ഇംഗ്ലണ്ടും സ്പെയിനും വനിത ലോകകപ്പ് ഫൈനലില്...
ഇംഗ്ലണ്ടും സ്പെയിനും വനിത ലോകകപ്പ് ഫൈനല് കളിക്കുന്നത് ഇതാദ്യമായതിനാല് കിരീടത്തിന് പുതിയ അവകാശികള് വരും. 2015ലെ മൂന്നാം സ്ഥാനമാണ് ഇംഗ്ലീഷുകാരുടെ മികച്ച പ്രകടനമെങ്കില് സ്പാനിഷ് സംഘം 2023നു മുമ്പൊരിക്കലും സെമി ഫൈനല്പോലും കണ്ടിട്ടില്ല.
ഇവാന് ആന്ഡ്രസ് നയിക്കുന്ന ലാ റോജയും മില്ലീ ബ്രൈറ്റിന് കീഴില് ലയണസും സ്റ്റേഡിയം ആസ്ട്രേലിയയില് ഇറങ്ങുന്നത് കന്നിക്കിരീടം ലക്ഷ്യമിട്ടാണ്.
ഇതുവരെയുള്ള മത്സരഫലങ്ങള് നോക്കുമ്പോള് ഇംഗ്ലണ്ടിനാണ് നേരിയ മുന്തൂക്കമെങ്കിലും സ്പെയിനിന്റെ പോരാട്ടവീര്യത്തെ എഴുതിത്തള്ളാന് വയ്യ. പരിശീലകന് ജോര്ജ് വില്ഡക്കെതിരെ താരങ്ങള് കൂട്ടത്തോടെ രംഗത്തെത്തിയതിനെത്തുടര്ന്ന് കലുഷിതമായിരുന്നു ഏതാനും മാസം മുമ്പ് സ്പെയിന് ടീമിലെ അവസ്ഥ.
വില്ഡയാണ് കോച്ചെങ്കില് തങ്ങളെ ഉള്പ്പെടുത്തേണ്ടതില്ലെന്ന് 15ഓളം കളിക്കാര് വ്യക്തമാക്കുകയും ചെയ്തു. പല പ്രമുഖരുമില്ലാതെ ലോകകപ്പിനെത്തിയ ടീം പക്ഷേ, അവിശ്വസനീയ പ്രകടനവുമായാണ് ഫൈനലിലെത്തിയിരിക്കുന്നത്. ആക്രമണത്തില് ആവേശം നിറഞ്ഞ സംഘമാണ്.
https://www.facebook.com/Malayalivartha
