പതിനേഴു വയസിനു താഴെയുള്ള പെണ്കുട്ടികളുടെ ലോകകപ്പ് ഫുട്ബോള് ഒക്ടോബറില്
പതിനേഴു വയസിനു താഴെയുള്ള പെണ്കുട്ടികളുടെ ലോകകപ്പ് ഫുട്ബോള് അടുത്ത വര്ഷം ഒക്ടോബറില് ഇന്ത്യയില് നടക്കും. ഒക്ടോബര് 11-ന് തുടങ്ങുന്ന ടൂര്ണമെന്റിന്റെ ഫൈനല് ഒക്ടോബര് മുപ്പതിന് ആയിരിക്കുമെന്ന് ഫിഫ കൗണ്സില് അറിയിച്ചു.
16 രാജ്യങ്ങള് പങ്കെടുക്കുന്ന ടൂര്ണമെന്റില് അഹമ്മദാബാദ്, ഭുവനേശ്വര്, ഗുവാഹട്ടി, കൊല്ക്കത്തട്ട, നവി മുംബൈ എന്നിവിടങ്ങളിലാണ് മത്സരങ്ങള് നടക്കുക. 32 മത്സരങ്ങളാണ് ആകെ ഉണ്ടാവുക.
ഇത് രണ്ടാം തവണയാണ് ഫിഫയുടെ അന്താരാഷ്ട്ര മത്സരങ്ങള്ക്കു ഇന്ത്യ വേദിയാവുന്നത്. 2017-ല് ആണ്കുട്ടികളുടെ അണ്ടര് 17 ലോകകപ്പാണ്
ഇന്ത്യയില് ആദ്യമായി നടത്തിയ അന്താരാഷ്ട്ര ഫുട്ബോള് ടൂര്ണമെന്റ്. ഫിഫയുടെ ചരിത്രത്തില് അണ്ടര് 17 ലോകകപ്പില് ഏറ്റവും കൂടുതല് കാണികള് കണ്ടതും ഈ ടൂര്ണമെന്റായിരുന്നു.
ടൂര്ണമെന്റിനായുള്ള ഒരുക്കങ്ങള് നേരത്തേ തുടങ്ങിയതായും കോവിഡ് സാഹചര്യങ്ങളില് അയവു വന്നാല് കൂടുതല് ആസൂത്രണത്തോടെ മുന്നോട്ടു പോവുമെന്നും അഖിലേന്ത്യ ഫുട്ബോള് ഫെഡറേഷന് ജനറല് സെക്രട്ടറി കുശാല് ദാസ് പറഞ്ഞു. അണ്ടര് 17 ഫിഫ വനിതാ കപ്പിന്റെ ഏഴാം എഡിഷനാണ് അടുത്ത വര്ഷം ഇന്ത്യയില് തിരശീല ഉയരുക.
"
https://www.facebook.com/Malayalivartha
