പ്രണയം ആര്‍ക്ക് ആരോട് എപ്പോള്‍ തോന്നുമെന്നൊന്നും പറയാന്‍ കഴിയില്ല. അതാണ് വേണിയുടെ ജീവിതത്തിലും സംഭവിച്ചത്. പ്രായപൂര്‍ത്തായായ മകനേയും ഭര്‍ത്താവിനേയും ഉപേക്ഷിച്ച് കാമുകനോടൊത്ത് കഴിയാനുള്ള അതിയായ ആഗ്രഹം എവിടയോവച്ച് നഷ്ടമായി. അതോടെ അഗ്നിക്കിരയായി വേണിയും മകളും ഈ ലോകത്തോട് തന്നെ വിടപറഞ്ഞു.
കഴിഞ്ഞ ശനിയാഴ്ച എറണാകുളം ഇടപ്പള്ളിയിലെ പ്രശാന്ത് നഗറിലെ റാല്‍കണ്‍ ഫ്‌ളാറ്റിലാണ് വേണിയും മകള്‍ ആറു വയസുകാരി കിരണും കത്തിക്കരിഞ്ഞത്. 
പതിനൊന്ന് വര്‍ഷം മുമ്പ് പാലക്കാട് വൈസ്‌മെന്‍ ബാങ്കില്‍ ജോലി ചെയ്യുമ്പോഴാണ് സിബു ജോര്‍ജും വേണിയും തമ്മില്‍ പരിചയപ്പെടുന്നത്. വീട് വയ്ക്കാനുള്ള ലോണിനായി ബാങ്കിലെത്തിയതായിരുന്നു വേണി. സിബു ബാങ്കുദ്യോഗസ്ഥനും. ലോണിന്റെ കാര്യങ്ങളാണ് സംസാരിച്ചു തുടങ്ങിയതെങ്കിലും പിന്നീട് ജീവിതത്തെ കുറിച്ചായി. ഒടുവിലെപ്പോഴോ വയ്ക്കാന്‍ പോകുന്ന വീടിനേക്കാള്‍ പ്രിയപ്പെട്ടവനായി വേണിക്ക് സിബു. അങ്ങനെ ഭര്‍ത്താവിനെയും മകനെയും ഉപേക്ഷിച്ച് വേണി സിബുവിനൊപ്പം പോയി. 
വിവാഹ ബന്ധം വേര്‍പ്പെടുത്തി പാലക്കാട് തന്നെയായിരുന്നു സിബിയുമൊത്ത് വേണി താമസിച്ച് തുടങ്ങിയത്. പിന്നീട് സിബുവിന് ഐ.സി.ഐ.സി ബാങ്കില്‍ ഉദ്യോഗം ലഭിച്ചതോടെ പാലക്കാട് നിന്നും എറണാകുളത്തേക്ക് താമസം മാറി. ഇടപ്പള്ളി പ്രശാന്ത് നഗറിലെ ഫഌറ്റില്‍ ഇരുവരും ഒരുമിച്ച് താമസിക്കാന്‍ തുടങ്ങിയിട്ട് ആറുവര്‍ഷം കഴിഞ്ഞു. ഈ ബന്ധത്തില്‍ ഒരു കുഞ്ഞു പിറന്നു. എന്നിട്ടും ഇവര്‍ നിയമപരമായി വിവാഹം ചെയ്തിരുന്നില്ല. ഭര്‍ത്താവിനെ ഉപേക്ഷിച്ചിറങ്ങിയിട്ടും തന്നെ വിവാഹം ചെയ്യാന്‍ കാമുകന്‍ തയ്യാറാകാത്തത് വേണിയെ വല്ലാതെ വേദനിപ്പിച്ചിരുന്നു. ഇക്കാര്യം ബന്ധുക്കളോടും സഹോദരി ലക്ഷ്മിയോടും വേണി പറഞ്ഞിരുന്നു. 
