ഏകദിന ലോകകപ്പില്‍ ന്യൂസിലന്‍ഡിനെ കീഴടക്കി ഇന്ത്യ തുടര്‍ച്ചയായ അഞ്ചാം ജയം സ്വന്തമാക്കി. ആദ്യം ബാറ്റു ചെയ്ത ന്യൂസിലന്‍ഡ് 50 ഓവറില്‍ 273 റണ്‍സിന് ഓള്‍ഔട്ടായി. മറുപടിക്കിറങ്ങിയ ഇന്ത്യ വിരാട് കൊഹ്ലിയുടെ ബാറ്റിംഗിന്റെ പിന്‍ബലത്തില്‍ 6 വിക്കറ്റ് നഷ്ടത്തില്‍ വിജയലക്ഷ്യത്തിലെത്തി.ഇതോടെ കളിച്ച 5 മത്സരങ്ങളും ജയിച്ച ഇന്ത്യ ഒന്നാമതെത്തി.

ചേസിംഗില്‍ ക്യാപ്ടന്‍ രോഹിത് ശര്‍മ്മയും (46), ശുഭ്മാന്‍ ഗില്ലും (26) മികച്ച തുടക്കമാണ് ഇന്ത്യയ്ക്ക് നല്‍കിയത്. ഇരുവരും ഒന്നാം വിക്കറ്റില്‍ 11.1 ഓവറില്‍ 71 റണ്‍സിന്റെ കൂട്ടുകെട്ടുണ്ടാക്കി. കിവി ബൗളേഴ്‌സിനെ കടന്നാക്രമിച്ച രോഹിതിനെ 12-ാം ഓവറില്‍ പന്തെറിയാനെത്തിയ ലോക്കി ഫെര്‍ഗൂസന്‍ ആദ്യ പന്തില്‍ തന്നെ ക്ലീന്‍ ബൗള്‍ഡാക്കുകയായിരുന്നു. 4 വീതം സ്‌കിക്‌സും ഫോറും രോഹിത് നേടി. പിന്നാലെ ഗില്ലിനേയും ഫെര്‍ഗൂസന്‍ മടക്കി. നാലാമനായെത്തിയ ശ്രേയസ് അയ്യര്‍ക്കൊപ്പം (33) കൊഹ്ലി ഇന്ത്യയെ 100 കടത്തി. ഇതിനിടെ മഞ്ഞ് വീഴ്ച്ച മൂലം മത്സരം നിറുത്തി വച്ചു.നന്നായി ബാറ്റ് ചെയ്ത് വരികയായിരുന്ന ശ്രേയസ് ട്രെന്‍ഡ് ബൗള്‍ട്ടിന്റെ ഷോര്‍ട്ട് ബൗണ്‍സറില്‍ ഡെവോണ്‍ കോണ്‍വേയുടെ കൈയില്‍ ഒതുങ്ങി. കെ.എല്‍ രാഹുലും (27) കൊഹ്ലിയും ടീമിനെ 150 കടത്തി മുന്നോട്ടു കൊണ്ടുപോകുന്നതിനിടെ സാന്റ്‌നര്‍ രാഹുലിനെ എല്‍ബിയാക്കി കൂട്ടുകെട്ട് പൊളിച്ചു. പിന്നാലെ സൂര്യകുമാര്‍ യാദവ് (2) റണ്ണൗട്ടായി. എന്നാല്‍ പിന്നീട് ക്രീസിലൊന്നിച്ച കൊഹ്ലിയും ജഡേജയും ഇന്ത്യയെ പ്രതിസന്ധിയില്‍ നിന്ന് കരകയറ്റി മുന്നോട്ട് കൊണ്ടുപോവുകയായിരുന്നു. 104 ബോളില്‍ രണ്ട് സിക്‌സുകളുടെയും 8 ഫോറുകളുടെയും അകമ്പടിയോടെ കോഹ്ലി 95 റണ്‍സ് നേടി.ടോസ് നേടിയ ഇന്ത്യ ക്യാപ്ടന്‍ രോഹിത് ശര്‍മ്മ ബൗളിംഗ് തിരഞ്ഞെടുക്കുകയായിരുന്നു.

