ക്ഷേത്രങ്ങളില് നിന്നുള്ള വരുമാനം സര്ക്കാര് കട്ടുമുടിക്കുകയാണോ?
സോഷ്യല് മീഡിയകള്ക്ക് വന് പ്രചാരം ലഭിച്ചിരിക്കുന്ന കാലത്ത് ഏതൊരാള്ക്കും വളരെ എളുപ്പം തന്റെ ആശയങ്ങള് മറ്റുള്ളവരിലേക്ക് എത്തിക്കാം. പലപ്പോഴും അത്തരം ആശയങ്ങള് ശരിയായിരിക്കണം എന്നുമില്ല. എന്നാല് ശരിയല്ലെങ്കില്കൂടി അവ ഉണ്ടാക്കുന്ന പ്രത്യാഘാതങ്ങള് വലുതുമായിരിക്കും.
മതഭേതമന്യേ വര്ഗീയ വിഷം ചേര്ത്ത അനവധി പോസ്റ്റുകളാണ് ഫേസ്ബുക്കിലും മറ്റും പടര്ന്നു പിടിക്കുന്നത്. എന്നാല് ഇക്കാര്യത്തില് വലിയ ഇടപെടലുകള് നടത്താന് സൈബര് സെല്ലിനും കഴിയുന്നില്ല എന്നതാണ് വസ്തുത. പൊതുജനങ്ങള് തന്നെ സ്വയം ഇത്തരത്തിലുള്ള പോസ്റ്റുകളെ ചെറുക്കേണ്ടിയിരിക്കുന്നു. ചെറിയ ശ്രമങ്ങളൊക്കെ പലയിടങ്ങളില് നിന്നും ഉണ്ടാകുന്നുമുണ്ടെങ്കിലും അതുമാത്രം പോര.
എന്നാല് വിവരാവകാശ നിയമം പ്രാബല്യത്തില് വന്നതോടെ മിക്ക സംശയവും ദൂരികരിക്കാം എന്ന അവസ്ഥയും ഇന്നുണ്ട്. ഫേസ്ബുക്കും മറ്റും വഴി ചില സംഘടനകള് ജനങ്ങളെ തെറ്റിദ്ധരിപ്പിക്കുന്ന തരത്തില് പടച്ചു വിടുന്ന ഒന്നാണ് കേരളത്തിലെ ക്ഷേത്രങ്ങളിലെ വരുമാനത്തെ സംബന്ധിച്ച കാര്യങ്ങള്.
വിവരാവകാശ പ്രകാരം കെ.സി ഉദയകുമാര് എന്ന വ്യക്തി കേരളത്തിലെ ക്ഷേത്രവരുമാനങ്ങള് എങ്ങോട്ടു പോകുന്നു എന്നറിയാന് സമര്പ്പിച്ച ചോദ്യങ്ങള്ക്ക് ലഭിച്ച മറുപടിയില് കൃത്യമായി പറയുന്നുണ്ട് ക്ഷേത്രവരുമാനങ്ങള് ദേവസ്വം ബോര്ഡിലേക്ക് മാത്രമാണ് എത്തുന്നതെന്നും സര്ക്കാര് ഖജനാവിലേക്ക് എത്തുന്നില്ല എന്നും. തിരുവിതാംകൂര് ദേവസ്വം ബോര്ഡില് നിന്നും 2011-ല് ഉദയകുമാറിന് ലഭിച്ച രേഖ താഴെ ചേര്ക്കുന്നു.
1. ചോദ്യം : തിരുവിതാംകൂര് ദേവസ്വം ബോര്ഡിന് കീഴില് എത്ര ക്ഷേത്രങ്ങളുണ്ട്. ശബരിമല ക്ഷേത്രം തിരുവിതാംകൂര് ദേവസ്വം ബോര്ഡിന് കീഴില് വരുന്നതാണോ?
ഉത്തരം: 1186 ക്ഷേത്രങ്ങള്. അതെ
2. തിരുവിതാംകൂര് ക്ഷേത്രത്തിന് കീഴിലുള്ള ക്ഷേത്രങ്ങളിലെ വരുമാനം എല്ലാം ദേവസ്വം ബോര്ഡിലേക്കാണോ വരുന്നത്?
ഉത്തരം: അതെ
3. തിരുവിതാംകൂര് ക്ഷേത്രത്തിന് കീഴിലുള്ള ക്ഷേത്രങ്ങളിലെ വരുമാനം സര്ക്കാരിന് നല്കുന്നുണ്ടോ?
ഉത്തരം: ഇല്ല
4. ശബരിമല ക്ഷേത്രത്തിലെ വരുമാനം സര്ക്കാരിലേക്കാണോ മുതല്ക്കൂട്ടുന്നത്? അതോ ദേവസ്വം ബോര്ഡിലേയ്ക്കോ?
ഉത്തരം: ഇല്ല. ബോര്ഡിലേയ്ക്ക്
5. സര്ക്കാരിലേക്കാണെങ്കില് ശബരിമല ക്ഷേത്ര വരുമാനത്തിന്റെ എത്ര ശതമാനമാണ്?
ചോദ്യത്തിന് പ്രസക്തിയില്ല.
6. ദേവസ്വം ബോര്ഡിന് സര്ക്കാരില് നിന്നും ധനസഹായം ഉണ്ടോ? ഉണ്ടെങ്കില് എത്ര?
ഉണ്ട്. പ്രതിവര്ഷം 80 ലക്ഷം രൂപ.
ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha