അയര്ലന്ഡിനെതിരായ മൂന്നുമത്സര ട്വന്റി20 പരമ്പരയ്ക്ക് നാളെ ഡബ്ലിനില് തുടക്കമാകും....
അയര്ലന്ഡിനെതിരായ മൂന്നുമത്സര ട്വന്റി20 പരമ്പരയ്ക്ക് നാളെ ഡബ്ലിനില് തുടക്കമാകും. പരിക്കുമാറിയെത്തിയ പേസര് ജസ്പ്രീത് ബുമ്രയാണ് ടീമിനെ നയിക്കുന്നത്.
ഏഷ്യന് ഗെയിംസിനുള്ള ക്രിക്കറ്റ് താരങ്ങളും പരമ്പരയിലുണ്ട്. വെസ്റ്റിന്ഡീസ് പര്യടനത്തിലുണ്ടായിരുന്ന സഞ്ജു സാംസണ്, യശസ്വി ജയ്സ്വാള്, തിലക് വര്മ, അര്ഷ്ദീപ് സിങ്, മുകേഷ് കുമാര്, രവി ബിഷ്ണോയ് എന്നിവരും അയര്ലന്ഡിലുമെത്തി.
പരമ്പരയില് കിട്ടിയ അവസരങ്ങള് പാഴാക്കിയ വിക്കറ്റ് കീപ്പര് സഞ്ജുവിന് ജിതേഷ് ശര്മയാണ് വെല്ലുവിളി. വിന്ഡീസില് മൂന്ന് കളിയില് ഇറങ്ങിയ സഞ്ജുവിന്റെ സ്കോര് 12, 7, 13 എന്നിങ്ങനെയായിരുന്നു. പകരം ജിതേഷിനെ കളിപ്പിക്കാനുള്ള സാധ്യത തെളിയുന്നുണ്ട്. ഐപിഎല്ലില് പഞ്ചാബ് കിങ്സിനായി അഞ്ച്, ആറ് നമ്പറിലാണ് ഇരുപത്തൊമ്പതുകാരന് ബാറ്റ് ചെയ്യാനിറങ്ങുന്നത്. ഏഷ്യന് ഗെയിംസിനുള്ള ടീമിന്റെ പ്രധാന വിക്കറ്റ് കീപ്പറാണ്.ഏകദിന ലോകകപ്പ് ടീമില് ഇടംപിടിക്കാനുള്ള സഞ്ജുവിന്റെ സാധ്യത മങ്ങി.
ലോകേഷ് രാഹുല് കളിക്കുന്നില്ലെങ്കില്മാത്രം സഞ്ജു രണ്ടാംവിക്കറ്റ് കീപ്പറായി ഇടംപിടിച്ചേക്കും. അയര്ലന്ഡില് ഋതുരാജ് ഗെയ്ക്ക്വാദും ജയ്സ്വാളുമായിരിക്കും ഇന്ത്യക്കുവേണ്ടി ഇന്നിങ്സ് ആരംഭിക്കുക. സൂര്യകുമാര് യാദവിന്റെ അഭാവത്തില് മൂന്നാംനമ്പറില് ചിലപ്പോള് സഞ്ജുവിന് അവസരം കിട്ടിയേക്കും.
ബുമ്രയ്ക്കൊപ്പം മറ്റൊരു പേസര് പ്രസിദ്ധ് കൃഷ്ണയും തിരിച്ചുവരവിനുള്ള ഒരുക്കത്തിലാണ്. ഡബ്ലിനില് ഇന്ത്യന് സമയം രാത്രി 7.30നാണ് കളി. രണ്ടാംമത്സരം 20നും മൂന്നാമത്തേത് 23നാണ്.
"
https://www.facebook.com/Malayalivartha
