ഈ അമ്മ ഇത്രയും ക്രൂരയാകാന് കാരണം? ബാല്യത്തില് അച്ഛന് പീഡിപ്പിച്ചു; യൗവനത്തില് ഡ്രൈവറോടൊപ്പം ഊരുചുറ്റി; നേടിയതെല്ലാം നഷ്ടപ്പെടുമെന്നായപ്പോള് മക്കള്ക്ക് പുല്ലുവില
ഈ അമ്മ ഇത്രയും ക്രൂരയാകാന് കാരണം അന്വേഷിക്കുകയാണ്. മകളെ കൊല്ലുകയും മകനെ കൊല്ലാന് ക്വട്ടേഷന് നല്കുകയും ചെയ്ത ഇന്ദ്രാണി മുഖര്ജി വാര്ത്തകളില് നിറയുകയാണ്. സ്വന്തം മകളെ ക്രൂരമായി വധിച്ച ഒരു അമ്മയുടെ മാനസികാവസ്ഥ ആരേയും ഭയപ്പെടുത്തുന്നു.
ഷീന ബോറ കൊലക്കേസിന്റെ ചുരുളഴിയുമ്പോള് ഇന്ദ്രാണി മുഖര്ജിയെ കുറിച്ച് കൂടുതല് വെളിവാകുന്നു. കുട്ടിക്കാലം മുതല് ഇന്ദ്രാണി അനുഭവിച്ച കൊടും ക്രൂരതയ്ക്ക് മക്കള് ബലിയാടാകുകയായിരുന്നു.
കുട്ടിയെന്ന നിലയില് യാതൊരു പരിഗണനയും ഇന്ദ്രാണിക്ക് ലഭിച്ചിരുന്നില്ല. ഈ സാഹചര്യം തന്നെയാണ് ഇന്ദ്രാണിയെ ക്രിമിനല് ആക്കിയതെന്നാണ് നിഗമനം.
ഉപേന്ദ്രകുമാര് ബോറ തന്റെ വളര്ത്തച്ഛനാണെന്ന് ഇന്ദ്രാണിയും, അല്ല സ്വന്തം പിതാവുതന്നെയെന്നു ബോറയും പറയുന്നു. കൂടുതല് സ്വപ്നങ്ങളുമായി മുംബൈയിലേക്കു ചേക്കേറുന്നതിനു മുമ്പ് കുട്ടിക്കാലത്ത് ഇന്ദ്രാണി നേരിട്ട ദുരനുഭവങ്ങളെക്കുറിച്ച് അയല്ക്കാരും ചില ബന്ധുക്കളും വിവരിക്കുന്നു.
ഉപേന്ദ്രകുമാര് ബോറയും ഭാര്യ ദുര്ഗയും തമ്മില് എന്നും കലഹമായിരുന്നു. വീട്ടില് നിന്നു സദാസമയവും ഒച്ചയും ബഹളവും കേള്ക്കാം. കുഞ്ഞു ഇന്ദ്രാണിയെ ഉപേന്ദ്ര ബെല്റ്റ് കൊണ്ടു ക്രൂരമായി മര്ദിക്കുമായിരുന്നു. പലപ്പോഴും അവളെ വീട്ടില് മണിക്കൂറുകളോളം പൂട്ടിയിട്ടശേഷം അച്ഛനും അമ്മയും പുറത്തുപോയിരുന്നു.
ഈ ദുരിതത്തില് നിന്നു രക്ഷപ്പെടാനായി സ്കൂളില് പഠിക്കുമ്പോള് വീട്ടിലെ െ്രെഡവറുമായി ഒളിച്ചോടി. എന്നാല് റെയില്വേ സ്റ്റേഷനിലെത്തിയപ്പോഴേക്കും അവരെ തിരിച്ചു പിടിച്ചു കൊണ്ടുവരികയായിരുന്നു. പിന്നീടാണു ഷില്ലോങ്ങിലെ ഹോസ്റ്റലിലേക്ക് അയച്ചത്. ഇതിനിടെ ഉപേന്ദ്ര തന്നെ ലൈംഗികമായി പലവട്ടം പീഡിപ്പിച്ചിട്ടുണ്ടെന്ന് ഇന്ദ്രാണി തന്നെ വെളിപ്പെടുത്തി.