ക്യാപ്ടന്റെ തീരുമാനം ശരിവച്ച് ഇന്ത്യന്‍ പേസര്‍മികച്ച തുടക്കമാണ് ഇന്ത്യയ്ക്ക് നല്‍കിയത്. നാലാമത്തെ ഓവറിലെ മൂന്നാം പന്തില്‍ കിവി ഓപ്പണര്‍ ഡെവോണ്‍ കോണ്‍വയെ പുറത്താക്കി മുഹമ്മദ് സിറാജ് ഇന്ത്യയ്ക്ക് ആദ്യ ബ്രേക്ക് ത്രൂനല്‍കി. മിഡ് വിക്കറ്റില്‍ വലത്തേയ്ക്ക് ഡൈവ് ചെയ്ത് ശ്രേയസ് അയ്യറെടുത്ത ക്യാച്ച് അതിമനോഹരമായിരുന്നു. ഇന്ത്യന്‍ ബോളിംഗി െനേരിടാന്‍ എറെ ബുദ്ധിമുട്ടിയ കോണ്‍വേ 9 പന്ത് നേരിട്ട് റണ്ണൊന്നും എടാക്കാനാകാതെയാണ് പവലിയനിലേക്ക് മടങ്ങിയത്.കഴിഞ്ഞ നാല് മത്സരങ്ങളിലും പുറത്തിരിക്കേണ്ടി വന്ന മുഹമ്മദ് ഷമി ഈ ലോകകപ്പില്‍ എറിഞ്ഞ ആദ്യ പന്തില്‍ തന്നെ വിക്കറ്റെടുത്ത് വരവറിയിച്ചു. പത്താം ഓവറിലെ ആദ്യ പന്തില്‍ വില്‍ യംഗിന്റെ (17) കുറ്റിയിളക്കിയായിരുന്നു ഷമിയുടെ വരവറിയിക്കല്‍. ആദ്യ പവര്‍ പ്ലേയില്‍ പതറിപ്പോയ ന്യൂസിലന്‍ഡിന് ആദ്യ പത്തോവറില്‍ 2 വിക്കറ്റ് നഷ്ടപ്പെടുത്തി നേടാനായത് 34റണ്‍സ് മാത്രമാണ്. എന്നാല്‍ തകര്‍പ്പന്‍ സെഞ്ച്വറി നേടിയ ഡെവോണ്‍ കോണ്‍വേയും മികച്ച ഫോം തുടരുന്ന രചിന്‍ രവീന്ദ്രയും കൂടെ ന്യൂസിലന്‍ഡിനെ തകര്‍ച്ചയില്‍ നിന്ന് കരകയറ്റുന്ന കാഴ്ചയാണ് പിന്നീട് കണ്ടത്. കഴിഞ്ഞ മത്സരങ്ങളില്‍ നിന്ന് വ്യത്യസ്തമായി ഇന്ത്യന്‍ ഫീല്‍ഡര്‍മാരുടെ മിസ് ക്യാച്ചുകളും ഇരുവര്‍ക്കും അനുഗ്രഹമായി.

അവസാന ഓവറില്‍ തനിക്കെതിരെ തുടര്‍ച്ചയായി സിക്‌സും ഫോറും നേടിയ മിച്ചലിനെ പുറത്താക്കിയാണ് ഷമി 5 വിക്കറ്റ് നേട്ടം സ്വന്തമാക്കിയത്. 127 പന്ത് നേരിട്ട് 9 ഫോറും 5 സിക്‌സും ഉള്‍പ്പെട്ടതാണ് മിച്ചലിന്റെ ഇന്നിംഗ്‌സ്. അവസാന പന്തില്‍ ലോക്കി ഫെര്‍ഗുസന്‍ (1) റണ്ണൗട്ടായി. ട്രെന്‍ഡ് ബൗള്‍ട്ട് (0) നോട്ടൗട്ടായി. ഇന്ത്യയ്ക്കായി ഷമി അഞ്ചും കുല്‍ദീപ് രണ്ട് വിക്കറ്റും വീഴ്ത്തിയപ്പോള്‍ ബുംറയും സിറാജ് ഓരോ വിക്കറ്റ് വീതം വീഴ്ത്തി.രണ്ട് മാറ്റങ്ങളുമായാണ് ഇന്ത്യന്‍ ടീം കളത്തിലിറങ്ങിയത്. കഴിഞ്ഞ മത്സരത്തില്‍ പരിക്കേറ്റ വൈസ് ക്യാപ്ടന്‍ ഹാര്‍ദിക് പാണ്ഡ്യയ്ക്കും പേസ് ഓള്‍റൗണ്ടര്‍ ഷര്‍ദുല്‍ താക്കൂറിനും പകരം മുഹമ്മദ് ഷമിയും സൂര്യകുമാര്‍ യാദവും അവസാന ഇലവനില്‍ ഇടം നേടി.