വ്യാജനെ പിടികൂടാനും ഇനി സ്മാര്ട്ട്ഫോണ്
ലോകമെങ്ങും വിപണി കീഴടക്കിയ ഇലക്ടോണിക് ഉല്പന്നങ്ങള് ഉള്പ്പെടെ വ്യാജന്മാരെ കൈയ്യോടെ പിടികൂടാന് ഇനി സ്മാര്ട്ട് ഫോണുകളും. മസാചൂസറ്റ്സ് ഇന്സ്റ്റിറ്റിയൂട്ട് ഓഫ് ടെക്നോളജിയിലെ കെമിക്കല് എന്ജിനീയര്മാരാണ് കമ്പനി ഉള്പ്പന്നങ്ങളുടെ ടാഗ് ആയി ഉപയോഗിക്കാവുന്ന അതിസൂക്ഷ്മമായ പുതിയ കണികകള് വികസിപ്പിച്ചെടുത്തത്. നഗ്നനേത്രങ്ങള്ക്ക് അദൃശ്യമായ ഇവ വിവിധ വര്ണങ്ങളില് നിര്മിക്കാനാവും. ഇന്ഫ്രാറെഡ് വെളിച്ചത്തില് ഇവ തിളങ്ങുന്നതിനാല് സ്മാര്ട്ട് ഫോണുകള്ക്ക് വായിച്ചെടുക്കാനും സൗകര്യമാകും. ഓരോ ഉല്പ്പന്നത്തിനും സ്വതന്ത്രമായ ടാഗ് നല്കുന്നതോടെ അപരന്മാരെ എളുപ്പം പിടികൂടാമെന്ന് നിര്മാതാക്കള് അവകാശപ്പെടുന്നു. സൂക്ഷ്മമായ ഈ ടാഗുകള് ഏത് കാലാവസ്ഥയെയും അതിജീവിക്കാന് ശേഷിയുളളതാണ്. ദശലക്ഷകണക്കിന് ഉള്പ്പന്നങ്ങള് നിര്മിക്കുന്ന കമ്പനികള്ക്ക് ഓരോ ഉല്പന്നത്തിനും സ്വതന്ത്രമായ ടാഗുകള് നല്കാനും സംവിധാനമുണ്ട്. ഇലക്ടോണിക് ഉല്പന്നങ്ങള്, നാണയങ്ങള്, ആഡംബര വസ്തുക്കള് തുടങ്ങിയ വ്യാജന്മാരുടെ ശല്യം കൂടുതലുളള മേഖലകളില് ഇത് പ്രയോജനപ്പെടുത്തുകയാണ് ലക്ഷ്യം.
https://www.facebook.com/Malayalivartha