കിക്കാകാനുള്ള ന്യൂ ജനറേഷന്റെ പുതിയ വഴികളിലൊന്ന് വല്ലാതെ ഭീതിയുളവാക്കുന്ന ഒന്നാണ്. മൂന്നു ദിവസത്തേക്ക് മയങ്ങാന്‍ ഒറ്റ ഡോസ് ഇന്‍ജക്ഷന്‍ മതി. ഉണര്‍ന്നാല്‍ പിന്നെ ഇതിന്റെ ഹാങ്ഓവര്‍ തീര്‍ക്കാന്‍ ഇതേ മരുന്ന് കുത്തി വച്ച ഒരു ആപ്പിളും കരുതിയിട്ടുണ്ടാവും. ഇന്‍ജക്ഷന്‍ എടുക്കുന്നത് ഉദ്ധരിച്ച ജനനേന്ദ്രിയത്തിന്റെ ഞരമ്പിലാണ്. നിമിഷാര്‍ദ്ധം മതി, ലഹരി സിരകളിലാകെ പടരാന്‍. വെറും ലഹരിയല്ല, ഒരുതരം ലൈംഗിക ഉന്മാദമാണത്രേ...ഇതുവരെ കേട്ടുകേള്‍വി പോലുമില്ലാതിരുന്ന ഒരുരീതി.

നഗരങ്ങളിലെ യുവതലമുറയാണ് ഇത് പരീക്ഷിക്കുന്നതെന്ന് കേട്ടിട്ട് വിശ്വാസം വരാതെ നേരിട്ട് കാണാന്‍ ഇറങ്ങിത്തിരിച്ചു ഒരു മാധ്യമപ്രവര്‍ത്തകന്‍. ഒന്ന് രണ്ട് പേരെ കണ്ടെത്തി. തൃശൂരിലെ ഒരു കേന്ദ്രം. അവിടെ പോകും മുമ്പ് ഒരു മെഡിക്കല്‍ സ്‌റ്റോറില്‍ നിന്ന് ഒരുത്തന്‍ മരുന്ന് വാങ്ങി. ഒരു ഡോസിന് 200 രൂപ!.മരുന്നിന്റെ പേര് തല്‍ക്കാലം വെളിപ്പെടുത്തുന്നില്ല. അടുത്ത കടയില്‍ നിന്ന് ആപ്പിളും. വീടാണ് പരീക്ഷണ ശാല.

അവിടെ വച്ച് അവന്‍ ആദ്യം മരുന്ന് ആപ്പിളില്‍ കുത്തിവച്ചു. പിന്നെ അത് സുരക്ഷിതമായി ഫ്രിഡ്ജില്‍ വച്ചു. പിന്നെ യാതൊരു കൂസലുമില്ലാതെ അടിവസ്ത്രം അഴിച്ച് ജനനേന്ദ്രിയത്തിലെ പിടയ്ക്കുന്ന ഞരമ്പില്‍ മരുന്ന് കുത്തിവച്ചു. ദൃശ്യം കാമറയില്‍ പകര്‍ത്തുന്നതില്‍ യാതൊരു വിരോധവും പറഞ്ഞില്ല. നിമിഷങ്ങള്‍ക്കകം അവന്‍ അവനല്ലാതാകുന്നത് പോലെ...ലഹരിയുടെ ആലസ്യത്തില്‍ അവന്‍ പറഞ്ഞു. കായികതാരമായിരുന്ന അവന്‍ പത്ത് കഴിഞ്ഞപ്പോള്‍ കായിക താരങ്ങള്‍ ഉപയോഗിക്കുന്ന ഉത്തേജക മരുന്നിലൂടെയാണ് ലഹരി ആദ്യമായി ഉപയോഗിച്ചത്.

എറണാകുളത്തെ സുഹൃത്താണ് പുതിയ ഗുരു. ജനനേന്ദ്രിയത്തില്‍ കുത്തിവയ്ക്കാന്‍ ആദ്യം പേടിയായിരുന്നു. ഗുരു തന്നെ എല്ലാം പഠിപ്പിച്ചു. ഇപ്പോള്‍ തൃശൂരില്‍ പത്തുപേരും എറണാകുളത്ത് 25പേരും ഈ ഇന്ദ്രിയാതീത ശൃംഖലയിലുണ്ടത്രേ. മറ്റിടങ്ങളിലും ആള്‍ക്കാരുണ്ടെങ്കിലും അവരെ അറിയില്ല. ഒരിക്കല്‍ ഉപയോഗിച്ചാല്‍ ശീലമാകുമെന്ന് അവന്‍ പറഞ്ഞു. ഒരു മണിക്കൂര്‍ കഴിഞ്ഞപ്പോഴേക്കും അവന്‍ പൂര്‍ണ്ണ മയക്കത്തിലേക്ക് വീണു. ഉണരുമ്പോള്‍ കഴിക്കാന്‍ മരുന്ന് കുത്തിവച്ച ആപ്പിളുമായി കൂട്ടുകാരും അവനു കാവലിരിക്കുന്നു.
ജനനേന്ദ്രിയത്തിലെ ലഹരി കുത്തിവയ്പ് എറണാകുളത്തെത്തുന്ന വിദേശ ടൂറിസ്റ്റുകളില്‍ നിന്നു പകര്‍ന്നതാണ്. ഡോക്ടറുടെ കുറിപ്പില്ലാതെ ലഭിക്കാത്ത ഈ മരുന്ന് സംഘടിപ്പിക്കാന്‍ സര്‍ക്കാരാശുപത്രിയിലെ കൗണ്ടറില്‍ നിന്ന് ഇവര്‍ ഒ.പി ടിക്കറ്റ് വാങ്ങും. ഡോക്ടറെ കാണാതെ ഇവര്‍ തന്നെ ഡോക്ടറുടെ കൈപ്പടയിലെന്ന പോലെ മരുന്നിന്റെ പേരെഴുതും. മെഡിക്കല്‍ സ്‌റ്റോറുകളില്‍ ഇത്തരം മരുന്നുകള്‍ എത്തിക്കുന്നത് അന്യസംസ്ഥാന ലോബിയാണെന്ന് ഡ്രഗ് കണ്‍ട്രോള്‍ വകുപ്പ് പറയുന്നു.

എന്തും പരീക്ഷിക്കാനുള്ള സാഹസികത കാട്ടുന്ന ടീനേജ് പ്രായത്തില്‍ ലഹരിയുടെ ഈ ഉപയോഗം അതീവ ഗുരുതരമാണെന്ന് ഐ.എം.എ സംസ്ഥാന പ്രസിഡന്റ് ഡോ. ശ്രീജിത്ത് എന്‍. കുമാര്‍ പറഞ്ഞു. ശുദ്ധരക്തധമനികളിലേക്ക് കുത്തിവയ്പ് അറിയാതെ മാറിയാല്‍ അവയവത്തിലേക്കുള്ള രക്തയോട്ടം നിലയ്ക്കും. ക്രമേണ ക്ഷതം സംഭവിക്കും. ഉപയോഗശൂന്യമാകും. അണുബാധയുമുണ്ടാകാം. മൂത്രനാളിയിലേക്ക് അണുബാധ കടന്നാല്‍ കിഡ്‌നിയെ ബാധിച്ച് മരണം വരെ സംഭവിക്കാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha