ആവേശപ്പോരില്‍ ശ്രീലങ്കയ്‌ക്കെതിരെ ഇന്ത്യക്ക് രണ്ട് റണ്‍ ജയം. ഇന്ത്യ ഉയര്‍ത്തിയ 163 റണ്‍സ് വിജയലക്ഷ്യം പിന്തുടര്‍ന്ന ലങ്ക രണ്ടടി അകലെ പി്ന്നിലായി. നാല് ഓവറില്‍ 22 റണ്‍സ് മാത്രം വഴങ്ങി നാല് വിക്കറ്റ് പിഴുത് അരങ്ങേറ്റ മത്സരം ഗംഭീരമാക്കിയ ശിവംമാവിയും രണ്ട് വിക്കറ്റ് വീഴ്ത്തിയ യുവപേസര്‍ ഉമ്രാന്‍ മാലിക്കുമാണ് ലങ്കന്‍ വിജയവഴി അടച്ചത്.


ക്യാപ്റ്റന്‍ ദസുന്‍ ഷനകയും (45) കുശാല്‍ മെണ്ഡിസും (28) ലങ്കന്‍ പോരാട്ടം അവസാന ഓവറിലേക്ക് നീട്ടിയെടുത്തു. അവസാന ഓവറുകളില്‍ ആഞ്ഞടിച്ച ഹസരംഗയും (10 പന്തില്‍ 21), ചാമിക കരുണരത്‌നയും (പുറത്താകാതെ 26) ഇന്ത്യയെ വിറപ്പിച്ചു. 20 ാം ഓവറില്‍ ലങ്കന്‍ ലക്ഷ്യം 13 റണ്‍സ്. ആദ്യ പന്ത് വൈഡ് എറിഞ്ഞ അക്ഷര്‍ പട്ടേല്‍ വിജയ ദൂരം 12 ലേക്ക് അടുപ്പിച്ചുകൊടുത്തു. അടുത്ത പന്തില്‍ രജിത സിംഗിള്‍ എടുത്ത് സ്‌ട്രൈക് കമാറിയതോടെ വിജയലക്ഷ്യം 12. രണ്ടാം പന്തില്‍ കരുണരത്‌നയ്ക്കു തൊടാനായില്ല.

മൂന്നാം പന്തില്‍ സിക്‌സര്‍ അടിച്ച കരുണരത്‌ന ലങ്കന്‍ വിജയം ആറു റണ്‍ അരുകിലേക്കാക്കി. നാലാം പന്തില്‍ വീണ്ടും കരുണരത്‌ന പരാജയപ്പെട്ടു. അഞ്ചാം പന്തില്‍ ആഞ്ഞടിച്ചെങ്കിലും ഇല്ലാത്ത രണ്ടാം റണ്ണിനോടി രജിത പുറത്ത്.

അവസാന പന്തില്‍ ജയിക്കാന്‍ നാല് റണ്‍സ്. കരുണരത്‌നയുടെ ഷോട്ട് ഡീപ്മിഡ്വിക്കറ്റില്‍ ഫീല്‍ഡറുടെ കൈകളിലേക്ക്. രണ്ടാം റണ്ണിനോടി മധുശനക പുറത്ത്. ഇന്ത്യക്ക് രണ്ട് റണ്‍ ജയം.