വിവാഹത്തിന് സിബു തയ്യാറാകാതിരുന്നതാണ് ഇവരുടെ ജീവിതത്തിലെ പ്രശ്‌നങ്ങളുടെ തുടക്കം. വേണി സ്ഥിരമായി വിവാഹക്കാര്യം പറയാന്‍ തുടങ്ങിയതോടെ ഇവരുടെ ബന്ധത്തില്‍ വിള്ളല്‍ വീണു. പിന്നീട്, സിബു ഇടപ്പള്ളിയിലെ ഫ്‌ളാറ്റിലേക്ക് വരുന്നത് തന്നെ കുറഞ്ഞു. കൂടാതെ, വഴക്കിനിടയില്‍ ദേഹോപദ്രവവും തുടങ്ങി. ഇതൊക്കെ കണ്ട് പേടിച്ചു തുടങ്ങി കുഞ്ഞു കിരണ്‍. 
ആദ്യ ഭര്‍ത്താവിലുള്ള തന്റെ മകന്‍ പാര്‍ഥിപനോടും സിബുവിന്റെ പീഡനത്തെ കുറിച്ച് വേണി പറഞ്ഞിരുന്നു. തന്റെ കൂടെ വന്ന് താമസിക്കാന്‍ എയര്‍ഫോഴ്‌സ് ഉദ്യോഗസ്ഥനായിരുന്ന മകന്‍ വേണിയോട് പല തവണ പറഞ്ഞെങ്കിലും അവര്‍ നിരസിക്കുകയായിരുന്നു. 
അടുത്ത കാലത്തായി വല്ലപ്പോഴും മാത്രമാണ് സിബു ഇടപ്പള്ളിയിലെ ഫ്‌ളാറ്റില്‍ വന്നിരുന്നത്. ഫ്‌ളാറ്റിന്റെ വാടകയും അത്യാവശ്യ ചെലവുകള്‍ക്കുള്ള തുകയും മാത്രമേ സിബു ഇവര്‍ക്ക് നല്‍കിയിരുന്നുള്ളൂ. വീട്ടുചിലവുകളും മകളുടെ പഠനവുമായി സാമ്പത്തികമായ ബുദ്ധിമുട്ടുകളും വേണി അനുഭവിച്ചിരുന്നു. ഇതിനിടയിലാണ് കോട്ടയത്ത് സിബുവിന് മറ്റൊരു ഭാര്യയും കുഞ്ഞും ഉണ്ടെന്ന് വേണി മനസിലാക്കിയത്. വേണിയുടെ ബന്ധുക്കളും ഇക്കാര്യം അവളുടെ ശ്രദ്ധയില്‍പെടുത്തി. ഇത് വേണിയെ മാനസികമായി തകര്‍ത്തു. പിന്നീട്, സിബു വീട്ടില്‍ വന്നപ്പോഴും വേണി വിവാഹക്കാര്യം പറഞ്ഞെങ്കിലും അയാള്‍ കേട്ടതായി നടിച്ചില്ല. തുടര്‍ന്ന്, തങ്ങളുടെ ജീവിതം അവസാനിപ്പിക്കാനായി വേണി തീരുമാനിച്ചുറപ്പിച്ചു.
ശനിയാഴ്ച വെളുപ്പിനെ നാലരയോടെയാണ് ഈ ലോകത്തോട് വിടപറഞ്ഞത്. ഗ്യാസ് കുറ്റി ഹാളിലേയ്ക്ക് കൊണ്ടു വന്ന് തുറന്നുവിട്ടതാണെന്നാണ് പൊലീസ് നിഗമനം. വേണിയുടെ മൃതദേഹം കിടപ്പുമുറിയിലെ ബാത്ത്‌റൂമിലും മകളുടെത് കിടപ്പുമുറിയിലെ കട്ടിലിലും. കിരണിന്റെ ശരീരഭാഗങ്ങള്‍ വേര്‍പ്പെട്ട നിലയിലായിരുന്നു. മുറിക്കുള്ളിലെ വീട്ടുപകരണങ്ങളെല്ലാം തന്നെ കത്തി നശിച്ചു. 
തമിഴ് വംശജയായ വേണി തമിഴില്‍ എഴുതിയ ആത്മഹത്യാക്കുറിപ്പ് പൊലീസ് വീട്ടില്‍ നിന്ന് കണ്ടെത്തി. അതില്‍ സിബുവിന് മറ്റൊരു ബന്ധമുണ്ടെന്നും അതിനാല്‍ മകളെയും കൂട്ടി പോകുന്നുവെന്നുമാണ് വേണി എഴുതിയിരുന്നത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha