മലയാളി വാര്‍ത്ത
മധുരം മധുരം എന്ന മലയാളത്തിന്റെ ദേശഭക്തി ഗാനം ഒറ്റ ദിവസം കൊണ്ട്‌ ലോകത്തെമ്പാടുമുള്ള അനേകായിരങ്ങളാണ്‌ ആസ്വദിച്ചത്. സ്വാതന്ത്ര്യ ദിനത്തില്‍ ആഗോളതലത്തില്‍ സംപ്രേഷണം ചെയ്‌തു എന്ന പ്രത്യേകതയും ഈ ഗാനത്തിനുണ്ട്‌. മാത്രമല്ല ഈ ഗാനം യൂട്യൂബിലും വൈറലാകുന്നു. യൂട്യൂബില്‍ അപ്‌ലോഡ്‌ ചെയ്‌ത്‌ മണിക്കൂറുകള്‍ക്കുള്ളില്‍ തന്നെ നാലായിരത്തിലധികം ആള്‍ക്കാര്‍ ഈ ഗാനം കണ്ടു.
ഫേസ്‌ബുക്കിലൂടെയും ഈ ഗാനം ഷെയര്‍ ചെയ്‌തു പോകുന്നു. മലയാളി വാര്‍ത്തയുടെ ഫേസ്‌ബുക്കില്‍ കൂടി മാത്രം ഒറ്റ ദിവസം കൊണ്ട്‌ ഈ ഗാനത്തെപ്പറ്റി അറിഞ്ഞത്‌ രണ്ടുലക്ഷത്തിലധികം പേരാണ്‌. ആയിരത്തിലധികം പേര്‍ ഷെയര്‍ ചെയ്യുകയും രണ്ടായിരത്തിലധികം പേര്‍ ലൈക്ക്‌ ചെയ്യുകയും ചെയ്‌തു.
![\"\"](\"/userfiles/anwar)
കേന്ദ്ര സര്‍ക്കാരിന്റെ വാര്‍ത്താവിതരണ പ്രക്ഷേപണ മന്ത്രാലയത്തിന്റെ നിര്‍ദ്ദേശ പ്രകാരം എല്ലാ ഭാരതീയ ഭാഷകളിലും തയ്യാറാക്കിയ ദേശഭക്തി ഗാനങ്ങളില്‍ നിന്നുമാണ്‌ മലയാളത്തിലെ ദേശഭക്തി ഗാനം ഒന്നാമതായി തെരഞ്ഞെടുത്തത്‌. തിരുവനന്തപുരം ദൂരദര്‍ശനാണ്‌ ഈ ദേശഭക്തിഗാനം നിര്‍മ്മിച്ചത്‌. ദേശീയ അവാര്‍ഡ്‌ ജേതാവായ എ. അന്‍വറാണ്‌ ഈ ദേശഭക്തി ഗാനത്തിന്റെ സംവിധായകന്‍.
ഇന്ത്യ ഒന്നാകെ പാടുന്ന ആ ഗാനം ആസ്വദിച്ചാലും
ഈ റിപ്പോര്‍ട്ടുകൂടി വായിക്കുക
മലയാളത്തിന്റെ സ്വന്തം ദേശഭക്തി ഗാനം ഇനി ഭാരതത്തിന്‌ സ്വന്തം
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
