വെസ്റ്റിന്‍ഡീസിനെതിരായ 4ാം ട്വന്റി20 മത്സരത്തില്‍ ഇന്ത്യയ്ക്ക് 9 വിക്കറ്റിന്റെ തകര്‍പ്പന്‍ ജയം. ഇതോടെ 5 മത്സര പരമ്പരയില്‍ ഇന്ത്യ വെസ്റ്റിന്‍ഡീസിന് ഒപ്പമെത്തി (22).

ആദ്യം ബാറ്റ് ചെയ്ത വിന്‍ഡീസ് 20 ഓവറില്‍ 8 വിക്കറ്റ് നഷ്ടത്തില്‍ 178 റണ്‍സ് നേടി. മറുപടി ബാറ്റിങ്ങില്‍ 17 ഓവറില്‍ ഒരു വിക്കറ്റ് നഷ്ടത്തില്‍ ഇന്ത്യ ലക്ഷ്യം കാണുകയും ചെയ്തു.

അപരാജിത അര്‍ധ സെഞ്ചറിയുമായി ഇന്ത്യയെ വിജയത്തിലേക്കു നയിച്ച യശസ്വി ജയ്‌സ്വാളാണ് (84*) പ്ലെയര്‍ ഓഫ് ദ് മാച്ച്. ടോസ് നേടി ബാറ്റിങ് തിരഞ്ഞെടുത്ത വിന്‍ഡീസിന് രണ്ടാം ഓവറില്‍ തന്നെ ഓപ്പണര്‍ കൈല്‍ മെയേഴ്‌സിനെ (7 പന്തില്‍ 17) നഷ്ടമായി. സഹ ഓപ്പണര്‍ ബ്രണ്ടന്‍ കിങ്ങും (16 പന്തില്‍ 18) വൈകാതെ മടങ്ങിയതോടെ പവര്‍പ്ലേ അവസാനിക്കുമ്പോള്‍ 2ന് 55 എന്ന നിലയിലായിരുന്നു വിന്‍ഡീസ്.

പിന്നീടങ്ങോട്ട് കൃത്യമായ ഇടവേളകളില്‍ വിക്കറ്റ് വീഴ്ത്തിയ ഇന്ത്യന്‍ ബോളര്‍മാര്‍ വിന്‍ഡീസിനെ സമ്മര്‍ദത്തിലാക്കി. ഒരറ്റത്ത് ഉറച്ചുനിന്ന ഷായ് ഹോപ്പാണ് (29 പന്തില്‍ 45) മധ്യനിരയിലെ കൂട്ടത്തകര്‍ച്ച ഒഴിവാക്കിയത്. അവസാന ഓവറുകളില്‍ കൂറ്റന്‍ അടികളുമായി കളം നിറഞ്ഞ ഷിമ്രോണ്‍ ഹെറ്റ്‌മെയറാണ് (39 പന്തില്‍ 61) വിന്‍ഡീസിനെ പൊരുതാവുന്ന സ്‌കോറില്‍ എത്തിച്ചത്. ഇന്ത്യയ്ക്കു വേണ്ടി അര്‍ഷ്ദീപ് സിങ് 3 വിക്കറ്റ് വീഴ്ത്തി.

മറുപടി ബാറ്റിങ്ങില്‍ ഓപ്പണര്‍മാരായ യശസ്വി ജയ്‌സ്വാളും (51 പന്തില്‍ 84 നോട്ടൗട്ട്) ശുഭ്മന്‍ ഗില്ലും (47 പന്തില്‍ 77) ചേര്‍ന്ന് ഒന്നാം വിക്കറ്റില്‍ 165 റണ്‍സ് കൂട്ടിച്ചേര്‍ത്ത് ഇന്ത്യയ്ക്ക് മികച്ച തുടക്കം നല്‍കി. പവര്‍പ്ലേയില്‍ വിക്കറ്റ് നഷ്ടമില്ലാതെ 66 റണ്‍സ് എന്ന നിലയിലായിരുന്നു ഇന്ത്യ. 5 സിക്‌സും 3 ഫോറും അടങ്ങുന്നതാണ് ഗില്ലിന്റെ ഇന്നിങ്‌സ്. ജയ്‌സ്വാള്‍ 3 സിക്‌സും 11 ഫോറും നേടി.

അതേസമയം ഫ്‌ലോറിഡ ട്വന്റി ട്വന്റിയില്‍ വെസ്റ്റ് ഇന്‍ഡീസിനെ 9 വിക്കറ്റിന് തോല്‍പിച്ച് ഇന്ത്യയുടെ തിരിച്ചെത്തി. ജയ്സ്വാള്‍ - ഗില്‍ ഓപ്പണിങ് കൂട്ടുകെട്ട് നേടിയ 165 റണ്‍സ് ഇന്ത്യന്‍ ജയം അനായാസമാക്കി. പരമ്പരയില്‍ ഇന്ത്യ 2-2ന് ഒപ്പമെത്തി. ഇന്ന് രാത്രി എട്ടുമണിക്ക് നടക്കുന്ന അവസാന മത്സരം ഇതോടെ നിര്‍ണായകമായി. ജയിക്കുന്നവര്‍ക്ക് പരമ്പര സ്വന്തമാക്കാനാകും.