വിവാഹദിനത്തിലെ അപൂര്‍വ്വ നിമിഷം ആരാധകരുമായി പങ്കുവെച്ച്‌ സാമന്ത. വിവാഹത്തിനിടയില്‍ സന്തോഷത്താല്‍ കണ്ണുനിറഞ്ഞ നിമിഷമാണ് സാമന്ത ആരാധകര്‍ക്കായി പങ്കുവെച്ചിരിക്കുന്നത്. അലെന്‍ ജോസഫ് പകര്‍ത്തിയ ചിത്രമാണ് സാമന്ത പങ്കുവെച്ചിരിക്കുന്നത്.

'എനിക്കറിയില്ല ഈ ചിത്രത്തെ കുറിച്ച്‌ എന്താണ് പറയേണ്ടതെന്ന്. വിവാഹദിനത്തിലെ ഒരു ദൃശ്യമാണിത്. വികാരഭരിതമായ ഈ മനോഹരനിമിഷം എന്നത്തേക്കുമായി പകര്‍ത്തിയത് അലെന്‍ ജോസഫാണ്. 

കഴിഞ്ഞ ദിവസം പറഞ്ഞതുപോലെ പോസ് ചെയ്തെടുക്കുന്ന ചിത്രങ്ങളേക്കാള്‍ യഥാര്‍ത്ഥ നിമിഷങ്ങളാണ് എന്നും കാലത്തെ അതിജീവിക്കുന്നത്.

വികാരത്തില്‍ മുങ്ങിപ്പോയ വധു ഒരു ചിത്രം. ഒരുപാട് ആന്ദകരമായ ചിരികള്‍ക്കിടയില്‍ സാമന്തയും, നിറഞ്ഞൊഴുകിയ സന്തോഷാശ്രുക്കളും.' സാമന്ത കുറിച്ചു.

നടി സമന്തയും തെലുങ്ക് നടന്‍ നാഗചൈതന്യയും ക്രൈസ്തവ ആചാരപ്രകാരം വിവാഹിതരായി. കഴിഞ്ഞ ദിവസം വെച്ച് ഹിന്ദു ആചാരപ്രകാരമുള്ള വിവാഹചടങ്ങ് നടന്നിരുന്നു. വിവാഹ ചിത്രങ്ങള്‍ നാഗചൈതന്യയുടെ പിതാവും നടനുമായ നാഗാര്‍ജുന ആരാധകരുമായി പങ്കുവെച്ചു.

ക്രൈസ്തവരീതിയിലുള്ള വിവാഹത്തിന് ഗൗണും ഹൈന്ദവ വിവാഹത്തില്‍ പരമ്പരാഗത രീതികളനുസരിച്ച് നാഗചൈതന്യയുടെ മുത്തശ്ശിയുടെ വിവാഹസാരിയാണ് സമന്ത ധരിച്ചത്. മുണ്ടും കുര്‍ത്തയുമണിഞ്ഞാണ് നാഗചൈതന്യ എത്തിയത്.

ഞായറാഴ്ച ഹൈദരാബാദില്‍ വച്ചു നടക്കുന്ന വിരുന്നില്‍ സിനിമാരംഗത്തെ പ്രമുഖര്‍ പങ്കെടുക്കും. തെലുങ്ക് സൂപ്പര്‍ താരം നാഗാര്‍ജ്ജുനയുടെ ആദ്യ ഭാര്യ ലക്ഷ്മിയുടെ മകനാണ് നാഗചൈതന്യ. ജനുവരിയിലായിരുന്നു ഇവരുടെ വിവാഹനിശ്ചയം നടന്നത്.

വിവാഹം അടുത്ത വര്‍ഷം നടത്താനായിരുന്നു തീരുമാനം. ഇതിനിടെ നാഗചൈതന്യയുടെ അര്‍ദ്ധ സഹോദരനും നടി അമലയുടെ മകനുമായ അഖില്‍ അക്കിനേനിയുടെ മേയില്‍ നടക്കാനിരുന്ന വിവാഹം മുടങ്ങി. ഇതോടെ നാഗചൈതന്യയുടെ വിവാഹം ഉടന്‍ തന്നെ നടത്താന്‍ ഇരുവീട്ടുകാരും തീരുമാനിക്കുകയായിരുന്നു.