ഐ.പി.എല്ലില്‍ ഞായറാഴ്​ച നടന്ന ആദ്യ മത്സരത്തില്‍ കൊല്‍ക്കത്ത നൈറ്റ്​ റൈഡേഴ്​സിനെതിരെ ചെന്നൈ സൂപ്പര്‍ കിങ്​സിന് ജയം. അവസാന പന്ത്​ വരെ ആവേശം നിറഞ്ഞുനിന്ന മത്സരത്തില്‍ രണ്ട്​ വിക്കറ്റിനാണ്​ കൊല്‍ക്കത്തയെ തകര്‍ത്തത്​.

ആറ്​ വിക്കറ്റ്​ നഷ്​ടത്തില്‍ 171 റണ്‍സായിരുന്നു​ കൊല്‍ക്കത്തയുടെ സമ്ബാദ്യം. ത്രിപാതി (45), നിതീഷ്​ റാണ (37*) എന്നിവരുടെ ബാറ്റിങ്​ മികവാണ്​​ കൊല്‍ക്കത്തയെ മികച്ച സ്​കോര്‍ കണ്ടെത്താന്‍ സഹായിച്ചത്​​. ദിനേശ്​ കാര്‍ത്തിക്​ (26), റസല്‍ (20), വെങ്കടേശ്​ ​അയ്യര്‍ (18) എന്നിവരാണ്​ രണ്ടക്കം കടന്ന മറ്റു ബാറ്റ്​സ്​മാന്‍മാര്‍. ചെന്നൈക്ക്​ വേണ്ടി ഹെയ്​സല്‍വുഡും താക്കൂറും രണ്ട്​ വിക്കറ്റുകള്‍ നേടി. ജഡേജക്കാണ്​ ഒരു വിക്കറ്റ്​.

മറുപടി ബാറ്റിങ്ങിനിറങ്ങിയ ചെന്നൈക്ക്​ വേണ്ടി ഓപണര്‍മാരായ ഗെയ്​കവാദും ഡു​െപ്ലസിസും മികച്ച തുടക്കമാണ്​ നല്‍കിയത്​. ഇരുവരും ചേര്‍ന്ന്​ ഒന്നാം വിക്കറ്റില്‍​ 71 റണ്‍സി​െന്‍റ കൂട്ടു​െകട്ട്​​ പടുത്തുയര്‍ത്തി​. പിന്നീട്​ വന്ന മുഈന്‍ അലിയും 32 റണ്‍സെടുത്ത്​ കട്ടക്ക്​ കൂടെനിന്നു.

എന്നാല്‍, തുടര്‍ന്ന്​ ക്രീസിലെത്തിയ അമ്ബാട്ടി റായ്​ഡുവും റെയ്​നവും ക്യാപ്​റ്റന്‍ ധോണിയും കാര്യമായ സംഭാവനകള്‍ നല്‍കാതെ പുറത്തായി. അവസാന പന്തുകളില്‍ തകര്‍ത്തടിച്ച ജദേജയാണ്​ ചെന്നൈയെ വിജയത്തിലേക്ക്​ നയിച്ചത്​. എട്ട്​ പന്തില്‍ 22 റണ്‍സാണ്​ ജദേജയെടുത്തത്​​.

അവസാന ഓവറില്‍ ജയിക്കാന്‍ നാല്​​ റണ്‍സ്​ മാത്രമാണ്​ ചെന്നൈക്ക്​ വേണ്ടിയിരുന്നത്​. നരെയ്​ന്‍ എറിഞ്ഞ ആദ്യ പന്തില്‍ തന്നെ സാം കറാന്‍ പുറത്തായി. അടുത്ത പന്തില്‍ താക്കൂറിന്​ റണ്ണൊന്നും കണ്ടെത്താനായില്ല. മൂന്നാം പന്തില്‍ താക്കൂര്‍ മൂന്ന്​ റണ്‍സെടുത്തതോടെ ജദേജ ക്രീസിലെത്തി. നാലാം പന്തില്‍ വീണ്ടും പൂജ്യം. അഞ്ചാം​ പന്തില്‍ വിക്കറ്റിന്​ മുന്നില്‍ കുരുങ്ങി ജദേജ പുറത്തായതോടെ കളി വീണ്ടും ബലാബലായി. എന്നാല്‍, അവസാന പന്തില്‍ ദീപക്​ ചഹാര്‍ ഒരു റണ്‍സെടുത്ത്​ ചെന്നൈയെ വിജയത്തിലെത്തിച്ചു.

കൊല്‍ക്കത്തക്ക്​ വേണ്ടി സുനില്‍ നരെയ്​ന്‍ മൂന്ന്​ വിക്കറ്റ്​ വീഴ്​ത്തി. പ്രസിദ്ധ്​ കൃഷ്​ണ, ഫെര്‍ഗൂസന്‍, വരുണ്‍ ചക്രവര്‍ത്തി, റസല്‍ എന്നിവര്‍ ഓരോ വിക്കറ്റുകള്‍ നേടി. ഈ ജയത്തോടെ 16 പോയിന്‍റുമായി ചെന്നൈ പട്ടികയില്‍ വീണ്ടും ഒന്നാമതെത്തി. ഡല്‍ഹിക്ക്​ 16 പോയന്‍റാണെങ്കിലും റണ്‍റേറ്റില്‍ പിറകിലാണ്​.