പാളത്തില് ഓടിവരും കൊച്ചിയുടെ കൊമ്പന്; കൊച്ചി മെട്രോയുടെ ഭാവങ്ങളും വര്ണ്ണങ്ങളും
ആകെ 65 മീറ്റര് നീളമുള്ള മെട്രോ ട്രെയിന് മൂന്നു കോച്ചുകള് ചേര്ന്നതാണ്. ഓരോ കോച്ചിലും രണ്ട് ഏസി യൂണിറ്റുകള്. വീതിയുള്ള ജനാലകള് പുറം കാഴ്ച എളുപ്പമാക്കും. ഒരു കോച്ചിലേക്ക് നാലു വാതിലൂടെ ആളുകള്ക്കു കയറാം. ഇത് യാത്രയിലെ തിക്കും തിരക്കും ഇല്ലാതാക്കും. 975 യാത്രക്കാര്ക്ക് ഒരു ട്രെയിനില് യാത്ര ചെയ്യാം. പുറത്തുള്ള ശബ്ദം അല്പം പോലും കോച്ചിനുള്ളില് പ്രവേശിക്കില്ല. ട്രാക്കില് വീല് ഉരയുന്നപോലുള്ള അപ ശബ്ദങ്ങള് കേള്ക്കേണ്ടി വരില്ല.
സ്റ്റെയിന്ലെസ് സീറ്റുകളാണ് മെട്രോയുടേത്. ഇന്ത്യയില് എവിടെയും അങ്ങനെ തന്നെ. എന്നാല് ഗര്ഭിണികളായ സ്ത്രീകള്, രോഗികള്, അംഗ പരിമിതര്, പ്രായമായവര് തുടങ്ങിയ യാത്രക്കാരെ ഉദ്ദേശിച്ചുള്ള പ്രയോറിട്ടി സീറ്റുകള് എന്ന കുഷന് സീറ്റുകള് കൊച്ചി മെട്രോയില് മാത്രമേയുള്ളൂ . ഒരു കോച്ചില് നാലു സീറ്റുകളുണ്ടാവും. ഒരു ട്രെയിനില് 12 എണ്ണം. മഞ്ഞ കലര്ന്ന പച്ചയാണ് സീറ്റുകളുടെ നിറം. ഈ സീറ്റുകള് കോച്ചിന്റെ ഏതു ഭാഗത്താണുള്ളതെന്നു പ്ലാറ്റ് ഫോമില് തന്നെ അടയാളപ്പെടുത്തിയിട്ടുണ്ടാകും.
അംഗ പരിമിതര്ക്കും ശാരീരിക വൈകല്യമുള്ളവര്ക്കും രോഗികള്ക്കുമൊന്നും നമ്മുടെ പൊതു ഗതാഗത സംവിധാനങ്ങളില് കാര്യമായ പരിഗണനയില്ല. പക്ഷേ, മെട്രോയില് അങ്ങനെയല്ല. എല്ലാ കോച്ചുകളും വീല് ചെയര് കയറ്റാവുന്ന വിധത്തിലാണ്. ഏറ്റവും ആദ്യത്തെ കോച്ചില് െ്രെഡവറുടെ സീറ്റിനു പിറകിലുള്ള രണ്ടു സീറ്റുകള് മടക്കിവയ്ക്കാവുന്ന തരത്തിലാണ്. ഇവിടെ കോച്ചിന്റെ ഭിത്തിയുമായി വീല് ചെയര് ബന്ധിപ്പിക്കാം. വീല് ചെയര് യാത്രക്കാര്ക്ക് ആവശ്യമെങ്കില് ഡ്രൈവറുടെ സഹായവും തേടാം. ഇത് കൊച്ചി മെട്രോയില് മാത്രം.
കൊച്ചി മെട്രോ ട്രെയിന് നിയന്ത്രിക്കാന് രണ്ടു ഡ്രൈവര്മാരെ നിയോഗിക്കാനാണ് ഇപ്പോള് ഉദ്ദേശിക്കുന്നത്. ഒരാള് ട്രെയിനിലെ ഡ്രൈവര് ക്യാബിനിലും അപരന് കണ്ട്രോള് റൂമിലും. വേണമെങ്കില് ഡ്രൈവറില്ലാതെയും ഈ ട്രെയിന് ഓടിക്കാം. കമ്യുണിക്കേഷന് ബേസ്ഡ് ട്രെയിന് കണ്ട്രോള് സിസ്റ്റം ഉപയോഗിച്ചുള്ള ട്രെയിന് നിയന്ത്രണത്തില് ഓരോ ട്രെയിനിന്റെയും യാത്ര നിരീക്ഷിച്ച് കണ്ട്രോള് റൂമിലും ആളുണ്ട്. അതിനാല് തന്നെ കാലക്രമത്തില് കൊച്ചി മെട്രോയ്ക്ക് ഡ്രൈവര് ക്യാബിനിലെ ഡ്രൈവറെ ഒഴിവാക്കാം. അതിനുള്ള സാങ്കേതിക വിദ്യകൂടി ചേര്ത്താണ് ഓരോ ട്രെയിനും നിര്മിക്കുന്നത്.
കൊച്ചി മെട്രോയുടെ ഒരു കോച്ചില് ആറു എല്ഇഡി സ്ക്രീന് വീതമുണ്ട്. അതിലൂടെ വാര്ത്തകളും വിനോദ പരിപാടികളും കാണാം. ഇടയ്ക്കു പരസ്യം ചെയ്തു കെഎംആര്എല് അല്പം വരുമാനവുമുണ്ടാക്കും. ഇത്രയും സ്ക്രീനുകള് ഒരു കോച്ചില് ഇന്ത്യയില് ആദ്യമാണ്.
ആനയുടെ മസ്തകം പോലെ മുഖപ്പ്. പേരിനൊരു കൊമ്പ്. ആരെയും ആകര്ഷിക്കുന്നതാണ് ആനയുടെ ചന്തം. മലയാളിക്ക് ഏറെ ഇഷ്ടപ്പെട്ട മൃഗം. കൊച്ചി മെട്രോയുടെ കോച്ചിന്റെ നിര്മാണത്തിലും ആനയുടെ സ്വാധീനമുണ്ട്. ആനക്കൊമ്പിന്റെ ആകൃതിയിലാണ് എന്ജിനു മുന്നിലെ എല്ഇഡി ലൈറ്റുകളുടെ ക്രമീകരണം. അല്സ്റ്റോം ഇന്ത്യയില് ആദ്യം കോച്ചുകള് നിര്മിച്ചതു ചെന്നൈ മെട്രോയ്ക്കു വേണ്ടിയാണ്. തുടക്കത്തില് കൊച്ചി മെട്രോ കോച്ചും അതുപോലെ തന്നെയായിരുന്നു. ഇപ്പോഴതു മാറി. കൊച്ചിയുടെ കോച്ച് കൊമ്പന് തന്നെ.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha