ഐന്സ്റ്റീന് മകള്ക്കയച്ച കത്ത്
പ്രാപഞ്ചികോര്ജമായ സ്നേഹത്തെ കുറിച്ച് ആല്ബര്ട്ട് ഐന്സ്റ്റീന് മകള്ക്കെഴുതിയതെന്ന് കരുതപ്പെടുന്ന കത്ത് വൈറലാകുന്നു. സ്നേഹത്തിന്റെ ശക്തിയും നന്മകളും ആണ് കത്തിലെ ഉള്ളടക്കം. അതേസമയം വന്തോതില് ഷെയര് ചെയ്യപ്പെട്ടുകൊണ്ടിരിക്കുന്ന ഈ കത്ത് യഥാര്ത്ഥത്തില് ഐന്സ്റ്റീന് തന്നെ എഴുതിയതാണോ എന്ന കാര്യത്തില് തര്ക്കങ്ങളും നടക്കുന്നുണ്ട്.
1980-കളുടെ അവസാനത്തിലാണ് ഐന്സ്റ്റീന്റെ മകള് ലീസെറല് അദ്ദേഹമെഴുതിയ 1400 കത്തുകള് ഹീബ്രൂ യൂണിവേഴ്സിറ്റിക്ക് കൈമാറുന്നത്. അദ്ദേഹത്തിന്റെ മരണശേഷം രണ്ടു ദശകങ്ങള്ക്കപ്പുറം മാത്രമേ ഇതിലെ ആശയങ്ങള് പ്രസിദ്ധീകരിക്കാവൂ എന്ന കര്ശനമായ നിര്ദ്ദേശത്തോടെയാണ് കത്തുകള് കൈമാറിയതെന്ന് പറയപ്പെടുന്നു.
ഐന്സ്റ്റീന് ലീസെറലിന് എഴുതിയതെന്ന പേരില് പ്രചരിക്കുന്ന കത്തിലെ പ്രസക്തഭാഗങ്ങള്.
\'ഞാന് ആപേക്ഷികാസിദ്ധാന്തം അവതരിപ്പിച്ചപ്പോള് വളരെ കുറച്ച് പേര്ക്ക് മാത്രമാണ് അത് മനസ്സിലായത്. അതുപോലെ ഞാനിപ്പോള് വെളിപ്പെടുത്താന് പോകുന്ന കാര്യവും ലോകത്ത് നിലനില്ക്കുന്ന തെറ്റിദ്ധാരണകളും മുന്വിധികളുമായി ആശയസംഘര്ഷത്തിനിടയാകുമെന്ന് ഞാന് കരുതുന്നുണ്ട്. ഞാന് വിവരിക്കാന് പോകുന്ന കാര്യങ്ങള് ലോകത്തിന് മനസ്സിലാകുന്ന കാലംവരെ അത് വര്ഷങ്ങളോ ദശകങ്ങളോ എടുത്താലും അത്രത്തോളം കാലം വരെ ഇത് സൂക്ഷിക്കാന് ഞാന് നിന്നോട് ആവശ്യപ്പെടുകയാണ്.
ശാസ്ത്രത്തിന് പോലും വിശദീകരണം നല്കാന് സാധിക്കാത്ത അങ്ങേയറ്റം ശക്തിയുള്ള ഒരു ഊര്ജം ഇവിടെയുണ്ട്. ആ പ്രപഞ്ച ഊര്ജം സ്നേഹമാകുന്നു. സ്നേഹം പ്രകാശമാണ്. അത് നല്കുന്നവരേയും സ്വീകരിക്കുന്നവരേയും പ്രബുദ്ധരാക്കുന്നു. സ്നേഹം എന്ന് പറയുന്നത് ഗുരുത്വാകര്ഷണമാണ്. കാരണം അത് ആളുകളെ പരസ്പരം ആകര്ഷിക്കുന്നു. സ്നേഹം എന്ന് പറയുന്നത് ഒരു ശക്തിയാണ്. അത് നമുക്കുള്ള എല്ലാ നല്ലവശങ്ങളേയും ഇരട്ടിപ്പിക്കുന്നു. അത് മനുഷ്യരാശിയെ അവരുടെ അന്ധമായ സ്വാര്ത്ഥതയില് നശിക്കാതിരിക്കാന് സഹായിക്കുന്നു.
സ്നേഹം എല്ലാം വെളിപ്പെടുത്തുന്നു. സ്നേഹത്തിന് വേണ്ടിയാണ് നമ്മള് ജീവിക്കുന്നതും മരിക്കുന്നതും. സ്നേഹം എന്ന് പറയുന്നത് ദൈവമാണ്. ദൈവം സ്നേഹവും. ഈ ഊര്ജം എല്ലാം വിശദീകരിക്കുന്നു. ജീവിതത്തിന് അര്ത്ഥം നല്കുന്നു.ഈ പരിവര്ത്തിത വസ്തുവിനെയാണ് ദീര്ഘകാലമായി നാം അവഗണിച്ചുകൊണ്ടിരിക്കുന്നത്. മനുഷ്യന് അവന്റെ ഇഷ്ടപ്രകാരം കൈകാര്യം ചെയ്യാന് ഇനിയും പഠിക്കാനായിട്ടില്ലാത്ത ഒരൊറ്റ ശക്തി ആയതുകൊണ്ടായിരിക്കാം ചിലപ്പോള് അത്.
