പോലീസിന് പിണറായി സര്‍ക്കാരിന്റെ കടും വെട്ട് വരുന്നു. കേരള പോലീസ് തലപ്പത്തിരുന്ന് ഭരിക്കുന്ന ഉദ്യോഗസ്ഥര്‍ക്ക് നിയന്ത്രിക്കാന്‍ കഴിയാത്ത തരത്തില്‍ പോലീസില്‍ മാലിന്യങ്ങള്‍ കടന്നു കൂടിയിരുക്കുന്നതായാണ് ഇന്റലിജന്‍സിന്റെ റിപ്പോര്‍ട്ട്. പോലീസില്‍ വര്‍ദ്ധിച്ചുവരുന്ന ക്രമിനലിസത്തിനും അശ്രദ്ധയ്ക്കും എതിരെ കടുത്ത നിലപാടുകള്‍ എടുക്കാന്‍ തന്നെയാണ് സര്‍ക്കാര്‍ തീരുമാനം.
പോലീസ് സ്വതന്ത്ര്യ സമരം ..ഗോവിന്ദന്‍ സമരനായകന്‍
പോലീസിന് പിണറായി സര്‍ക്കാരിന്റെ കടും വെട്ട് വരുന്നു. കേരള പോലീസ് തലപ്പത്തിരുന്ന് ഭരിക്കുന്ന ഉദ്യോഗസ്ഥര്‍ക്ക് നിയന്ത്രിക്കാന്‍ കഴിയാത്ത തരത്തില്‍ പോലീസില്‍ മാലിന്യങ്ങള്‍ കടന്നു കൂടിയിരുക്കുന്നതായാണ് ഇന്റലിജന്‍സിന്റെ റിപ്പോര്‍ട്ട്. പോലീസില്‍ വര്‍ദ്ധിച്ചുവരുന്ന ക്രമിനലിസത്തിനും അശ്രദ്ധയ്ക്കും എതിരെ കടുത്ത നിലപാടുകള്‍ എടുക്കാന്‍ തന്നെയാണ് സര്‍ക്കാര്‍ തീരുമാനം. ആഭ്യന്തര വകുപ്പ് വലിയ പരാജയമാണെന്ന് കഴിഞ്ഞ സിപിഎം സംസ്ഥാന കമ്മിറ്റി യോഗത്തില്‍ വിലയിരുത്തപ്പെട്ടിരുന്നു. പോലീസ് തലപ്പത്തുള്ളവരെ മുഖ്യമന്ത്രി വിളിച്ചു വരുത്തി സര്‍ക്കാരിന്റെ പോലീസ് നയത്തെ കുറിച്ച് വിശദമായി സംസാരിച്ചതായാണ് അറിയുന്നത്. സിപിഎം സംസ്ഥന കമ്മിറ്റിയുടെ ആവശ്യപ്രകാരമാണ് നടപടികള്‍ നടന്നത്. പോലീസിലെ സേ്‌റ്റേഷന്‍ ഓഫീസര്‍ മുതല്‍ മുകളിലോട്ടുള്ള ഉദ്യോഗസ്ഥരെ മുഴുവന്‍ മാറ്റി പരീക്ഷണം നടത്താനാണ് തീരുമാനം. അടുത്തു വരുന്ന പാര്‍ലമെന്റ് തിരഞ്ഞെടുപ്പിന് മുന്‍പ് പോലീസില്‍ ശുദ്ധികലശം നടത്താനുള്ള നടപടികള്‍ ആരംഭിച്ചിട്ടുണ്ട്.. സംസ്ഥാന സെക്രട്ടറി എം.വി.ഗോവിന്ദന്റെ നേതൃത്വത്തിലായിരിക്കും നടപടികള്‍ പുരോഗമിക്കേണ്ടതെന്നും തീരുമാനിച്ചിട്ടുണ്ട്.
ംഭവങ്ങള്‍ ഇനിയുണ്ടാകാതിരിക്കാനായി ഉയര്‍ന്ന ഉദ്യോഗസ്ഥര്‍ കടുത്ത ജാഗ്രത പുലര്‍ത്തണമെന്നാണ് മുഖ്യമന്ത്രി ആവശ്യപ്പെട്ടിട്ടുള്ളത്. അടുത്തിടെ പോലീസിനെതിരെ ഉയര്‍ന്ന ആരോപണങ്ങളൊക്കെ സര്‍ക്കാരിന് നാണക്കേട് ഉണ്ടാക്കിയിരിക്കുകയാണ്. ഒന്നിന് പുറകേ ഒന്നായി ഉയരുന്ന ആരോപണങ്ങളെല്ലാം സര്‍ക്കാരിന് കനത്ത തിരിച്ചടിയായി മാറികൊണ്ടിരിക്കുകയാണ്. കൊച്ചി നഗരത്തില്‍ കാറില്‍ മോഡലിംഗ്കാരിയായ പത്തൊന്‍പത് വയസുകാരിക്ക് നേരിട്ട കൂട്ടബലാല്‍സംഗം ഞെട്ടലോടെയാണ് കേട്ടത്. അതിന് പിന്നാലെ ചീഫ ജസ്റ്റിസ് മണികുമാറിന്റെ കാറിനെ പിന്‍തുടര്‍ന്ന് അസഭ്യം പറയുകയും ഉപദ്രവിക്കാന്‍ ശ്രമിക്കുകയും ചെയ്ത സംഭവം കൂടി ആയതോടെ കൊച്ചിയില്‍ പോലീസിനെതിരെ രൂക്ഷ വിമര്‍ശനം ഉയര്‍ന്നിരിക്കുകയാണ്.ചീഫ് ജസ്റ്റിസിന് പോലും യാത്ര ചെയ്യാന്‍ സുരക്ഷിതത്വമില്ലാത്ത നഗരമായി കൊച്ചി മാറിയിരിക്കുന്നതായുള്ള കമന്റുകളാണ് നിറയുന്നത്. ചീഫ് ജസ്റ്റിന്റെ വാഹനമാണെന്നറിഞ്ഞു കൊണ്ടാണ് അക്രമി നാല് കിലോമീറ്ററോളം ദൂരം പിന്‍തുടര്‍ന്ന് അസഭ്യം വിളിച്ചത്. നാല് കിലോമീറ്റര്‍ ദൂരം ഒരു ചീഫ് ജസ്റ്റിസിനെ ആക്രമിക്കുക എന്ന ഉദ്ദേശ്യത്തോടെ ഒരാള്‍ സ്‌കൂട്ടറില്‍ പിന്‍തുടര്‍ന്നിട്ടും ഈ പ്രദേശത്തൊന്നും പോലീസ് സാന്നിധ്യമുണ്ടായില്ലെന്നത് വിചിത്രമായി കാണേണ്ട കാര്യമാണ്.ചീഫ ്ജസ്റ്റിസിന്റെ സുരക്ഷയ്‌ക്കോ അക്രമിയെ പിടികൂടാനോ ഒരു പോലീസ് വാഹനം പോലുമെത്തിയില്ല. ചീഫ് ജസ്റ്റിസ് എസ്.മണികുമാറിന്റെ വാഹനത്തിന് നേരെ ഞായറാഴ്ച രാത്രിയാണ് കൊച്ചി നഗരത്തില്‍ അക്രമം ഉണ്ടായത്. നഗരത്തിലെ ഔദ്യോഗിക വസതിയിലേയ്ക്ക് കാറില്‍ വരുന്നതിനിടെയാണ് അക്രമം നടന്നത്. പൈലറ്റിനായുള്ള ഒരു പോലീസ് ജീപ്പ് വാഹനത്തോടൊപ്പം ഉണ്ടായിരുന്നു.കണ്ടെയ്‌നര്‍ ടെര്‍മിനല്‍ റോഡില്‍ നിന്നും കൊച്ചി നഗരത്തിലേയ്ക്ക് കയറിയിതിന് ശേഷമാണ് സ്‌കൂട്ടറിലെത്തിയയാള്‍ പൈലറ്റ് വാഹനത്തിനും, ചീഫ് ജസ്റ്റിസിന്റെ കാറിനുമിടയില്‍ കയറിയത്. കാറിലുണ്ടായിരുന്ന സുരക്ഷാ ഉദ്യോഗസ്ഥന്‍ കണ്‍ട്രോള്‍ റൂമില്‍ വിവരം അറിയിച്ചെങ്കിലും ഹൈക്കോടതി ജംഗ്ഷന്‍ എത്തുന്നതുവരെ പോലീസ് വാഹനമെത്തിയില്ല.