവീണ്‍ കുമാര്‍ ജി, മാലിക് ഐ, പിആര്‍ഒ: ശബരി
https://www.facebook.com/Malayalivartha
