സീസണിലെ ടേബിള്‍ ടോപ്പേഴ്​സായ ചെന്നൈ സൂപ്പര്‍കിങ്​സിനെ ഏഴുവിക്കറ്റിന്​ തകര്‍ത്ത്​ രാജസ്​ഥാന്‍ റോയല്‍സ്​ ഐ.പി.എല്‍ പ്ലേഓഫ്​ പ്രതീക്ഷകള്‍ സജീവമാക്കിയിരിക്കുകയാണ്. ടോസ്​ നേടിയ രാജസ്​ഥാന്‍ നായകന്‍ സഞ്​ജു ചെന്നൈയെ ബാറ്റിങ്ങിന് തെരഞ്ഞെടുക്കുകയായിരുന്നു. റുതുരാജ്​ ഗെയ്​ക്​വാദിന്‍റെ (101*) ആദ്യ സെഞ്ച്വറിയുടെ കരുത്തില്‍ ചെന്നൈ 20 ഓവറില്‍ നാലുവിക്കറ്റന്​ 189 റണ്‍സ്​ വാരിക്കൂട്ടി.

എന്നാല്‍ ഓപണര്‍ യശസ്വി ജയ്​സ്വാളിന്‍റെയും (21 പന്തില്‍ 50) ശിവം ദുബെയുടെയും (42 പന്തില്‍ 64) അര്‍ധ​സെഞ്ച്വറികളുടെ മികവില്‍ രാജസ്​ഥാന്‍ 15 പന്തുകളും ഏഴുവിക്കറ്റും ബാക്കിനില്‍ക്കേ വിജയം പിടിച്ചെടുക്കുകയുണ്ടായി.

പോയിന്‍റ്​ പട്ടിക ഇങ്ങനെയാണ്;

12 മത്സരങ്ങളില്‍ നിന്ന്​ 18 പോയിന്‍റുമായി പട്ടികയില്‍ മുമ്പന്‍മാരായ ചെന്നൈയും ഡല്‍ഹി ക്യാപിറ്റല്‍സും നേരത്തെ തന്നെ പ്ലേഓഫിന്​ യോഗ്യത നേടിയിരുന്നു. 11 മത്സരങ്ങളില്‍ നിന്ന്​ 14 പോയിന്‍റുമായി മൂന്നാം സ്​ഥാനത്തുള്ള റോയല്‍ ചലഞ്ചേഴ്​സ്​ ബാംഗ്ലൂരും പ്ലേഓഫ്​ പ്രതീക്ഷയിൽ കഴിയുകയാണ്​.

കൂടതെ 12 മത്സരങ്ങളില്‍ നിന്ന്​ 10 പോയിന്‍റുമായി കൊല്‍ക്കത്ത നൈറ്റ്​ റൈഡേഴ്​സാണ്​ നിലവില്‍ നാലാമത് നിൽക്കുന്നത്​. പഞ്ചാബ്​ കിങ്​സ്​, രാജസ്​ഥാന്‍ റോയല്‍സ്​, മുംബൈ ഇന്ത്യന്‍സ്​ എന്നിവര്‍ക്ക്​ 10 പോയിന്‍റ്​ വീതമുണ്ട് എങ്കിലും നെറ്റ്​​റണ്‍റേറ്റിന്‍റെ അടിസ്​ഥാനത്തിലാണ്​ കെ.കെ.ആര്‍ നാലില്‍ നില്‍ക്കുന്നത്​.

ഓറഞ്ച്​ ക്യാപ്​;

12 മത്സരങ്ങളില്‍ നിന്ന്​ 508 റണ്‍സുമായി ചെന്നൈയുടെ യുവതാരം റുതുരാജ്​ ഗെയ്​ക്​വാദ്​ റണ്‍വേട്ടക്കാരില്‍ ഒന്നാമത് നിൽക്കുകയാണ്​. എന്നാൽ കെ.എല്‍. രാഹുലും (489) സഞ്​ജു സാംസണുമാണ്​ (480) റുതുരാജിന്​ വെല്ലുവിളി ഉയര്‍ത്തുന്നത്​.

പര്‍പ്പിള്‍ ക്യാപ്​

11മത്സരങ്ങളില്‍ നിന്ന്​ 26 വിക്കറ്റുമായി ആര്‍.സി.ബിയുടെ ഹര്‍ഷല്‍ പ​േട്ടലാണ്​ വിക്കറ്റ്​ വേട്ടക്കാരില്‍ ഒന്നാമനായി നിൽക്കുന്നു. ആവേഷ്​ ഖാന്‍ (21), ജസ്​പ്രീത്​ ബൂംറ (17), അര്‍ഷദീപ്​ പട്ടേല്‍ (17) എന്നിവരാണ്​ തുടര്‍ന്നുള്ള സ്ഥാനങ്ങളിൽ നിൽക്കുന്നത്.