ചീഫ് ജസ്റ്റിനെതിരെ അക്രമം നടക്കുന്നുവെന്ന വിവരം ലഭിച്ചിട്ടും അദ്ദേഹത്തിന്റെ വീടിന് മുന്നില്‍ പോലും സുരക്ഷയൊരുക്കിയിരുന്നില്ല.വി.ഐ.പി സുരക്ഷയ്ക്ക് പോലും പോലീസ് എത്താത്തത് അതീവഗുരുതരമായാണ് വിലിയിരുത്തുന്നത്.ചീഫ് ജസ്റ്റിസിനുണ്ടായ സുരക്ഷാ വീഴ്ചയില്‍ കേന്ദ്ര ഇന്റലിജന്‍സ് ഏജന്‍സികളും ആഭ്യന്തര മന്ത്രാലയവും റിപ്പോര്‍ട്ട് തേടിയിട്ടുണ്ട്. ഇത്തരം ഗുതുരതര വീഴ്ചകള്‍ ഒന്നിന് പുറകെ ഒന്നായി സര്‍ക്കാരിന് തലവേദന സൃഷ്ടിച്ചു കൊണ്ടിരിക്കുകയാണ്. തിരുവന്തപുരം കോര്‍പ്പറേഷനില്‍ മേയര്‍ ആര്യ രാജേന്ദ്രന്‍ എഴുതിയ കത്തിനെ കുറിച്ചുള്ള ക്രൈംബ്രാഞ്ച്, വിജിലന്‍സ് അന്വേഷണങ്ങളെ കുറിച്ച് വ്യാപകമായ പരാതികളാണ് ഉയരുന്നത്,. പോലീസിനെ കൊണ്ട് വിഡ്ഡിവേഷം കെട്ടിക്കുന്നത് ജനങ്ങളില്‍ പോലീസിനുള്ള വിശ്വാസം നഷ്ടപ്പെടാന്‍ ഇടയാക്കുമെന്ന് കണക്കാക്കുന്നു. കത്ത് വിവാദം അന്വേഷിക്കു്ന്ന ക്രൈം ബ്രാഞ്ച് സംഘം നേരത്തെ അന്വേഷിച്ച കേസുകളെല്ലാം തന്നെ ദുരൂഹമായി തുടരുകയാണ്. സര്‍ക്കാരിനുവേണ്ട് മാത്രം സ്ഥാനത്തിരിക്കുന്ന ഡിജിപി അനില്‍കാന്തിന് പകരം മറ്റൊരാളെ കൊണ്ടു വന്നാലും പാര്‍ട്ടി നയം മാറാതെ പോലീസ് സേനയില്‍ മാറ്റമുണ്ടാകുമെന്ന് വിശ്വസിക്കാനാവില്ല.
പിണറായി സര്‍ക്കാരിന്റെ പോലീസ് ആറ് വര്‍ഷമായി നടത്തി വരുന്ന പ്രവൃത്തികളെ ഒറ്റപ്പെട്ട സംഭവങ്ങളെന്നാണ് മുഖ്യമന്ത്രി ഇപ്പോഴും പറയുന്നത്.
പോലീസ് സേനയില്‍ ശുദ്ധി വരുത്തേണ്ടത് അത്യാവശ്യമാണെന്ന് നന്നായി അറിയാവുന്ന ആളും മുഖ്യമന്ത്രി തന്നെ. വീട്ടമ്മയെ വീട്ടില്‍ കയറി കൂട്ടബലാല്‍ സംഗം ചെയ്ത കേസില്‍ സര്‍ക്കിള്‍ ഇന്‍സ്പക്ടര്‍ പ്രതിയാകുന്നത് വരെയെത്തി കാര്യങ്ങള്‍. അതു പോലെ രണ്ട് കുട്ടികളെ മാറി മാറി ലൈംഗീക പീഡനത്തിനിരയാക്കിയ സിപിഎ വിനോദ് കുമാറും കേരള പോലീസിലാണ് ജോലി ചെയ്യുന്നത്. പോലീസിന്റെ ഇത്തരം പ്രവണതകള്‍ പൊതു ജനത്തിന് സഹിക്കുന്നതിനും അപ്പുറമായി മാറിയിരിക്കുകയാണ്. കിളികൊല്ലൂര്‍ സംഭവം, പാറശ്ശാല ശാരോണ്‍ വധം തുടങ്ങി എല്ലാ സ്ഥലങ്ങളിലും പോലീസിന്റെ വീഴ്ചകളും അക്രമങ്ങളും കൂടി വരുന്നതായാണ് സമീപകാല സംഭവങ്ങള്‍ തെളിയിക്കുന്നത്. പോലീസില്‍ ക്രിമിനലുകള്‍ ഉള്ളതു പോലെ തന്നെ മതതീവ്രവാദികളും ജോലി ചെയ്യുന്നതായി കണ്ടെത്തിയിട്ടും നടപടിയൊന്നുമില്ല. പോലീസുകാരുടെ സംഘടനകളെല്ലാം സിപിഎം അനുകൂലമായി മാറിയതോടെ ആര്‍ക്കെതിരെയും നടപടിയെടുക്കാന്‍ പോലീസിന് കഴിയുന്നില്ല. പോലീസിലെ ക്രമിനലുകള്‍ക്ക് ചേക്കേറാനുള്ള സംഘടനകളായി അവ മാറിയിരിക്കുന്നു. കേരള പോലീസില്‍ ഗുരുതരമായ കുറ്റകൃത്യങ്ങളില്‍ ഏര്‍പ്പെട്ട അന്‍പത്തി ഒന്‍പത് പേര്‍ പോലീസിലുണ്ട്. നാളിതുവരെ ഗുരുതര കുറ്റം ചെയ്ത പോലീസുകാരില്‍ പതിനെട്ട് പേരെ മാത്രമാണ് സര്‍വ്വീസില്‍ നിന്നും പിരിച്ചി വിട്ടത്. എന്നാല്‍ അതിലും മാരകമായ കുറ്റകൃത്യങ്ങളില്‍ ഏര്‍പ്പെട്ടിരിക്കുന്ന പോലീസുകാര്‍ ഇപ്പോഴും സര്‍വ്വീസിലുണ്ടെന്നതിന്റെ തെളിവാണ് നിരന്തരം പോലീസുകാര്‍ക്കെതിരെയുണ്ടാകുന്ന കേസുകള്‍. ബലാല്‍സംഗം,. സ്ത്രീകളെയും കുട്ടികളെയും ആക്രമിക്കല്‍, മോഷണം, ലൈംഗീക പീഡനം, കള്ളപണ ഇടപാട് , തുടങ്ങി പോലീസുകാര്‍ ഉള്‍പ്പെടാത്ത കേസുകള്‍ വളരെ കുറവാണ്. കേരളത്തിലെ പോലീസ് സംവിധാനത്തിനെതിരെ കടുത്ത വിമര്‍ശനം ഉന്നയിച്ചിട്ടുള്ളയാളാണ് പിണറായി വിജയന്‍ .
എന്നാല്‍ അദ്ദേഹത്തിന്റെ ഭരണകാലത്ത് പോലീസിനെ കയറൂരിവിട്ടിരിക്കുന്ന അവസ്ഥയാണ്. സെക്രട്ടറിയേറ്റിലുരുന്ന പോലീസിനെ നിയന്ത്രിക്കുന്നവര്‍ എല്ലാ കുറ്റകൃതൃങ്ങള്‍ക്കും ഒത്താശ ചെയ്തു കൊടുക്കുന്നതായാണ് ആരോപണം. മുഖ്യമന്ത്രിയുടെ ഓഫീസ് കേന്ദ്രീകരിച്ചാണ് കുറ്റവാളികളായ പോലീസുകാര്‍ക്ക് സംരക്ഷണം നല്കുന്നതെന്ന് പറയപ്പെടുന്നു. എന്നാല്‍ ജോലിയ്ക്കിടയിലെ മാനസിക പിരിമുറുക്കം കൊണ്ടാണ് പലപ്പോഴും പൊതുജനത്തോട് മോശമായി പെരുമാറേണ്ടി വരുന്നതെന്നാണ് പോലീസുകാര്‍ പറയുന്നത്. എന്നാലും അതിജീവിതയെ പീഡിപ്പിക്കാനായി മനസു വന്ന പോലീസുകാരന്‍ സര്‍വ്വീസില്‍ തുടരണമോയെന്ന് തീരുമാനിക്കേണ്ടത് സര്‍ക്കാരാണ്. പോക്‌സോ കേസിലെ അതിജീവിതയാണ് റിട്ടയര്‍മെന്റിന് അടുത്തെത്തിയ എ.എസ്.ഐ പീഡിപ്പിക്കാന്‍ ശ്രമിച്ചത്. ഇത്തരം പോലീസ് വൈകൃതങ്ങള്‍ സമൂഹത്തില്‍ പലരും അനുഭവിക്കുന്നുണ്ട്. എന്നാല്‍ ഭയം കാരണം പുറത്തു പറയുന്നില്ലെന്നേയുള്ളൂ
https://www.facebook.com/Malayalivartha
