പിഞ്ചുകുഞ്ഞിന് അന്ത്യകര്മ്മങ്ങള്ക്കിടെ ജീവന്
മാസം തികയാതെ പ്രസവിച്ച കുഞ്ഞിനെ ഇന്ക്യുബേറ്ററില് സൂക്ഷിച്ച് ചികിത്സ ചെ.യ്യുന്നതിനിടെ മരിച്ചെന്ന് ഡോക്ടര്മാര് വിധിയെഴുതി. കുഞ്ഞിന്റെ അന്ത്യകര്മ്മങ്ങള്ക്കിടെ ജീവന് വച്ചു. ചടങ്ങിന്റെ ഭാഗമായി കുഞ്ഞിന്റെ മൃതദേഹത്തില് ചുണ്ടില് പാല് ഇറ്റിച്ചു കൊടുക്കുന്നതിനിടെ കുഞ്ഞത് നുണച്ചിറക്കുകയായിരുന്നു. അതോടെ കുഞ്ഞിനെ ആശുപത്രിയിലേക്ക് മാറ്റി.
കുംട്ടയിലെ ഗൗരി-പുഷ്പരാജ് ദമ്പതിമാരുടെ കുഞ്ഞാണ് വീട്ടുകാരെയും ഡോക്ടറേയും അത്ഭുതപ്പെടുത്തികൊണ്ട് തമരണമുഖത്തു നിന്ന് തിരിച്ചു വന്നത്. കുത്താറിലെ ഒരു സ്വകാര്യ ആശുപത്രിയില് ആഗസ്റ്റ് 15 ന് ഗൗരി ഗൗരി മാസം തികയാതെ പ്രസവിച്ചത്. പ്രസവിച്ചയുടനെ കുഞ്ഞിനെ ഇന്ക്യൂബേറ്ററിലേക്ക് മാറ്റി. എട്ടു ദിവസം ഇന്ക്യുബേറ്ററില് ചികിത്സിച്ചു. കഴിഞ്ഞദിവസം ഡോക്ടര്മാര് പുഷ്പരാജിനെ വിളിച്ച് കുഞ്ഞ് മരിച്ചതായി അറിയിച്ചു. തുടര്ന്ന് പുഷ്പരാജന് കുഞ്ഞിനെ വീട്ടിലേക്ക് കൊണ്ടുപോയി.
തെക്കൂട്ടുള്ള ചെമ്പുഗുഡ്ഡെ ശ്മശാനത്തിലാണ് സംസ്കാരത്തിന് ഏര്പ്പാടു ചെയ്തത്. ദഹിപ്പിക്കുന്നതിനു മുമ്പ് ആചാരപ്രകാരം കുഞ്ഞിന് നീരു കൊടുക്കുന്ന ചടങ്ങുണ്ടായിരുന്നു. തൊട്ടടുത്ത കടയില് നിന്ന് പാലു വാങ്ങിയാണ് കൊടുത്തത്. ചുണ്ടില് പാലിറ്റിച്ച സമയത്ത് കുഞ്ഞ് ചുണ്ടനക്കി. ചലനം കണ്ടതോടെ ഉടന് വാഹനത്തില് മംഗലാപുരത്തെ സ്വകാര്യ ആശുപത്രിയിലെത്തിച്ചു. നേരത്തെ കുഞ്ഞിനെ ചികിത്സിച്ച സ്വകാര്യ ആശുപത്രിക്കെതിരെ പുഷ്പരാജന് പോലീസില് പരാതി നല്കിയിട്ടുണ്ട്. ചികിത്സയിലിരിക്കുന്ന കുഞ്ഞിന്റെ നിലയില് പുരോഗതിയുണ്ട്.
https://www.facebook.com/Malayalivartha