സ്നേഹത്തിന് ദൃശ്യപരത നല്കാന് എന്റെ അതിപ്രശസ്തമായ സമവാക്യത്തിന് ഞാനൊരു ബദല് ഉണ്ടാക്കിയിട്ടുണ്ട്. അതായത്, ഇ = എം*സി2 എന്ന സമവാക്യത്തിന് പകരം, ഈ ലോകത്തെ സൗഖ്യമാക്കുന്നതിനുള്ള ഊര്ജം = സ്നേഹം ഗുണനം പ്രകാശത്തിന്റെ വേഗതയുടെ വര്ഗം എന്നാക്കിയാല് സ്നേഹമാണ് ഏറ്റവും ശക്തമായ ഊര്ജം എന്ന തീര്പ്പില് നമ്മള് എത്തിച്ചേരും. കാരണം അതിന് അതിരുകളില്ല.
പ്രപഞ്ചത്തിലെ മറ്റു ഊര്ജങ്ങളെ ഉപയോഗിക്കുന്നതിലും നിയന്ത്രിക്കുന്നതിലും മനുഷ്യര് പരാജയപ്പെടുകയും അവ മാനവരാശിക്കു നേരെ തിരിഞ്ഞിരിക്കുകയും ചെയ്തിരിക്കുന്ന ഈ അവസരത്തില് നമ്മള് മറ്റൊരുതരം ഊര്ജ്ജമുപയോഗിച്ച് നമ്മെ തന്നെ പരിപോഷിപ്പിക്കേണ്ടത് അനിവാര്യമാണ്. നമ്മുടെ ജീവിസമൂഹം അതിജീവിക്കണമെന്ന് ആഗ്രഹിക്കുന്നുണ്ടെങ്കില്, ജീവിതത്തിന്റെ അര്ത്ഥം കണ്ടെത്തണമെങ്കില്, നമ്മുടെ ലോകത്തെ രക്ഷിക്കണമെങ്കില്, സ്നേഹം മാത്രമാണ് അതിനുള്ള ഏക ഉത്തരം.
വെറുപ്പിനെ, സ്വാര്ത്ഥതയെ,നമ്മുടെ ഭൂമിയെ തന്നെ ഇല്ലാതാക്കുന്ന അത്യാര്ത്തിയെ ഇല്ലാതാക്കാന് കരുത്തുള്ള ഒരു സ്നേഹബോംബ് തയ്യാറാക്കാന് നമുക്കിതുവരെ സാധിച്ചിട്ടില്ലായിരിക്കാം. എന്നിരുന്നാലും ഓരോ മനുഷ്യന്റെ ഉള്ളിലും വളരെ ചെറിയ, എന്നാല് ശക്തമായ സ്നേഹത്തിന്റെ ഒരു ഉല്പാദക യന്ത്രം ഉണ്ട്. ഊര്ജം മുക്തമാക്കപ്പെടാന് ആഗ്രഹിച്ചിരിക്കുകയാണ് അത്. എപ്പോഴാണോ നമ്മള് ഈ പ്രപഞ്ചോര്ജത്തെ കൊടുക്കാനും വാങ്ങാനും പഠിക്കുന്നത്, പ്രിയപ്പെട്ട ലീസെറല് സ്നേഹം നമ്മളെ പിടിച്ചടക്കുമെന്ന് അപ്പോള് നമുക്കു ഉറപ്പിക്കാനാകും. അതിന് എന്തിനേയും ഏതിനേയും മാറ്റാനുള്ള കഴിവുണ്ട്. കാരണം ജീവിതത്തിന്റെ സത്താണ് സ്നേഹം.
എന്റെ ഹൃദയത്തിലുള്ളതെന്തോ അത് നിന്നോട് പ്രകടിപ്പിക്കാന് സാധിക്കാത്തതില് എനിക്ക് അഗാധമായ പശ്ചാത്താപമുണ്ട്. ചിലപ്പോള് ഈ മാപ്പപേക്ഷ ഒരുപാട് വൈകി പോയിരിക്കാം;എങ്കിലും സമയം ആപേക്ഷികമാണല്ലോ, എനിക്ക് നിന്നോട് പറയണം ഞാന് നിന്നെ സ്നേഹിക്കുന്നുവെന്ന്,നിന്നോട് നന്ദിയുണ്ടെന്ന് കാരണം ഞാന് പരമോന്നതമായ ആ ഉത്തരത്തില് എത്തിച്ചേര്ന്നിരിക്കുന്നു.\'
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha