യശസ്വി ജയ്‌സ്വാളിനും ക്യാപ്റ്റനായിറങ്ങിയ ആദ്യ മത്സരത്തില്‍ ശുഭ്മന്‍ ഗില്ലിനും സെഞ്ച്വറിത്തിളക്കം.
യശസ്വി ജയ്‌സ്വാളിനും (101) കരുത്തും കരുതലും സമം ചേര്‍ന്ന ഇരുവരുടെയും ഇന്നിങ്‌സ് ആന്‍ഡേഴ്‌സന്‍ -ടെന്‍ഡുല്‍ക്കര്‍ പരമ്പരയിലെ ആദ്യ മത്സരത്തിന്റെ ഒന്നാം ദിനത്തില്‍ ഇന്ത്യന്‍ സ്‌കോര്‍ സുരക്ഷിതമാക്കുന്നതില്‍ നിര്‍ണായകമായി.
ടോസ് നേടിയ ഇംഗ്ലണ്ട് ഇന്ത്യയെ ബാറ്റിങ്ങിനയക്കുകയായിരുന്നു. പ്രമുഖര്‍ അരങ്ങൊഴിഞ്ഞ് മുനയൊടിഞ്ഞ ബൗളിങ്ങുമായി തുടങ്ങിയ ആതിഥേയരെ കണക്കിന് പ്രഹരിച്ച് ഓപണര്‍മാരായ കെ.എല്‍ രാഹുലും ജയ്‌സ്വാളും ചേര്‍ന്ന് ഉജ്വല തുടക്കമാണ് ഇന്ത്യക്ക് സമ്മാനിച്ചത്.
വിരമിച്ച ടെസ്റ്റ് നായകന്‍ രോഹിത് ശര്‍മക്കു പകരം ഓപണ്‍ ചെയ്യാനെത്തിയ രാഹുലിനൊപ്പമുള്ള ഈ കൂട്ടുകെട്ട് സെഞ്ച്വറിക്കരികെ 91 റണ്‍സിലാണ് പിരിഞ്ഞത്. അര്‍ധ സെഞ്ച്വറിക്കരികെ രാഹുലും (42) അരങ്ങേറ്റത്തില്‍ സംപൂജ്യനായി സായ് സുദര്‍ശനും മടങ്ങിയെങ്കിലും ഇന്ത്യന്‍ ബാറ്റിങ്ങില്‍ കാര്യമായ ക്ഷീണമൊന്നുമുണ്ടായില്ല
144 പന്തില്‍ ജയ്‌സ്വാള്‍ സെഞ്ച്വറി തികച്ചപ്പോള്‍ 56 പന്ത് മാത്രമെടുത്താണ് ഗില്‍ അര്‍ധ സെഞ്ച്വറി പിന്നിട്ടത്.
"
https://www.facebook.com/Malayalivartha