കുടുംബ പ്രശ്നങ്ങളില് നിന്ന് രക്ഷനേടാന് ആണ് സുഹൃത്തുക്കളിലേക്ക് അടുത്തു. ഒന്നിലേറെ വിവാഹം കഴിച്ചു. ഭര്ത്താക്കന്മാരേയും കാമുകന്മാരേയും ഒരേ സമയം കൈകാര്യം ചെയ്യാനുള്ള മികവും ഇന്ദ്രാണിക്ക് ഉണ്ടായിരുന്നു.
സ്റ്റാര് ഇന്ത്യ സി ഇ ഒ ആയിരുന്ന പീറ്റര് മുഖര്ജിയുടെ ഭാര്യയാണ് നിലവില് 43കാരിയായ ഇന്ദ്രാണി മുഖര്ജി. 2002ലാണ് പീറ്റര് മുഖര്ജി ഇന്ദ്രാണിയെ വിവാഹം കഴിക്കുന്നത്. പീറ്ററിന്റെയും ഇന്ദ്രാണിയുടെയും രണ്ടാമത്തെ വിവാഹം ആയിരുന്നു ഇത്. ഈ ബന്ധത്തില് ഇവര്ക്ക് ഒരു മകളുണ്ട്. പീറ്റര് മുഖര്ജിയുമായി ചേര്ന്ന് 2007ലാണ് ഇന്ദ്രാണി 9 മീഡിയ ആരംഭിച്ചത്. പീറ്റര് മുഖര്ജി ഗ്രൂപ്പിന്റെ ചെയര്മാന് ആയിരുന്നപ്പോള് ഇന്ദ്രാണി മുഖര്ജി ആയിരുന്നു സി ഇ ഒ. ആദ്യ റിപ്പോര്ട്ടുകളില് ഷീന ബോറ ഇന്ദ്രാണിയുടെ സഹോദരി ആണെന്നായിരുന്നു വാര്ത്തകള് വന്നിരുന്നത്. എന്നാല്, ഷീന ബോറ ഇന്ദ്രാണിയുടെ മകള് ആണെന്ന് കഴിഞ്ഞദിവസം ഇന്ദ്രാണിയുടെ െ്രെഡവറും പിന്നീട് ഇന്ദ്രാണിയുടെ മകന് മിഖൈല് ബോറയും സ്ഥിരീകരിച്ചിരുന്നു. ഇന്ദ്രാണി മുഖര്ജിയുടെ ആദ്യബന്ധത്തിലുള്ള കുട്ടികളാണ് മിഖൈല് ബോറയും ഷീന ബോറയും.
ഇവര് വിവാഹിതയാകുന്നതിന് മുമ്പ് ഉണ്ടായ കുട്ടികളാണ് ഇവരെന്നും അതിനാല് മറ്റുള്ളവരുടെ മുമ്പില് സഹോദരിയും സഹോദരനും ആയിട്ടായിരുന്നു ഇവരെ ഇന്ദ്രാണി പരിചയപ്പെടുത്തിയിരുന്നത് എന്നും റിപ്പോര്ട്ടുകളുണ്ട്. പീറ്റര് മുഖര്ജിയുടെ മകനുമായി ഷീന ബോറ അടുപ്പത്തിലായിരുന്നു. ഈ ബന്ധം ഇവര് ഇഷ്ടപ്പെട്ടിരുന്നില്ല. ഇതാണ് ഷീനയുടെ കൊലപാതകത്തില് കലാശിച്ചതെന്നാണ് റിപ്പോര്ട്ടുകള്. 2012ലായിരുന്നു ഷീന ബോറ കൊല ചെയ്യപ്പെട്ടത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha