മലയാളി താരം ശ്രീശാന്ത്‌ തിരിച്ചു വരുന്നു. ജയ്‌പൂര്‍ രാജകുമാരിയുമായുള്ള വിവാഹം ഓണം കഴിഞ്ഞു നടത്തും. കൂടാതെ എല്ലാ വേദനകളും മാറ്റി വച്ച്‌ ക്രിക്കറ്റ്‌ പരിശീലനത്തിലേക്കും ശ്രീശാന്ത്‌ ഇറങ്ങുകയാണ്. ഐപിഎല്‍ തുടങ്ങുന്നതിനു മുമ്പേ ശ്രീശാന്തിന്റെ വിവാഹം ഏതാണ്ട്‌ ഉറപ്പിച്ചതായിരുന്നു. ഇതിനിടയ്‌ക്കാണ്‌ വാതുവയ്‌പ്പില്‍ അറസ്റ്റു ചെയ്‌ത്‌ ശ്രീശാന്ത്‌ ജയിലിലാകുന്നത്. ശ്രീശാന്തിന്റെ വിവാഹം തകര്‍ക്കാനായി ചിലര്‍ ശ്രമിക്കുന്നതിന്റെ ഭാഗമായിരുന്നു ഈ വാതുവയ്‌പ്പ്‌ കേസെന്നു പോലും വീട്ടുകാര്‍ പറഞ്ഞിരുന്നു. എന്നാല്‍ ശ്രീശാന്ത്‌ ജയിലിലായിട്ടും ശക്തമായ പിന്തുണയാണ്‌ ജയ്‌പൂരിലെ പെണ്‍കുട്ടിയും അവരുടെ രാജകുടുംബവും നല്‍കിയത്‌. ശ്രീശാന്തിന്‌ ഇത്രവേഗം ജീവിതത്തിലേക്ക്‌ തിരിച്ചുവരാന്‍ കഴിഞ്ഞതും ഈ പെണ്‍കുട്ടിയുടെ കാത്തിരിപ്പും സ്‌നേഹവുമായിരുന്നു. വിവാഹകാര്യം മാതാപിതാക്കളുടെ തീരുമാനമനുസരിച്ചു നടത്തും. സമ്പത്തിന്റേയും പാരമ്പര്യത്തിന്റേയും കാര്യത്തില്‍ ഉന്നതിയിലുള്ളതാണ്‌ ജയ്‌പൂര്‍ രാജകുടുബം. ലോകത്തുള്ള സകല ആളുകളും തള്ളിപ്പറഞ്ഞാലും ശ്രീശാന്തിന്‌ വേണ്ടി ഇത്രയും അധികം പ്രാര്‍ത്ഥിച്ച മറ്റാരുമുണ്ടാവില്ല. അവളാണ്‌ ആ ജയ്‌പൂര്‍ രാജ കുമാരി. പോലീസ് പിടിയിലായതിനു ശേഷവും പ്രണയിനി ശ്രീയുമായി ഒരു വട്ടം സംസാരിച്ചിരുന്നു എല്ലാ ദിവസവും ഡല്‍ഹിയിലെ ഒരു അഭിഭാഷകനെ വിളിച്ച് വിവരങ്ങള്‍ അന്വേഷിക്കച്ചിരുന്നു. ശ്രീശാന്തിന്റെ അടുത്ത സുഹൃത്തുക്കള്‍ക്കും അമ്മയ്ക്കും മാത്രമാണ് പെണ്‍കുട്ടി ആരാണെന്ന് അറിയാവുന്നത്. 80 കോടിയാണ് വിവാഹത്തിന് ജയ്പുര്‍ രാജകുടുംബം ശ്രീക്ക് നല്‍കാനിരുന്നതെന്ന് സുഹൃത്തുക്കള്‍ പറയുന്നു. പെണ്‍കുട്ടിയാണ് പ്രണയാഭ്യര്‍ഥനയുമായി ശ്രീശാന്തിനെ സമീപിച്ചത്.
ഇതിനിടയില്‍ മുടങ്ങിക്കിടന്ന ക്രിക്കറ്റ്‌ പരിശീലനവും ശ്രീശാന്ത്‌ കൊച്ചിയില്‍ തുടങ്ങും. എന്നാല്‍ ബിസിസിഐയുടെ വിലക്കുള്ളതിനാല്‍ കേരള ക്രിക്കറ്റ്‌ അസോസിയേഷന്റെ സൗകര്യങ്ങള്‍ നല്‍കില്ല. അതിനാല്‍ സ്വന്ത നിലക്കായിരിക്കും പരിശീലനം. ചില ക്ഷേത്രങ്ങളിലെ ദര്‍ശനങ്ങല്‍ കൂടി ബാക്കിയുണ്ട്‌. അത്‌ കഴിഞ്ഞ്‌ പഴയ ഗെറ്റപ്പായി വരുമെന്നാണ്‌ ശ്രീ പറയുന്നത്‌.