ദീര്‍ഘനാള്‍ കാത്തിരുന്ന ഇന്ത്യപാക് ക്രിക്കറ്റ് മത്സരം പകുതി വഴിയില്‍ ഉപേക്ഷിച്ചു. ശ്രീലങ്കയിലെ കാന്‍ഡിയിലേയ്‌ക്കെത്തിയ ക്രിക്കറ്റ് ആരാധകര്‍ നിരാശരായി മടങ്ങും . മഴ വില്ലനായതോടെ രണ്ടാം ഇന്നിംഗ്‌സ് തുടങ്ങുന്നതിന് മുന്‍പ് തന്നെ മത്സരം സസ്‌പെന്‍ഡ് ചെയ്യുകയായിരുന്നു. ടോസ് നേടി ബാറ്റിംഗ് തിരഞ്ഞെടുത്ത ഇന്ത്യ തുടക്കത്തിലെ വിക്കറ്റ് വീഴ്ചയില്‍ നിന്ന് മദ്ധ്യനിരയുടെ കരുത്തില്‍ മുന്നേറി 266 റണ്‍സ് നേടിയിരുന്നു. എന്നാല്‍ പാകിസ്ഥാന്‍ മറുപടി ബാറ്റിംഗ് ആരംഭിക്കുന്നതിന് മുന്‍പ് തന്നെ മഴ ആരംഭിച്ചു.

ചെറിയ ഇടവേളയില്‍ മഴ കുറഞ്ഞെങ്കിലും മത്സരം പുനഃരാരംഭിക്കാന്‍ കഴിയാത്ത വിധം വീണ്ടും ശക്തിയാര്‍ജ്ജിക്കുകയായിരുന്നു. തുടര്‍ന്ന് ഏകദിന ഫോര്‍മാറ്റില്‍ ഇന്ത്യയും പാകിസ്ഥാനും നാലുവര്‍ഷത്തിന് ശേഷം നേര്‍ക്കുനേര്‍വരുന്ന മത്സരം പകുതി വഴിയില്‍ ഉപേക്ഷിച്ചു. ഇരുടീമുകളും പോയിന്റ് പങ്കിട്ടെടുത്തു. ഇതോടെ ആദ്യ മത്സരത്തില്‍ നേപ്പാളിനെ തകര്‍ത്ത പാകിസ്ഥാന്‍ സൂപ്പര്‍ ഫോറില്‍ ഇടംപിടിച്ചു. നേരത്തെ ഇന്ത്യന്‍ ബാറ്റിംഗും മഴ മൂലം തടസപ്പെട്ടിരുന്നു.

ഏഷ്യാ കപ്പിലെ പാകിസ്ഥാനെതിരായ ആദ്യ മത്സരത്തില്‍ ബാറ്റിംഗ് തകര്‍ച്ചയില്‍ നിന്ന് മദ്ധ്യനിരയുടെ ബലത്തിലാണ് ഇന്ത്യ കരകയറിയത്. മുന്‍ നിര ബാറ്റ്‌സ്മാന്‍മാര്‍ നിരാശപ്പെടുത്തിയപ്പോള്‍ ഇഷാന്‍ കിഷന്‍ ഹാര്‍ദിക് പാണ്ഡ്യ കൂട്ടുകെട്ടാണ് ഇന്ത്യയെ ഭേദപ്പെട്ട സ്‌കോറിലേയ്ക്ക് നയിച്ചത്. ടോസ് നേടി ബാറ്റിംഗ് തിരഞ്ഞെടുത്ത ഇന്ത്യ റണ്‍സ് കണ്ടെത്താന്‍ പാടുപെട്ടതോടെ പതിനഞ്ചാം ഓവറില്‍ 664 എന്ന നിലയിലായിരുന്നു. അവിടെ നിന്ന് കിഷന്‍ ഹാര്‍ദിക് കൂട്ടുകെട്ടിന്റെ രക്ഷാപ്രവര്‍ത്തനത്തിലാണ് ഇന്ത്യ 266 എന്ന ഭേദപ്പെട്ട സ്‌കോറിലെത്തിയത്.